Jérémi 21:13 - Kazambale lé Sebe Sauunu 1979

¹³ Gakelebale léma: Maa a i ma; bii fla lé i ke é pale gɔnu worona, gɔlɛgɔ blɛn lé ke fɛna pɛblɛɛ na, a ta, ka lé ka fé léé: De ɛ dan zun lɛ ko maa? De ɛ dan wɔra lɛ ko nyananaa?

Jérémi 21:13 ပူးပေါင်းရင်းမြစ်များ

Lɛrɛvɔ Sɛbɛ 125:2

Fɛan zo lé gɔblɛnnu Jérusalɛm zi lɛ sɔɔ, A zo duo lé Gakelebale élé munu zi lɛ sɔɔan, Bléyi ’ko va fɔɔ lɛɛfaama, a glɛ ’ka lo.

Fwile 13:20

Wo si Sukɔt yé wo nyana Étam, bwi glɛ mun la.

Fwile 13:8

I dan a fe lɛ i be lɛ léé: We lé Gakelebale a kɛlɛ ko lɛ, ko fwile Éjipiti tɛrɛ la bléyi va, a sele dɔ ko gi we lé.

Ézai 22:1

Pɛnguru lé woo yuɛzi yé ana, balelawe lé Ézai a fe a ma, yee lo. Jérusalɛm munu, mɛ we ɛ bɔ yé ka faa é go kɔn nwiin?

Jérémi 17:3

Ka wenyané kɛlɛ fɛfaana kalé tɛrɛ la, amalé maa zi nɔ fɛsiéglanyazannu lɛ léé, wo kalé fɛnu si ka lee; ka leefɛnu valé kalé fɛwezannu faa, wo dan wo faa si lɛ kalé féinu ta, wo dan wo faa si lɛ anlé gɔ blɛn nwiin kalé gɔ nwiin yobanna na.

Jérémi 21:5

’Bɛ zuo, maa ɛ dan guli dan lɛ ka va, an bɛ soile nya, an bɛ plɛplɛ nya, an bli flile nya, an wɛwɛ valé an bli tɔntɔn blɛn nya.

Jérémi 49:16

Bii lé i nyanaan gɔlɛkoro gi, yé i nyanaan gɔ sokoro?-?nénu nwiin, ilé kana zénle mi gi valé ilé boblɛn, wo i saan. Dé ilé kɔn dɔ fɛna nwale loruna bélé gola zooo, maa dan i dia lɛ. Maa Gakelebale ɛ ke a fena.

Jérémi 50:31

Mizan, lai sunyanu lé Gakelebale léma: Boblɛnzan, bé ye, maa a i ma; ilé yi bɔ; we lɛdɔ i gi bléyi bɔ.

Jérémi 51:25

Gakelebale léma: Bé ye, bii Babilɔn, migyɛgɔ, bii lé i tɛrɛ faa sɛrɛ, maa a i ma. An dan an bɛ soi lɛ i ma; maa dan i burula lɛ yé i si gɔlɛgɔnu nwiin, yé maa i kɛlɛ gɔ lé kyɛ a ble, a nya.

Jérémi 7:4

Dablidére lé wa fé léé: Fɛkona a Gakelebale lé kɔn nya, é a Gakelebale lé kɔn nyaoo kɔn nya, té ka bli é vo ’bɛ lɛ lo.

Jérémi Lé Wuvɔ Sɛbɛ 4:12

Tɛrɛla mi blɛnnu koo, Tɛrɛlamunu koo, é ’ka dɔ lɛ wo va mi do kpen gi kɔɔn léé, Jérusalɛm mazan, a nyanézan é dan wɔra lɛ É gɔrɔ gi lo.

Ézékiɛl 13:8

Amalé, Mizan Gakelebale léma: Naa, ka we planu fé, yé ’té kalé yuɛziwenu a vié nya. Ka ye, maa a ka ma. A zo lé Mizan Gakelebale a fe.

Ézékiɛl 21:3

Bé fe yirinwana bɛyilazia pɔrɔ lɛ léma: ’I tɔné dɔ Gakelebale dére lɛ. Mizan Gakelebale léma: Maa dan i kyɛ vɔ lɛ yé yili drɔɔdrɔɔnu faa valé yili galenu faa, yee kyɛ ’ko é dan wo ble lɛ. Kyɛnɛnɛ blɛn ’ko ’ka dan diri lɛ pelo, yé fɛnu faa lé wo ke tɛrɛ yuɛ la é dan wo ble lɛ, é sia yirinwana bɛyilazia fɔɔ yé é bɔ yirinwana bɛbolazia.

Ézékiɛl 34:10

Mizan Gakelebale léma: Ka ye, maa a Izraɛl pazannu ɛ ma. Maa dan anlé ’blanu si lɛ wo lee. Maa ’ka dan wo vo lɛ yé wo anlé ’blanu pa é dɛrɛ lo. Yé wo ’ka dan wobo pa lɛ é dɛrɛ lo. Maa dan anlé ’blanu si lɛ wo lee, yé ’bɛnu ’ka dan kɛlɛ lɛ wolé fɛblele nya é dɛrɛ lo.

Ézékiɛl 5:8

Amalé Mizan Gakelebale léma: Ka ye, an nwa ka ma, yé maa dan kalé we ble lɛ bɛnnu yuɛ va.

Misé 3:11

A nwiinzannu éé we blé blɛ yele we ma; alé Balebanzannu éé we paan mi gi ’wo ban yele we ma; alé balelayezannu éé balelawe fé gɔɔli va. É dɔ wo gi léé, wa é pale Gakelebale ta, ’té wa fé léé: Gakelebale ’ka ko va loo? Wenaané ’ka dan bɔ lɛ ko ma lo.

Naum 2:13

Golizra éé fɛ wi kinié ékema turu élé nénu zé nya, Éé fɛ gya turu é bɔrɔ ma, Golizra tinanu zé nya. Éé é yɛrɛ faan, winu lé éé wo gya, wo nya, Éé é yɔɔna faan fɛnu lé é ’wii wo ta, wo nya.