Jérémi 20:4 - Kazambale lé Sebe Sauunu 1979

⁴ Naa, Gakelebale léma: Bé ye, maa dan di kini lɛ i gi, bii valé i béénu faa nya; wo nyanézannu é dan wo gyɛ lɛ gwɔun nya i yuɛ va. Yé maa dan Juda munu faa pa lɛ Babilɔn nwiinzan blɛn lee, yé ’bɛ é dan go lɛ wo nya luu gi Babilɔn yé é dan wo gyɛ lɛ gwɔun nya.

Jérémi 20:4 ပူးပေါင်းရင်းမြစ်များ

2 Minwiinzannu 25:7

Wo Sédésias benu bɔrɔ bo é yuɛ va; a zuo wo Sédésias yuɛnu so yé wo zénégɔgɔbale vɔ a ma, yé wo go a nya Babilɔn.

Lɛrɛvɔ Sɛbɛ 73:19

Yé bé gini do, keletɔɔn, wozé nyaa. Wo wo si ana é kele, yé ana vo é pla.

Jérémi 13:10

Mi nyanénu ’ko lé wo ’ka ’wo tɔné dɔa an dérenu lɛ lo, ’té woo gibɔrɔan ’wolé blibɔmawenu ma yé wo go bale bɛnu zuo bɛ, ’té woo ’bɛnu bɔa ’té woo diaan ’bɛnu ’lɛ, wolé we ’é kɛlɛ bélé kyɛsidi ’ko lé é ’ka vo lɛ é zima é dɛrɛ lo, azé zo ma.

Jérémi 13:19

Kalé fla blɛnnu lé é ke yirinwana bɛyilazia, wo gɔrɔ lɛ a é tanle, wo lɛsozan ’ka lo; wo go Juda munu faa nya luu gi, wo go wo faa nya luu gi é ta lé kɔn‐an.

Jérémi 19:15

Lai sunyanu lé Gakelebale, Izraɛl lé Bale léma: Ka ye, we tɔntɔnnu faa lé maa wo lɛ kini, maa dan wo bɔ lɛ fla ’ko valé a zi flanu ma. Naa, wo yuɛma dɔ an va plɛplɛ, yé wo ’ka tɔné dɔ lɛ an dérenu lɛ lo, azama.

Jérémi 20:6

Yé bii Pasuu, bii valé ilé munu faa, ka dan go lɛ luu gi; i dan go lɛ Babilɔn yé i dan ga lɛ ’bɛna. Wo dan i pa lɛ ’bɛna, bii valé i béénu faa lé i balelawe fe wo lɛ vié nya bɛ, wo nya.

Jérémi 25:9

amalé Gakelebale léma: Munu faa lé wo ke yirinwana bɛbolazia, an dan munu nwunvɔ lɛ wo laana, léé, ’wo da. Maa dan mi nwunvɔ lɛ an wuozan Babilɔn nwiinzan blɛn Nébukanɛsaa va, yé maa dan da lɛ a nya léé, ’é nwa tɛrɛ ’ko koo, a tamunu koo, wo zi bɛnnu faa koo, wo ma, wo kulu gale we ma, yé wo wolé fla kɛlɛ é ’bin nya, wenanamafɛ nya, yé é dan vo lɛ é pla lɛɛfaama.

Jérémi 29:21

Kolaja be Akab valé Maaséja be Sédésias lé woo balelawe fé ka lɛ vié nya Bale tɔ gi, lai sunyanu lé Gakelebale, Izraɛl lé Bale we fe wo ma yé é léma: Ka ye, maa wo pa Babilɔn nwiinzan blɛn Nébukanɛsaa lee, yé é dan wo gyɛ lɛ ka yuɛ va.

Jérémi 46:5

Mɛ lé maa a yé bɛɛ? Wa kanana, ’té woo goo ’wo zuo; Wo wolé nyanazannu gyɛ, Wo fwi, yé wo ’ka nɔlaan é ziin lo. Wo zuru va nyɛ kini nuu. Maa Gakelebale ɛ ke a fena.

Jérémi 52:24

Balebanmunu ’lɛzan Séraja koo, Balebanzan fiézan Sofoni koo, kɔn ’léé tabinzannu yaa koo, sunyanu ’lɛzan wo si.

Jérémi 52:27

Babilɔn nwiinzan wo gyɛ yé wo ga Ribla, Amat tɛrɛ la. ’Bɛ zo lé wo go Juda munu nya luu gi, wolé tɛrɛ ma baa.

Jérémi 6:25

Té ka go féinu ta lo, té ka go zinu ta lo. Naa, ka nyanézannu lé gwɔun a ’bɛna yé di kinile mi gi a fɛfaana.

1 Samuɛl 2:33

Maa dan ilé mi do vo lɛ an banna sɔnɔ, yara lé i gyɛle valé i bli kyɛ dɔle we ma; naa, ilé kɔngimunu faa é dan ga lɛ wo plɛplɛ bléyi va.