Jérémi 20:18 - Kazambale lé Sebe Sauunu 1979

¹⁸ Mɛmalé maa bɔra an bu bɔn gi ’Té maa nyané valé kleblele ’ko yéé? ’Té anlé yinu éé giéan yaragyɛwe saa bɔle nya an maa?

Jérémi 20:18 ပူးပေါင်းရင်းမြစ်များ

1 Minwiinzannu 19:4

Yeebozen go bwi gi, yé é tawo yi do yé é nyana jénɛyili wuo yé é ga laa léé: ’Bɛ a é yi. Sin, Gakelebale, ’i an léli si, naa, an ’ka mini lɛ an tranu ta lo.

JOB (Job) 14:1

Mi lé le a yaa, alé tɛrɛla a kpégéléné, ’Té a gi kyɛ a é dɔle yifaama.

JOB (Job) 14:13

Oo, dé i an yɔɔ kɔɔn gamunu nyanana, Dé i fɛ bua kɔɔn an ta yé ilé bliflile gié, Yé dé i an sele dɔ i gi yi dɔ kɔɔn an lɛ,

JOB (Job) 3:20

Mɛmalé Bale é fɛnafu no nyanéblezan lɛɛ? Mi lé a bli gi kyɛ dɔ é baba, ’Té a bli bɔ gale ma é pla, ’Té a bli bɔ a ma é mini fɛwezan ta, ’Té dé é pana ye kɔɔn, ’té ginanale blɛn vɔ a ma, Mɛmalé Bale é ’bɛzan vo é yuɛmaa?

JOB (Job) 5:7

Woo blami yaan nyanéblele we ma, Kyɛ flɛnné éé bélian fɛan zo, a zo.

Lɛrɛvɔ Sɛbɛ 102:3

Yian nya lé kleblele da an va, té i yara yɔɔ an ma lo. Dé maa a siaana, ’i tɔné dɔ an lɛ, Yé ’i anlé bazoro dére ’ma yé bé nyi si é kele ma.

Lɛrɛvɔ Sɛbɛ 69:19

’I bié an boen ma, ’i an si munu lee ma. ’I an si an nyanézannu lee ma.

Ézai 1:6

É sia wo gane buli fɔɔ yé é bɔ wo nwiin, wo zinna do kpen ’ka lo. Tuolenu koo, nyɛ dɔle wo kɔlɛnu gi valé manɔn kuru kwakwanu koo, wo saa ɛ ke wo ma; wo ’ka wo paan lo, wo ’ka sɔ vuruan wo ta lo, wo ’ka nyɔnɔ paan wo gi lo.

Ézai 51:7

Ka lé ka wetegele dɔɔ, ’ka tɔné dɔ an lɛ; ’Kaa munu lé anlé bélidɔwe ke ka bli gi, ’ka tɔné dɔ an lɛ. Dé munu serele bo ka ma, té ’bɛ é kana zén ka gi lo, Dé wo ka sɔnɔ, té ’bɛ é gligli zén ka gi lo.

Jérémi 15:10

An buoo, i an yaa wenaanébɔmazan nya. Maa ɛ ta lé zavɔle valé wesiale ke tɛrɛ faa la. Maa ’ka vɛɛn sié lo, maa ’ka drɔn paan lo, naa, duowo, munu faa éé bale paan an ma.

Jérémi 15:18

Mɛmalé an nyané blé bléyi faa maa? Mɛmalé an manɔn éé yaan yé é ’ka sɔ lɛ a lɛ léé, é nyaa loo? I dan kɛlɛ lɛ an lɛ bélé dabli ’yibɔna zoo? Bélé yuu lé é ’ka yoroan é dɛrɛ lo, a zoo?

Jérémi 3:25

Kolé yaragyɛwe kɛlɛ bélé yialafɛ zo, yé nyɔnmɛ wɔra ko ta bélé sɔ zo. Naa, ko wenyané kɛlɛ Gakelebale kolé Bale ma, ko koo, ko tinu koo, é sia ko kiéné la bléyi va fɔɔ kyɔ. Yé ko ’ka ko tɔné dɔ lɛ Gakelebale kolé Bale lɛ lo.

Jérémi 8:18

É sɔ an lɛ léé, anlé kleblele ta ’é zana; An bli a nyané blena an gi.

Jérémi Lé Wuvɔ Sɛbɛ 1:12

Maa a wefena ka lɛ, ka faa lé ka ke giéna ’ko, ka lɛ. ’Ka nagini, ’ka ye, nyané lé maa a blena ’ko, ’Bɛ zoɛ nyanéblele bɛ aa? Gakelebale bli fli baba yi nya é kle pa an ta.

Jérémi Lé Wuvɔ Sɛbɛ 3:1

Maa a mi lé Gakelebale wɛwɛ dɔ a ma, a nya. A wɛwɛ a bélé an bla vlewɔlɛ zo.

Abaku 1:3

Mɛmalé bé kɛlɛ léé, maa weple ye, yé we lé é ’ka tegele lo, mɛmalé i yuɛ vɔ a taa? Mɛmalé yaale mi ta valé glawe kɛlɛle a an yuɛ gii? Wa zɔdɔna, ’té zavɔle éé nwaan munu méléna.

WENÉNÉ LE JAN A GYE (Évangile selon Jean) 16:20

Maa fe ka lɛ kyɔ webozen nya, ka dan wuvɔ lɛ, yé ka dan gyɛ bo lɛ, yé tɛrɛlamunu gi é dan nana lɛ. Ka gi kyɛ é dan dɔ lɛ, naa, kalé gi kyɛ dɔle é dan nɔla lɛ gi nanale nya.

Kelewenu 5:41

Nwunvɔzannu si webolikinimunu va yé wo gi nana léé, Kazambale a ye léé, wo dɔle nyané blele wuo Jézu tɔ ma yara lé.

2 Timoté 1:12

Amalé maa a nyané ’konu blena, naa, yara ’ka an gyɛna lo. Mi lé an bli ke a lɛ, maa azan dɔɔ, yé maa a gi dɔɔ léé, we lé maa a bɛ pa a lee, é bɔalɛ léé, é yuɛ pa a va fɔɔ yé ’bɛ yi é bɔ. Bɛwemalé yara ’ka an gya lo.

Ébrunu 10:36

We lé ke ka mawe nya, yee lé ke léé, ’ka kɛlɛ yarapawelazannu nya, yé dé ka Kazambale lé blibɔmawe lɛ sɔɔ faa yé fɛ lé Kazambale a fe léé, é dan a nɔ lɛ ka lɛ, yé é a nɔ ka lɛ.

Ébrunu 11:36

A kenu wo ’wuo dɔ ’wo ma we nanalenu koo, plén koo, gɔgɔbalenu koo, bokɔn koo, wo wuo.

Ébrunu 12:2

’té kaa yuɛ a Jézu lɛ téiin, yee ɛ ke kaalé blipale ti valé a lɛsɔɔzan nya. Ginanale lé ke a ’lɛ mi bɛ, a yele we ma lé é nyané ble yiliblan ta, yé é yaragyɛwe ye we pla nya, yé é nyana Kazambale lé fuablin bɛyilazia.

Ébrunu 13:13

Bɛwemalé, kaa go a va fla nwun zi mi; yaragyɛwe lé é ’wuo dɔ a wuo, kaa ’wuo dɔ yee duo wuo ma.