Jérémi 20:11 - Kazambale lé Sebe Sauunu 1979

¹¹ Naa, Gakelebale a an va bélé nyanazan plɛplɛ zo, Amalé nyanépaantazannu é dan dia lɛ; wo ’ka dan an kun lɛ lo. Wolé we ’ka dan vɔ lɛ a ma lo, amalé yara é dan wo gyɛ lɛ. É dan kɛlɛ lɛ yaragyɛwe lé a glɛ ’ka lo, ’té munu gi ’ka dan san lɛ a ma lo, a nya.

Jérémi 20:11 ပူးပေါင်းရင်းမြစ်များ

Lɛrɛvɔ Sɛbɛ 129:2

É sia an boronéla bléyi va fɔɔ kyɔ, woo yaan an ta, Naa, wo ’ka an kele lɛ lo.

Lɛrɛvɔ Sɛbɛ 35:26

Munu lé wo gi éé nanaan we tɔntɔn bɔle an ma we ma, Yara ’é wo faa gyɛ yé wo yuɛ ’é tana ma. Munu lé woo nwaan an ma, yara ’é wo gyɛ yé munu ’é serele bo wo ma ma.

Lɛrɛvɔ Sɛbɛ 40:14

Gakelebaleoo, Bale, ilé weai, ’i an si we ’konu lee. Gakelebale, ’i da bɔ an va é kele.

Lɛrɛvɔ Sɛbɛ 47:2

’Kaa migɔnɔnu, ’ka faa é bɛ gyɛ. ’Ka siaa Kazambale lɛ ginanale nya.

Lɛrɛvɔ Sɛbɛ 6:10

Gakelebale éé anlé dunuvɔmadére maan, Gakelebale éé anlé bazorole nyi sié.

Lɛrɛvɔ Sɛbɛ 65:5

Mian bé si a va yé bé dale i va nyi sié, Léé, é nyana ilé gɔrɔ gi, azé a néné. Ilé kɔn gi fɛ zinnu é dan ko kan lɛ, Ilé kɔn sauun é dan kozé bɔ lɛ.

Lɛrɛvɔ Sɛbɛ 66:5

’Ka da, ’ka ’wuogibɔrɔ Bale panyanamanu ma. Dé é we kɛlɛ blaminu lɛ, éé kana zén‐é munu gi.

Ézai 41:10

Té i kana we do kpen lee lo, naa, maa a i va; Té i we do kpen gi bɔrɔ pa lo, naa, maa a ilé Bale nya. Maa i fuu dɔa i ta, maa bɔa i va, Maa, guliwuovolɛzan, maa dɔ i zuo.

Ézai 41:14

Jakɔb, bii lé i ’ka vo lɛ we do nya lo, ’Kaa Izraɛl sɛné lé ka vo, ’té ka ke tɔɔtɔɔ, té ka kana lo; Gakelebale léé, é dan bɔ lɛ ka va, Izraɛl lé Mi Sauun lé ke ka siéwegizan nya.

Ézai 45:16

Yaragyɛwe é dan bɔ lɛ miyilinyaazannu ma, Yé yara é dan wo gyɛ lɛ, ’Té woo goo yowuli yowuli.

Jérémi 1:18

Bé ye, kyɔ maa i dɔ nyanazan nya bélé kɔn wɛyili lé ke foliɛwɔlɛ nya, a zo, bélé kɔnguru lé ke zéné nya, a zo, Juda munu nwiinzan blɛnnu koo, wolé minwiinzannu koo, wolé Balebanzannu koo, tɛrɛ ’ko lamunu faa koo, wo lɛ.

Jérémi 1:19

Wo dan guli dan lɛ i va, yé wo ’ka dan i kele lɛ lo. Naa, maa a i va, i ta béli dɔle we ma. Maa Gakelebale ɛ ke a fena.

Jérémi 1:8

Té i kana wo lee pelo, naa, maa a i va, i ta béli dɔle we ma. Maa Gakelebale ɛ fe.

Jérémi 15:15

Oo Gakelebale, i we faa dɔɔ, an sele ’é dɔ i gi ma; té i gi é san an ma lo ma; ’i anlé we lɛgi pa klepaantazannu ma ma. Dé i bli kɛlɛ tiéé wo ma, an dan ga lɛ. Wo serele bo an ma i tɔ lé we ma; we ’ko sele ’é dɔ i gi ma.

Jérémi 15:20

Maa dan i kɛlɛ lɛ munu ’ko va bélé kɔnguru plɛplɛ lé wa dɔ zéné nya, a zo; wo dan guli dan lɛ i va, naa, wo ’ka dan i kele lɛ lo; naa, an dan kɛlɛ lɛ i va, i bélile valé i sile we gi we ma. Maa dan i si lɛ mi nyanénu lee, maa dan i si lɛ glawe kɛlɛzannu lee. Maa, Gakelebale ɛ ke a fena.

Jérémi 17:18

Munu lé woo nyané paan an ta yaragyɛwe ’é bɔ wo ma ma. Té yarawe é bɔ an ma lo ma. Wo ma ’é nyɔɔn ma, naa, té an ma é nyɔɔn lo ma. ’I we tɔntɔn bɔ wo ma ma. ’I dunuzénmitawe bɔ wo ma fié ma.

Jérémi 22:22

Fu é dan ka tabinzannu faa zana lɛ a gi, Yé munu lé i sɔ wo lɛ, wo dan go lɛ luu gi; ’Bɛ bléyi nya yara é dan i gyɛ lɛ, yé yaragyɛwe é dan bɔ lɛ i ma, I kɛlɛwe naanénu faa lé we ma.

Jérémi 23:40

maa dan ka kɛlɛ lɛ serelebomazannu nya lɛɛfaama, yaragyɛwe lé a glɛ ’ka lo, maa dan a bɔ lɛ ka ma. Mi gi ’ka dan san lɛ we ’konu ma monomono lo.

Jérémi 32:18

I nyanai éé zén‐é fɔɔ mi kulu wuru é wuru ta, yé weplenu lé né tinu a kɛlɛ, bé ma we lɛdɔa wolé nénu gi. Bii ɛ ke Bale blɛn lé é ke plɛplɛ, a nya, ’té a tɔ ke lai sunyanu lé Gakelebale bɛ, a nya.

Daniɛl 12:2

Munu lé wo ke yiɛna vun gi, wo va mi kiɛre é dan vuo lɛ, vole é yuɛma lé a glɛ ’ka lo, é dan kɛlɛ lɛ wo va mi kenu zé nya; serelebole valé yaragyɛwe lé é ’ka nyaan lo, é dan kɛlɛ lɛ wo va mi kenu zé nya.

Rom munu 8:31

Kaa fé we ’konu ma nɔɔ? Dé Kazambale a kaa va, de ɛ kɛla kaa maa?

2 Timoté 4:17

Mizan ɛ bɔ an va, yé é an dɔ plɛplɛ anlé wefele lɛsɔɔle we ma, bɛnnu faa lé a ’male we gi. Yé Bale an si golizra lɔ ma.