Jérémi 20:10 - Kazambale lé Sebe Sauunu 1979

¹⁰ Maa mi kiɛre lé gun gyɛle ’ma, Yé wo léé: Yifaama, yifaama, we tɔntɔn, we tɔntɔn! ’Ka a tɔ laa, yé ko dan a tɔ fe lɛ. Munu faa lé wo bli ke an ma drɔɔ, Wa sin an ma vɔɔna léé, dé a sɔné é dan san lɛɛ? Wo léé: Dé é dan we do kɛlɛ lɛ é tanyila Yé ko a kuun? ’Té ko dan we lɛgi pa lɛ a ma.

Jérémi 20:10 ပူးပေါင်းရင်းမြစ်များ

1 Minwiinzannu 19:2

Jézabɛl mi nwunvɔ Éli va a fele a lɛ we gi léé: Tɛlɛ, bléyi ’ko va, i we kɛlɛ wo lɛ fɛan zo, dé maa ’ka we kɛlɛ lɛ bii lɛ a zo lo, balenu ’é we kɛlɛ an lɛ wolé plɛplɛ faa nya ma.

1 Minwiinzannu 21:20

Akab lé Éli lɛ léé: An nyanézan, i an yee? Yé é a zi pa léé: We lé ke é naané Gakelebale yuɛ gi, ibo nɔ a kɛlɛle lɛ, amalé maa i ye.

1 Minwiinzannu 22:27

’Ka fe léma: Minwiinzan blɛn léma: ’Ka mi ’ko vɔ bokɔn gi, yé ’ka nyané ble buru valé ’yi nɔ a lɛ fɔɔ yé an da é ziin drɔɔ.

1 Minwiinzannu 22:8

Izraɛl nwiinzan a zi pa Jozafat lɛ léé: Mi do ana é ziin yé ko bɔa we laale lɛ Gakelebale lee ’bɛ nya; naa, a za a an gi, é ’ka balelawe zin fé an lɛ monomono lo, é balelawe naané saa ɛ fé, azama. Jimla be Misé lé. Yé Jozafat léé: Té minwiinzan é we fe ’bɛ zo lo ma.

JOB (Job) 19:19

An kɛlɛ naaninvɔmafɛ nya an sɔlɛbéé yuɛ gi, An sɔlɛzannu kinin an nyanézannu nya.

Lɛrɛvɔ Sɛbɛ 31:13

An sele éé saan munu gi bélé mi lé é ga, a zo. Maa a bélé bɔple zo.

Lɛrɛvɔ Sɛbɛ 31:14

Maa an sɔnɔzannu dére maan, Di kini munu gi fɛfaana. Dé wo zén ékeva an ma weblele we ma Woo dére paan do an gyɛle we ma.

Lɛrɛvɔ Sɛbɛ 41:10

An béé boen lé, maa an giwe fé a lɛ, ’Té an ke é pale a ta, ’té éé fɛ blé an va bɛ, Yee ɛ é gane tɛɛn nwaan an ma.

Lɛrɛvɔ Sɛbɛ 41:9

Wo léé: Gawe a kun, Bé ye é yiale bɛ; é ’ka dan nwa lɛ é dɛrɛ lo.

Lɛrɛvɔ Sɛbɛ 57:4

É dan é bɛ soi lɛ la gi, yé é an si we gi. Yé mi lé é an sɔnɔ, é dan ’bɛzan sɔnɔ lɛ. Ka ye do. Bale é dan élé zin kɛlɛ lɛ an lɛ yarapalale nya.

Wegɔnévɔlenu 10:18

Mi lé éé zapale tɔ yɔɔan, a lɔlu a viéwo lɔlu nya, yé mi lé éé mi tɔ sɛra, é a ’tugyɛzan nya.

Ézai 29:21

Munu lé woo we dɔa mi bɛnu nwiin weblena, ’té woo diaan dɔmizuozannu zi flagɔrɔ ’léé, ’té woo weanwiinlozannu lé se sié wo lee dabli nya, woo lé.

Jérémi 1:19

Wo dan guli dan lɛ i va, yé wo ’ka dan i kele lɛ lo. Naa, maa a i va, i ta béli dɔle we ma. Maa Gakelebale ɛ ke a fena.

Jérémi 11:19

Maa a bélé ’blané drɔɔ lé wo go a nya wigyɛna, a zo, yé ’wuo gi naanénu lé wo ke a bɔrɔna an ma, maa ’ka a do kpen dɔɔ lɛ lo. Wo léé: Kaa yili valé a poro sɛrɛ. Kaa a soowɔla mi yuɛmalenu lé tɛrɛ la, yé té a tɔ sele é dɔ mi gi é dɛrɛ lo.

Jérémi 11:21

Anatɔt munu lé é sɔ wo lɛ léé, wo i gyɛ, yé wo léé: Té i balelawe fe Gakelebale tɔ gi lo, dé ’bɛ kaan lo, ko i gya, Gakelebale we fe wo lɛ.

Jérémi 18:18

Yé wo léé: ’Ka da, kaa gi pa Jérémi ma. Bélidɔwe ’ka dan si lɛ Balebanzannu lee lo; weplale ’ka dan si lɛ wedɔɔzannu lee lo; dére ’ka dan nyaa lɛ balelayemunu ’léé lo. ’Ka da, kaa Jérémi gyɛ kaa dére nya, té kaa tɔné dɔ a dére do kpen lɛ lo.

Jérémi 20:3

Naa, ’bɛ é tu kini, Pasuu Jérémi bɔra bokɔn gi. Yé Jérémi lé a lɛ léé: Gakelebale ’ka i tɔ laa lɛ Pasuu lo; é i laama Magɔɔ‐Misabib.

Jérémi 37:13

É bɔ aan wo flagɔrɔ ’léé lé wa laama Bɛnjamɛn, ana, ’té flatabin sunyanu ’lɛzan lé wa laama Aanania be Sélémia be Jiréija, é ana bɛ, é balelayezan Jérémi kun, yé é lé a lɛ léé: I a i péli vɔna Kaldé munu va.

Jérémi 6:25

Té ka go féinu ta lo, té ka go zinu ta lo. Naa, ka nyanézannu lé gwɔun a ’bɛna yé di kinile mi gi a fɛfaana.

Ézékiɛl 22:9

Mitɔsɛrɛzannu lé woo mi nyɛ nwɛɛn‐an, wa bii fla ’ko ta; i tamunu éé yobanfɛ blé gɔnu nwiin, woo weple kɛla bii fla ’ko ta.

Daniɛl 6:4

Yé minwiinzannu valé minisinu a zi ginina léé, ’wo we dɔ Daniɛl nwiin, plale mi nwiin lé we ma. Naa, wo ’ka a kunmawe do kpen ye lɛ lo; wo ’ka gun do kpen ye lɛ a ma lo, naa, Daniɛl a yarapawelazan nya, azama. Dé é a saanwe nyaoo, dé é a wenaané nyaoo, wo ’ka a do kpen ye lɛ a ma lo.

WENÉNÉ LÉ LUK A GYE (Évangile selon Luc) 20:20

Wa ’wozé zi ginina, yé munu lé ’bɛnu ’wobo kɛlɛ mi tegele zo, wo ’bɛnu pa zia léé, wo dia Jézu zi yé wa kun ébo dére ma yé wa nɔ minwiinmunu valé gbɔrɔnama lɛ.

Kelewenu 24:13

We lé wa dɔna an nwiin lao, wo ’ka bɔa an kunle lɛ a nya lo.

Kelewenu 5:33

Webolikinimunu bli fli dére ’konu ma é baba, yé é sɔ wo lɛ léé, ’wo wo gya.

Kelewenu 7:54

Wo dére ’konu ’ma aan wo, wo bli fli é baba yé wo vo wo suiɛ dɔrana é ke la a za nya.