Jérémi 2:36 - Kazambale lé Sebe Sauunu 1979

³⁶ Mɛmalé ka a ta kelekele wona kalé zi nɔlale we maa? Éjipiti munu é dan ka gyɛ lɛ yara nya bélé fɛan zo lé Asiri munu ka gyɛ yara nya, a zo.

Jérémi 2:36 ပူးပေါင်းရင်းမြစ်များ

2 Minwiinmunu lé Wezuofe Sɛbɛ 28:16

’Bɛ bléyi va, minwiinzan blɛn Akaz mi nwunvɔ Asirinu nwiinzan blɛn va, léé, ’é da bɔ ’é va.

Ézai 20:5

Yé Juda munu lé wo pale ke Étiopi munu ta, ’té wo wobo tɔ bɔa Éjipiti munu gi, kana é dan zén lɛ wo gi, yé yaragyɛwe é dan bɔ lɛ wo ma.

Jérémi 2:18

Yé sin, mɛmalé é sɔ ka lɛ léé, ka go Éjipiti tɛrɛ la Yé ka Nil yuu minii? Mɛmalé é sɔ ka lɛ léé, ka go Asiri tɛrɛ la Yé ka ’bɛna yuu minii?

Jérémi 2:23

É kɛlɛ kaa yé ka léé: Ko ’ka ko tiri dɔ lɛ lo, Ko ’ka go lɛ Baalnu zuo loo? ’Ka ka gane paginu nagini gɔ worona, Ka wean kɛlɛ, ’ka bɔn‐in bɔrɔ ’bɛ ma do. Ka a bélé nyɔgɔmé tina lé éé vlan borowo plɛplɛ, ’té éé giéan fɛfaana, a zo.

Jérémi 2:33

Ka gɔné ginian ka zua fɛan zo bɛ, amalé ka we paan gɔnégini lomu gi.

Jérémi 22:20

’I vɔ Liban gɔ nwiin. ’I siaa Bazan tɛrɛ ta. ’I siaa Abarim gɔ nwiin, Naa, munu faa lé i sɔ wo lɛ, wo wo guru ’wii.

Jérémi 22:22

Fu é dan ka tabinzannu faa zana lɛ a gi, Yé munu lé i sɔ wo lɛ, wo dan go lɛ luu gi; ’Bɛ bléyi nya yara é dan i gyɛ lɛ, yé yaragyɛwe é dan bɔ lɛ i ma, I kɛlɛwe naanénu faa lé we ma.

Jérémi 31:22

Bii blɛnzan lé i si zi zima ta, I dn si lɛ ilé saanzi ta mɛ yi laa? Naa, Gkelebale we dɛrɛ kɛlɛ tɛrɛ la; Le é dan é zana fɛɛ bo lɛ.

Jérémi 37:7

Gakelebale, Izraɛl lé Bale léma: ’Ka fe Juda nwiinzan blɛn lé é ka nwunvɔ an va ’ko, a lɛ léé: Bé ye, Faraɔn lé sunyanu lé wo ke dana bɔna ka va bɛ, wo dan nɔla lɛ wo pa gi Éjipiti tɛrɛ la;

Jérémi 46:12

Bɛnnu é dan ilé yaragyɛle ’ma lɛ, Tun é dan dɔ lɛ tɛrɛ gi ilé siaalenu nya. Gulidan sunyanu sɔné é dan san lɛ ’wo ke ma, Yé wo faa é dan dia lɛ ékeva.

Jérémi Lé Wuvɔ Sɛbɛ 4:17

Ko yuɛ pɛ ga é gi é ziin, Ko ko bɔavazannu lɛbɛn é pla. Ko vo a naginina, ’té ko bli a a lɛ léé, Bɛn do é dan ko si lɛ we gi, naa, ’bɛ ’ka lo.

Jérémi Lé Wuvɔ Sɛbɛ 5:6

Ko bɛ soi Éjipiti valé Asiri vazia, léé, Wo fɛblele nɔ ko lɛ.

Ézékiɛl 16:28

Ilé gɔnéginile ’ka i kan lɛ lo, amalé i Asirinu gini gɔné nya. I wo gini gɔné nya, naa, wo ’ka izé bɔ lɛ duowo lo.

Ézékiɛl 29:7

wo kun i ma bléyian va, i so a ta wo lee, yé i wo bɛapa boworo faa so a ma; bléyian va lé wo pa i ta, i ’wii yé i wo sowɔlɛnu so é ke ’léé.

OZÉ (Osée) 10:6

Wo dan go lɛ yee kyandiriné nya Asiri tɛrɛ la, minwiinzan Jarɛb blan nya. Tun é dan dɔ lɛ Éfraim munu gi, yé yara é dan Izraɛlnu gyɛ lɛ ’wo gibɔrɔmawenu ma.

OZÉ (Osée) 12:1

Éfraim an zi lɛ sɔɔ viéwole nya; Izraɛl munu an zi lɛ sɔɔ dabliwe nya. Juda dɔfɛ ’ka Bale yuɛ gi lo; a dɔfɛ ’ka Yarapawelazan Sauun yuɛ gi lo.

OZÉ (Osée) 14:3

Asirinu ’ka dan ko si lɛ we gi lo, ko ’ka dan vɔ lɛ wisoonu ta lo. Ko ’ka dan a fe lɛ é dɛrɛ ko bɛ panyanama lɛ léé, kolé Bale, lo. Naa, ti valé bugalazan woo nyanai zénle ’wo ta yé bii ɛ va.

OZÉ (Osée) 5:13

Éfraim élé wenaané tɔntɔn dɔɔ, yé Juda élé manɔn tɔntɔn dɔɔ; Éfraim go Asiri tɛrɛ la, minwiinzan blɛn Jarɛb va; naa, minwiinzan blɛn ’ko, é ’ka bɔa ka bélile lɛ lo; alé lia ’ka bɔa ka manɔnnu nyaale lɛ lo.

OZÉ (Osée) 7:11

Éfraim a bélé tavo plawuo lé a ’wuo ’ka a ta lo, a zo. Dé é bɛ vɔ Éjipiti lɛ, gba, dé é go Asiri va, gba.