Jérémi 2:34 - Kazambale lé Sebe Sauunu 1979

³⁴ Yé nyanégyɛzannu valé weanwiinlozannu nyɛ a é zénle kalé varɔ gi, dɔlé ’té ka ’ka bɔ lɛ wo ma kɔn sɛrɛna yé wo wɔra a gi lo.

Jérémi 2:34 ပူးပေါင်းရင်းမြစ်များ

2 Minwiinzannu 21:16

É ziin, Manasé weanwiinlozannu nyɛ zana kiɛre fɔɔ yé Jérusalɛm fan a nya, é sia a péli ma fɔɔ yé é bɔ a ’wuo ma; wenyanénu lé é a kɛlɛ yé é Juda munu kɛlɛ wo kɛlɛzannu nya, we lé ke é naané Gakelebale yuɛ gi, a kɛlɛle nya, wo ’ka ’bɛ fena lo.

2 Minwiinzannu 24:4

é valé weanwiinlomunu nyɛ lé Manasé a zana, ’té é Jérusalɛm fan a nya bɛ, a we ma. É ziin, Gakelebale ’ka a va léé, é wo ma we vo lo.

Fwile 22:1

Dé dirigɔné léé, dé ’blané léé, dé mi do a sia kyeen nya yé é a bɔrɔ bo yé é a dan, é dan dirigɔné soru nɔ lɛ dirigɔné pa gi, yé é dan ’blané ziɛn nɔ lɛ ’blané pa gi.

Fwile 22:2

É dan a lɛgi nɔ lɛ; dé we do ’ka a lee lo, wo dan a dan lɛ alé kyeenwole we ma. Dé dirigɔné léé, dé sokofale léé, dé ’bla léé, dé é a kyeenwo yé wo bɔ a ma a lee, é yuɛma, é dan a lɛgi nɔ lɛ fié. Dé wo bɔ kyeenzan ma kyeenwona kɔn ’wiile nya, dé wa gyɛ yé é ga, wo ’ka dan migyɛwe dɔ lɛ wo nwiin lo; naa, dé yiéyi lé, wo dan migyɛwe dɔ lɛ wo nwiin.

Ézai 57:5

Ka kyɛ paan ka ke ma térébɛnt yilinu sɔnɔ, yili drɔɔdrɔɔ faa wuo, ’té ka nénu bɔrɔ boo pɛnguru gi, gɔlɛ fɛn gyɛnanu na. Yee kaan loo?

Ézai 59:3

Mi nyɛ ka bɛ tiri dɔ, yé wenyané ka bɛnwɔlɛnu tiri dɔ; ka lɔlu éé vié woo, woo weple maan ka nɛnɛ ta.

Ézai 59:7

Ka vlanburuwo wenaané vazia; ka ta a é kelekele weanwiinlozan nyɛ zanale ma; ka gibɔrɔle a weple gibɔrɔle nya; ’wiile fɛ ta valé guru zanale a gi a kalé zi ta.

Jérémi 19:4

Wo sɔn vɔ an ma; wo fɛkona sɔnné sɛrɛ; wo lasikɔrɔpo kyɛ ble bale bɛnu lɛ ana, balenu lé wo koo, wo tranu koo, Juda nwiinzan blɛnnu koo, wo ’ka wo dɔɔ lɛ é kyɛn lo, wo lɛ, yé wo weanwiinlozannu kiɛre nyɛ zana fɛkona;

Jérémi 2:33

Ka gɔné ginian ka zua fɛan zo bɛ, amalé ka we paan gɔnégini lomu gi.

Jérémi 6:15

Gakelebale léma: Yara é dan wo gyɛ lɛ, naa, wa bozowenu kɛlɛna. Yara ’ka wo gya lo, wo ’ka yaragyɛwe dɔɔa boenwo lo; amalé wo dan ga lɛ munu lé woo gaan, wo nya, yé dé maa a we lɛdɔna wo gi bléyian va, wo guru é dan zana lɛ a gi.

Jérémi 7:31

Wo ’wolé yobannanu dɔ Tofɛt, gɔworona lé wa laama Bɛn‐Inom, ana, wo benu valé wo lunu kyɛblele ’bɛna we ma. We lé maa ’ka a vinin fe lɛ wo lɛ pelo, we lé a vinin ’ka dɔ lɛ an gi pelo, yee lé wa kɛlɛ.

Jérémi 7:6

dé ka ’ka yaan bɛnnu koo, bu valé ti galazan koo, gyɛzarale koo, wo ta lo, dé ka ’ka weanwiinlozan nyɛ zanaan fɛkona lo, dé ka ’ka goo bale bɛnu zuo kalé we tɔntɔn bɔle ka ma we ma lo,

Jérémi 8:12

Gakelebale léé: Yara é dan wo gyɛ lɛ, naa, wa bozowenu kɛlɛna. Yara ’ka wo gya lo, wo ’ka yaragyɛwe dɔɔa boenwo lo; amalé wo dan ga lɛ munu lé woo gaan, wo va, yé dé an we lɛdɔ wo gi bléyian va, wo guru é dan zana lɛ a gi.

Jérémi Lé Wuvɔ Sɛbɛ 1:9

Alé sɔ lɔlu tiri dɔ, yé é ’ka bɔn‐in bɔrɔan é nyaale ma lo; Munu gi vuru a diabɛ lé we ma, yé a tɔrɔpaazan ’ka lo; Oo Gakelebale, ’i anlé nyanainya we ye. Ko nyanézannu éé ko naginian ’wo yuɛ zuo.

Jérémi Lé Wuvɔ Sɛbɛ 4:14

Woo nɔɔan zinu ta bélé yuɛwiizannu zo, ’Té nyɛ wo tiri dɔ; Wo ’ka bɔa manele lɛ Wolé varɔnu ma lo.

Ézékiɛl 20:31

Kalé blɛfɛ nɔle koo, kalé nénu kyɛblele koo, wo nya lé ka a kabo tiri?-?dɔna é ziin kyɔ, kalé miyilinu faa nya. Izraɛl munu, maa zi no ka lɛ léé, ka we laa an lee? Mizan Gakelebale léma: Maa a é yuɛma. Maa ’ka dan zi nɔ lɛ ka lɛ léé, ka we laa an lee lo.

Ézékiɛl 22:25

Ilé balelayemunu woo gi paan mi ma i ta; woo mi boennu blé bélé golizra lé éé wé wigyɛle ta, a zo. Woo fuafɛnu valé fɛwezannu sié wobo zé nya; woo gyɛzaralomu bo bɔa fla.

Ézékiɛl 23:45

Naa, mi tegelenu é dan wolé we ble lɛ, fɛan zo lé woo le bɛ zana ginizannu lé we blé, a zo, bélé fɛan zo lé woo mi nyɛ zana lomu lé we blé, a zo. Naa, wa le bɛ zana ginizannu nya, yé mi nyɛ a wo bɛ ma, azama.

Ézékiɛl 24:7

Naa, nyɛ lé fla ’ko a zana, é a a ta. É nyɛ ’ko zana gɔlɛ ta, é ’ka a zana lɛ tɛrɛ va yé é vun zén a ta lo.

Ézékiɛl 9:9

Yé é a zi pa an lɛ léé: Izraɛl munu valé Juda munu lé weple a blɛn. É gié é glɛ ta. Tɛrɛ a é fanle migyɛwe saa nya. Fla a é fanle weple saa nya. Naa, wo léé, Gakelebale sɔn vɔ tɛrɛ ’ko ma. Gakelebale ’ka ’wo yé lo.