Jérémi 2:30 - Kazambale lé Sebe Sauunu 1979

³⁰ Maa ilé nénu bla, naa, ’bɛ tɔnɔ ’ka lo. Anlé we lɛdɔle wo gi ’ka wo yuɛ gi bɔ lɛ lo. Ka balelayezannu gyɛ gwɔun nya bélé fɛan zo lé golizra éé mi gya, a zo.

Jérémi 2:30 ပူးပေါင်းရင်းမြစ်များ

1 Minwiinzannu 19:10

É a zi pa léé: Maa Gakelebale, lai sunyanu lé Bale lé we kɛlɛ an sɔbɛla nya; naa, Izraɛl lé nénu ilé gipawe vo yé wo i bannanu zana a gi yé wo ilé balelayezannu gyɛ gwɔun nya; maa ɛ vo, an do kpen, yé wa kwa kulina léé, wo anlé tɛrɛla nyaa.

1 Minwiinzannu 19:14

É a zi pa léé: Maa Gakelebale, lai sunyanu lé Bale, lé we kɛlɛ an sɔbɛla nya; naa, Izraɛl lé nénu ilé gipawe vo yé wo i bannanu zana a gi, yé wo ilé balelayezannu gyɛ gwɔun nya; maa ɛ vo, an do kpen, yé wa kwa kulina léé, wo anlé tɛrɛla nyaa.

2 Minwiinmunu lé Wezuofe Sɛbɛ 24:21

Yé wo a ma we ble, yé minwiinzan blɛn dére ta lé wo gɔlɛ vuli a va Gakelebale lé kɔn gɔrɔ gi.

2 Minwiinmunu lé Wezuofe Sɛbɛ 28:22

Bléyian va lé é a kle blena, yee, minwiinzan blɛn Akaz vo wenyané kɛlɛna Gakelebale ma.

2 Minwiinmunu lé Wezuofe Sɛbɛ 36:16

Naa, wo Bale lé nwunvɔzannu ma we nana; wo lɔlu plɛn ’bɛnu dérenu ma, yé wo yéri si alé balelayezannu ma, fɔɔ, yé Gakelebale lé bliflile élé munu ma gié é glɛ la.

Néémi 9:26

Naa, duowo, wo péli vɔ i ma yé wo nwa i ma. Wo ilé bélidɔwe vo ’wo bɛ zuo; ilé balelayezannu lé woo we plaan munu lɛ léé, ’wo da i va é ziin, wo wo gyɛ, yé wo i gɔɔn é naané.

Ézai 1:5

Dé kalé nwale an ma gi gya, mɛ nya lé maa we lɛdɔa ka gi é dɛrɛɛ? Gyɛ a ka ’wuo ma fɛfaana, yé ka bli faa a yaana.

Ézai 59:3

Mi nyɛ ka bɛ tiri dɔ, yé wenyané ka bɛnwɔlɛnu tiri dɔ; ka lɔlu éé vié woo, woo weple maan ka nɛnɛ ta.

Ézai 9:13

Gakelebale é dan Izraɛl woli valé a ’wuo bɔi lɛ yé é dan yɔ valé gyan soowɔla lɛ yi do kpen nya.

Jérémi 31:18

Maa Éfraim dére ’ma, ’té éé dunnuan; I we lɛdɔ an gi, yé a lɛ a é dɔle an gi weboen nya, Bélé diriné lé wo ’ka pla lɛ a nwiin lo, a zo; Bii ɛ da an nya an pa gi, amalé an da, Naa, i a Gakelebale, anlé Bale nya.

Jérémi 46:14

’Ka a zuo fe Éjipiti tɛrɛ la, ’Ka a zana dɔɔ Migidɔl, Yé ’ka a zana dɔɔ Nofa valé Tapanɛs, Léé, ’i nwa, ’i ma’lɛrɛ, Naa, gwɔun a mi gyɛna i zi.

Jérémi 5:3

Gakelebale, i yuɛ ’ka webozen yé loo? I wo bla, yé é ’ka ’na lɛ wo ma lo; I wo nyaa, yé wo ’ka ilé wepladére nyi si lɛ lo; Yé wo yuɛma dɔ plɛplɛ bélé gɔlɛ zo. Wo sɔn vɔ ’wo bli nɔlale ma.

Jérémi 7:28

Amalé, bé fe wo lɛ léma: Bɛn lé wo ’ka ’wo tɔné dɔ lɛ Gakelebale, wolé Bale dére lɛ lo, ’té wo ’ka alé wepladére nyi si lɛ lo, yee lé ke wo nya ’ko. Webozen san, é so wo lee yé é go.

Jérémi Lé Wuvɔ Sɛbɛ 4:13

Alé balelayezannu lé wenyanénu ma ban lo, Alé Balebanzannu lé Wo mi tegelenu nyɛ zana A méléna, wolé weplenu ma ban lo.

Ézékiɛl 22:24

Blami be, bé fe Jérusalɛm munu lɛ léma: Bii a tɛrɛ lé a gi ’ka é bɔle lo, a nya; lɛɛ ’ka dan i ta blifliyi nya lo.

Ézékiɛl 24:13

Weple a i tiridɔfɛ va. Naa, é sɔ an lɛ léé, maa i gi bɔ, yé i gi ’ka bɔ lɛ lo, amalé i gi ’ka dan bɔ lɛ i tiridɔle gi lo fɔɔ ’té an wɛwɛ dɔle lɛ sɔɔ é wo i ma.

Daniɛl 9:13

We tɔntɔn ’konu faa bɔ ko ma, we lé Moizi a gyɛ bélidɔwe nya, a yɛrama. Naa, ko ’ka zanté vɔ lɛ Gakelebale kozé Bale lɛ lo; ko ’ka sɔn vɔ lɛ kolé weplenu kɛlɛle ma lo; ko ’ka webozen ban lɛ ko tɔné nya lo.

Sofoni 3:2

É ’ka é tɔné dɔa dére do kpen lɛ lo; é ’ka a nyi sié léé, wo ’é drɔ lo; é ’ka paan Gakelebale ta lo; é ’ka biéan élé Bale sɔnɔ lo.

Matio 23:29

Sɛbɛgifemunu valé Farizimunu, bodrɔzannu, ka gale nyɔ. Ka fɛ dɔa balelayezannu vun ta yé ka mi tegelenu vun guru ma nyɔɔ gya,

Kelewenu 7:52

Balelayezannu va mi kyɛn ta lé ka tranu ’ka nyané pa lɛ loo? Munu lé, wo Mi Tegele dale fe é kyɛn, ka tranu wo gyɛ. Lao ka ’bɛzan liwo yé ka kɛlɛ ’bɛ gyɛzannu nya,

1 Tɛsalɔnik munu 2:15

Juifinu ’konu ɛ Mizan Jézu valé Balelayemunu gyɛ, wo ɛ nyané pa ko ta. Wo ɛ kɛlɛwe ’ka sɔ lɛ Kazambale lɛ monomono lo; wo ɛ ke munu faa nyanézannu nya.

Wegɔɔnle 16:9

yé munu kyɛ ble kyɛ fulu plɛplɛ nya, yé Kazambale lé, migyɛgyɛ ’konu ke a lee, wa sɔnɔ, yé wo ’ka ’wo bli nɔla lɛ yé wa tɔ bɔ lo.