Jérémi 2:29 - Kazambale lé Sebe Sauunu 1979

²⁹ Mɛmalé ka a za vɔna an lɔ maa? Ka ’ka nyanaan an wuo lo. Maa Gakelebale ɛ ke a fena.

Jérémi 2:29 ပူးပေါင်းရင်းမြစ်များ

Jérémi 2:23

É kɛlɛ kaa yé ka léé: Ko ’ka ko tiri dɔ lɛ lo, Ko ’ka go lɛ Baalnu zuo loo? ’Ka ka gane paginu nagini gɔ worona, Ka wean kɛlɛ, ’ka bɔn‐in bɔrɔ ’bɛ ma do. Ka a bélé nyɔgɔmé tina lé éé vlan borowo plɛplɛ, ’té éé giéan fɛfaana, a zo.

Jérémi 2:35

Naa, duowo, ka léé: Iin, ko a weanwiinlozannu nya; a bli ’ka dan fli lɛ ko ma lo. Ka ye, an dan we ble lɛ ka va; ka léé, ’wo ’ka wenyané kɛlɛ lɛ pelo, azama.

Jérémi 3:2

’Ka yara nwa fɛna lorunu na yé ’ka nagini. Fɛ kyɛnna lé ka ’ka go lɛ bélé gɔnégini le zo loo? Ka a é dɔle zinu ’léé bélé Arabunu zo nyéné saa lé fɛna, yé ka tɛrɛ tiri dɔ kalé gɔnéginiwe valé kalé wenyané kɛlɛle nya.

Jérémi 5:1

’Ka gié Jérusalɛm zinu ta, ’Ka nagini, ’ka we ma laa, ’ka vuun la nagini, Dé ka mi do ye ana, dé é a mi do nyaoo, ’Té éé we tegele kɛla, ’té é a é kunle webozen ma, Maa dan Jérusalɛm munu ma we vo lɛ alé we ma.

Jérémi 6:13

Naa, é sia mi kiéné ma fɔɔ yé é bɔ mi kwa ma, fɛyelɔrɔ blɛn éé wo gya. É sia balelayezan ma fɔɔ yé é bɔ Balebanzan ma, wo faa kɛlɛ dablikɛlɛzannu nya.

Daniɛl 9:11

Izraɛlnu faa ilé bélidɔwe sɛrɛ yé wo ’ka i dére ’ma lɛ lo. Amalé balepalenu valé bale ’nyɔɔnlenu lé wo ke é gyɛle Bale wuozan Moizi lé bélidɔwe gi, wo wo kun. Naa, ko wenyané kɛlɛ Bale ma, azama.

Rom munu 3:19

Ko a gi dɔɔ léé, we faa lé bélidɔwe ke a fena, é a fena munu lé wo ke bélidɔwe la, wo lɛ, mi faa ’léé lɛ tanle we gi yé munu faa ’é kɛlɛ wegyɛmunu nya Kazambale yuɛ gi.