Jérémi 2:27 - Kazambale lé Sebe Sauunu 1979

²⁷ Wo lé yili lɛ léé: Bii a an ti nya. Yé wo lé gɔlɛ lɛ léé: Bii ɛ an bɔra tɛrɛ la. Naa, wo nwunzi dɔa an ta, wo ’ka yuɛ vɔa an ta lo. Yé dé wenaané bɔ ka ma bléyian va, ka léé: ’I nwa, ’i bɔ ko va.

Jérémi 2:27 ပူးပေါင်းရင်းမြစ်များ

2 Minwiinmunu lé Wezuofe Sɛbɛ 29:6

Naa, ko tranu wenyané kɛlɛ, we lé é ke é naané Gakelebale kolé Bale yuɛ gi, wa kɛlɛ yé wo sɔn vɔ Bale ma; wo yara si Gakelebale lé kɔn la yé wo nwunzi dɔ a ta.

Ézai 26:16

Dé kleblele bɔ munu ma, wo i nagini; Dé i we lɛdɔ wo gi, wo kun bazorole ma.

Jérémi 10:8

Wo faa a ékeva tanyilazannu valé tavozannu nya; Wolé wedɔɔle a boawe nya, wa yili nya é pla.

Jérémi 18:17

Maa dan wo fwila lɛ wo nyanézannu ’lɛ bélé yirinwana fu a kɛla fɛan zo, a zo; Wolé klebleyi nya, maa dan an nwun zi dɔ lɛ wo ta, maa ’ka dan wo nagini lɛ lo.

Jérémi 2:24

Ka a bélé bwi gi sokofale tina lé éé nyanaan nyéné saa lé fɛna, a zo, ’Té éé koi sié alé gɔné lɔrɔ lé we ma; De ɛ dan alé blibɔmawe kɛlɛle yi ga lɛ a lee? Wo lé wo ke a ginina, é ’ka lé wo wɔlɛ gi é nyaa wo ma lo, Wo dan a ye lɛ a moné nya.

Jérémi 22:23

Bii lé i nyanaan Liban gɔ nwiin, ’Té ilé kɔn dɔa sɛdrɛyili nwiin, Dé nyanéblele bɔ i ma bléyian va, i dan dunnu lɛ; Ilé nyanéblelenu é dan kɛlɛ lɛ bélé lezan lé é ke né yaana, alé nyanéblele zo.

Jérémi 3:9

Alé pɛnpɛnné gyɛlenu lé wo tɔ bɔ fɛfaana, wo nya lé é tɛrɛ tiri dɔ; é gɔlɛ valé yili kɛlɛ é zana nya.

Jérémi 30:7

We tɔntɔn lé. Naa, yi blɛn lé; ’Bɛ zoɛ yi vinin ’ka tan bɔ lɛ lo. É a Jakɔb lé klebleyi nya, Naa, é dan si lɛ a gi.

Jérémi 32:33

Wo nwun zi dɔ an ta, wo ’ka an nagini lɛ lo; wo we paa wo gi yifaama, naa, wo ’ka wo tɔné dɔ lɛ léé, wo we paa ’wo gi lo.

Jérémi 37:3

Minwiinzan blɛn Sédésias Sélémia be Jukal valé Balebanzan Maaséja be Sofoni pa zia balelayezan Jérémi va a fele nya ’bɛ lɛ léé: Ko Gakelebale kolé Bale muun pa i ta.

Jérémi 42:2

’I kolé dunuvɔmadére nyi si. Ko faa lé ko vo ’ko, ’i go kolé muun nya Gakelebale ilé Bale va. Sin, i ’ka ko yé loo? Ko a é vinin kiɛre, yé sin, ko ’léé vo sɛné.

Ézékiɛl 23:35

Amalé Mizan Gakelebale léma: An sele saan i gi, i an vuli i zuozia, amalé ’i ’wuo dɔ i kɛlɛwe plenu valé ilé gɔnéginile ma nyanénu wuo.

Ézékiɛl 8:16

Yé é go an nya Gakelebale lé kɔn gɔrɔ gi. Yé ka ye, Gakelebale lé kɔn ’léé valé balebanna méléna, dé mi yɔ do wɔlɛ soru léé? wana. ’Té wo nwunzi a é dɔle Gakelebale bangikɔn la, ’té wo yara a é dɔle yirinwanazia, ’té woo diaan ’wo bli la yirinwanazia yiri ’lɛ.

Daniɛl 9:7

Mizan, kɛlɛle tegele a bii ɛ zé nya; yé yaragyɛwe a kozé nya kyɔ, Juda munu koo, Jérusalɛm munu koo, Izraɛlnu faa koo, dé wa é puoo, dé wa baaoo, yaragyɛwe a wo faa zé nya. Wo yuɛ gi blanle lé we ma lé wo kɛlɛ weanwiinzannu nya, amalé i wo bin yé wo sɔɔla tɛrɛ faa la.

OZÉ (Osée) 4:12

Anlé munu éé we laan ’wolé yili lee, ’té wolé tawomayili a gi fé wo lɛ. Naa, bɔrɔdɛ kɛlɛbli wo saan, yé wo si ’wolé Bale ma baa, bélé bɔrɔdɛ le zo.

OZÉ (Osée) 5:15

Maa dan go lɛ yé maa dan da lɛ an nyanana fɔɔ yé wa gi dɔɔ léé, we ’wo gyɛ, yé wo an nagini. Dé wa nyané blena, wo dan an nagini lɛ.

OZÉ (Osée) 7:14

Wo bli wɔlɛ ma mi, wo ’ka an laa lɛ lo, naa, woo wuvɔa ’wo yiana. Wo bli a ’wolé ’sa valé dɔrɔ dɛrɛ yele ɛ lɛ, yé wo si an ma baa.