Jérémi 2:25 - Kazambale lé Sebe Sauunu 1979

²⁵ ’Ka yuɛ pa kabozen va, té sawala é so ka gane ma lo. Té ka bɔrɔ gi é ga lo. Naa, ka léé: I a we plana ko lɛ é pla; Bale bɛnu lɔrɔ éé ko gya; ’ko go wo zuo.

Jérémi 2:25 ပူးပေါင်းရင်းမြစ်များ

2 Minwiinmunu lé Wezuofe Sɛbɛ 28:22

Bléyian va lé é a kle blena, yee, minwiinzan blɛn Akaz vo wenyané kɛlɛna Gakelebale ma.

2 Minwiinmunu lé Wezuofe Sɛbɛ 28:23

Damas munu lé ’bɛnu bɛ mini a lɛ, é ’bɛnu lé yonu ban, yé é léé: Naa, Sirinu nwiinzan blɛn lé yonu bɔ é va, amalé maa dan wo ban lɛ yé ’wo bɔ an va. Naa, wo kɛlɛ a diafɛnu valé Izraɛl munu faa saanfɛnu nya.

Ézai 2:6

Naa, Gakelebale sɔn vɔ élé munu, Jakɔb lé munu ma. Wo yirinwanazia munu lé yonu ble yé wo ’wobo nɔ yo kɛlɛle lɛ bélé Filisitinu zo, yé wo gi pa do bɛn bɛnu va, amalé Gakelebale sɔn vɔ wo ma.

Ézai 57:10

Kalé ta kiɛre wole ma lé ka wɔ lɛ gi nyaa ka ma, yé ka ’ka a fé léé, ka sɔn vɔ a ma, lo. Plɛplɛ a tan ka lee, amalé ka ’ka gi dɔɔa léé, gyɛ a ka ma lo.

Jérémi 13:21

É we lɛdɔ i gi, i lé ’bɛ gi nɔɔ? Biibozen we paa wo gi léé, ’wo kɛlɛ izan nya; i ’ka dan kle ble lɛ bélé né yaa le lé né a kun, a zo loo?

Jérémi 13:22

Dé bé fe i bli gi léé: Mɛmalé we ’ko bɔ an maa? Ilé weple di lé we ma lé wo ilé sɔ si i ta gla nya yé i dɔ é porole.

Jérémi 14:10

Ka ye, Gakelebale munu ’ko ma we fe yé é léma: Vlan burule fɛfaana sɔ wo lɛ. Wo ’ka bɔa wobo kunle lɛ yé wo nyana fɛ dona lo; amalé an ’ka bɔa kunle lɛ wo ma lo. Wolé weplenu sele dɔ sin an gi, yé an we lɛdɔa wo gi wolé wenyanénu ma.

Jérémi 18:12

Naa, wo léé: We pla ’bɛ. Ko dan tawo lɛ kolé bɔn‐in bɔrɔlenu yɛrama; ko faa do do, ko dan we kɛlɛ lɛ ko bligiwe naanénu yɛrama.

Jérémi 2:31

Bléyi ’ko va munu, ’ka bɔn‐in bɔrɔ Gakelebale dére ma. Maa kɛlɛ bélé nyéné saa lé fɛna zo Izraɛlnu lɛɛ? Maa kɛlɛ bélé tɛrɛ lé gunuti tiritiri ke é sɔɔlale a ta, a zoo? Mɛmalé anlé munu a fena léé: Ko a kobo ma, ko ’ka a va léé, ko nɔla i va é ziin loo?

Jérémi 22:20

’I vɔ Liban gɔ nwiin. ’I siaa Bazan tɛrɛ ta. ’I siaa Abarim gɔ nwiin, Naa, munu faa lé i sɔ wo lɛ, wo wo guru ’wii.

Jérémi 22:21

Maa we fe i lɛ ilé tɔnɔfɛ yebléyi va, Yé bii léé, ’é ’ka ’é tɔné dɔa an lɛ lo. I kiéné la bléyi va fɔɔ kyɔ, i we kɛlɛ ’bɛ zo, I ’ka i tɔné dɔ lɛ an dére lɛ lo.

Jérémi 3:13

I kɛlɛwe ple sele ’é dɔ i gi ma. A sele ’é dɔ i gi léé, i ’ka pla lɛ Gakelebale, ilé Bale wuo lo, yé i goo ’ko, yé i goo ’ko, bale bɛnu va yili drɔɔdrɔɔnu faa wuo, yé i ’ka i tɔné dɔ lɛ an dére lɛ lo. Maa Gakelebale ɛ ke a fena.

Jérémi 44:17

Naa, dé ko wean fe, ko kɛla; é sɔ ko lɛ léé, ko lasikɔrɔpo kyɛ ble lagi fuale lɛ yé ko ’yi zana a lɛ, ko valé ko tranu koo, ko nwiinzan blɛnnu valé ko nwiinzannu koo, ko kɛla turu fɛan zo Juda tɛrɛ la flanu valé Jérusalɛm zinu ta, a zo. ’Bɛ bléyi va ko fɛ blé yé ko kaan, ko gi éé nanaan, ’té wenaané do kpen ’ka bɔa ko ma lo.

Jérémi Lé Wuvɔ Sɛbɛ 1:2

Éé wuvɔa tu la, yé a yuɛyi a golɛ la blé; Munu faa lé é sɔ wo lɛ, a tɔrɔpaazan do ’ka ye lɛ ’bɛnu va lo; A béénu faa bli nɔla a ma, Yé wo kɛlɛ a nyanézannu nya.

Jérémi Lé Wuvɔ Sɛbɛ 4:4

Nyɔ ma nénu nɛnɛ kua ’wo lagolo ma; Wo lagolo ma ga ’yiminilɔrɔ nya; Nénu éé fɛblele ma laan Yé mi do ’ka a no wo lɛ lo.

Ézékiɛl 20:32

Ka léma: É sɔ ’wo lɛ léé, ’wo kɛlɛ bélé bɛngɔnɔnu zo, bélé tɛrɛ bɛ tamunu zo. É sɔ ’wo lɛ léé, ’wo yili valé gɔlɛ ban. We ’ko lé é dɔ ka gi bɛ, a lɛ ’ka dan sɔɔ lɛ lo.

OZÉ (Osée) 2:3

’Ka fe ka bwenu lɛ léé: Ami, ’bɛ gi léé, anlé munu; ’ka fe ka burunu lɛ léé: Rusama, ’bɛ gi léé, nyanai zénle.

OZÉ (Osée) 2:5

Dé ’bɛ kaan lo, maa dan a poro lɛ, yé maa dan a vo lɛ bélé é yaayi la zo; maa dan a kɛlɛ lɛ bélé bwi zo, bélé tɛrɛ gi gale zo, yé é dan ga lɛ ’yiminilɔrɔ nya.

Malasi 3:14

Ka fé léé: Kazambale bɔle tɔnɔ ’ka lo; ko tawo bli kyɛ dɔle nya lai sunyanu lé Gakelebale lé we ma, yé ko tawo alé weplalenu yɛrama, yé mɛ fɛ lé ko ye ’bɛ maa?

WENÉNÉ LÉ LUK A GYE (Évangile selon Luc) 15:22

Naa, a ti lé é wuozannu lɛ léé: Varɔ lé é ke é zima é mini varɔ faa ta, ’ka da a nya fiéfié, yé ’ka a nɔ a lɛ. Yé ’ka bɛmafɛ nɔ a lɛ, yé ’ka sawala nɔ a lɛ.

WENÉNÉ LÉ LUK A GYE (Évangile selon Luc) 16:24

Yé é siaa léé: An tra Abraam, maa a nyané blena kaii kyɛnéné va ’ko, amalé ’i nyanai zén an ta, yé ’i Lazaa pa zia léé, ’é da yé é bɛnwɔlɛ do wɔra ’yi va yé é an nɛnɛ la tua a nya.

Rom munu 8:24

Kaa bli kɛlɛle we lɛ nya lé kaa si we gi. Naa, blikɛlɛlɛfɛ lé wa yé, é ’ka blikɛlɛlɛfɛ nya é dɛrɛ lo; fɛ lé wa ye, mi é bɔalɛ léé, é bli kɛlɛ ’bɛ lɛɛ?

Bélidɔwesɛbɛ Fiézan 28:48

amalé ka nyanézannu lé Gakelebale é dan wo nwa lɛ ka ma, ka dan nyanama pa lɛ wo lɛ, ’té lɔrɔ valé ’yiminilɔrɔ éé ka gya, ’té ka a é porole, ’té fɛ faa éé vuruan ka ma. Gakelebale é dan foliɛvɔlɛ bale vɔ lɛ ka bɔrɔ ma fɔɔ yé é ka kulu ga.

Bélidɔwesɛbɛ Fiézan 32:16

Wo Bale lé maawole nwa bale bɛnu nya, Wa bli fli bozowenu nya;