Jérémi 2:21 - Kazambale lé Sebe Sauunu 1979

²¹ An ka suru dɔrɔyili zima lé A gɔnɔ ke tegele, a féi nya. É kɛlɛ kaa yé sin ka dɔbɛ nɔla Yé ka kinin dɔrɔyili dɛn nyaa?

Jérémi 2:21 ပူးပေါင်းရင်းမြစ်များ

Wepélisiananu 18:19

Naa, maa a si a va léé, ’é ’é benu valé élé kɔngimunu béli dɔ léé, ’wo tawo Gakelebale lé zi ta, ’té woo we drɔle valé we tegele kɛla; ’bɛ zo lé, we faa lé Gakelebale a fe Abraam lɛ blivolɛdére nya, é dan a kɛlɛ lɛ.

Wepélisiananu 32:28

É lé é ziin léé: I tɔ ’ka dan kɛlɛ lɛ Jakɔb é dɛrɛ lo, naa, wo dan i laa lɛ Izraɛl; i buo si Kazambale valé munu va yé i wo kele a nya, azama.

Lɛrɛvɔ Sɛbɛ 44:2

Nyanamanu lé i wo pa é vinin, ko tranu bléyi va Wa zuo fe ko lɛ. Oo Bale, ko wo zuo ’ma ko tɔné nya.

Lɛrɛvɔ Sɛbɛ 80:8

Lai sunyanu lé Bale, ’i ko nwa, ’I yara soi ko lɛ, yé ko dan si lɛ we gi.

Lɛrɛvɔ Sɛbɛ 80:9

I dɔrɔyili soowɔla Éjipiti tɛrɛ la; I bɛnnu bin, yé bé suru wo pa gi.

Fwile 15:17

I dan go lɛ wo nya yé i dan wo nyana lɛ, gɔ lé i dan a nɔ lɛ wo lɛ wozé tɔnɔ nya, a nwiin, Fɛ lé bé na kɛlɛ i nyanana nya, ana, oo Gakelebale, Fɛna sauun lé bé kɛlɛ, ana, oo Mizan.

Ézai 1:21

É kɛlɛ ka yé fla lé a tamunu a turu yarapawelazannu nya, woo goo bale bɛnu zuo bélé bɔrɔdɛ le zoo? A tamunu faa, woo we drɔle kɛla turu, ’té kɛlɛle tegele a wo va; sin, munu lé woo munu ma we blé, ’té woo wo gya wobo yuɛ va, wa wo va.

Ézai 27:2

’Bɛ yi la, dɔrɔféi lé éé dɔrɔ zin no, ’ka a tɔ vɔ lɛrɛ nya.

Ézai 41:8

Naa, bii Izraɛl, an wuozan, Jakɔb lé maa a si a va, Abraam kulu lé é sɔ an lɛ,

Ézai 5:4

Mɛ we lé é a kɔɔn lé maa kɛlɛ é ziin anlé dɔrɔféi maa? Mɛ fɛ lé maa ’ka a kɛlɛ lɛ a lɛ loo? Mɛmalé dé é a an gi léé, é dan é poro zima baa lɛ, yé é poro naané ɛ baa?

Ézai 60:21

Mi tegele saa ɛ dan kɛlɛ lɛ i va; Ana tɛrɛ é dan vo lɛ wozé nya yifaama; Munu ’ko lé maa wo suru, wo dan fɔn lɛ a la, An wo kɛlɛ an tɔbɔzannu nya.

Ézai 61:3

Yé an kyankoro nɔ Siɔn lé nyanéblemunu lɛ kyɛyee pa gi, Yé maa ginanale nɔ gyɛbole pa gi, Yé maa Bale tɔzinfele nɔ wo lɛ bélé varɔ zo, fuu sile wo ta pa gi, Amalé wo dan wo laa lɛ wetegele lé térébɛnt yili lé Gakelebale a féi pa, é tɔ bɔle we ma.

Jérémi 11:16

Ɔliviyililaa drɔɔdrɔɔzan lé wa ze vɔa é poro zima ma, bii lé; tɔ lé Gakelebale a pa i ma, yee lé é ke bɛ. Vun blɛɛn plɛplɛ wele nya, kyɛnɛnɛ éé vɔa a ma, ’té a bɛnu kyɛ éé blé.

Jérémi 11:17

Lai sunyanu lé Gakelebale lé é i suru, yee ɛ we tɔntɔn laa i ma, Izraɛl munu valé Juda munu lé we lɛrɛlɛrɛ kɛlɛle we ma; wo an blifliwe kɛlɛ lasikɔrɔpo kyɛblele nya Baal lɛ, azama.

Jérémi 5:10

’Ka vɔ a gɔrɔ bɔrɔ la yé ’ka a ’wii, Naa, té ka a zana tata lo. Alé dɔrɔyilinu lé wo ’ka Gakelebale zé nya monomono lo, ’Ka wo soowɔla.

Jérémi Lé Wuvɔ Sɛbɛ 4:1

Yé ’té mɛ léé? Kyan ’ka bié nyananyana é dɛrɛ lo; Wo kyan tegele vɔɔ fɛ bɛnu nya. Wo fɛna sauun lé gɔlɛnu fwila Yé wo wo nwɛɛn zi blannu faa ta.

Ézékiɛl 15:2

Blami be, dɔrɔyili lé ke pɔrɔ gi yilinu va, a bɛ gale mini yili bɛ lɛ kaa?

Matio 21:33

’Ka tɔné dɔ gɔné do vɔle lɛ é ziin. Gɔnézan do ana, kɔnzan lé, yé é dɔrɔféi pa. É gɔrɔ bo a zi, yé é dɔrɔ borona kɛlɛ, yé é dɔtafɛ kɛlɛ féi naginile we ma. A zuo é a bɛ pa féinwiinzannu lee, yé é si tɛrɛ ’ko la.

Maak 12:1

’Bɛ zuo Jézu kun gɔnénu vɔle ma wo lɛ. Gɔnézan do dɔrɔféi pa. É gɔrɔ bo a zi, yé é dɔrɔ borona kɛlɛ yé é dɔtafɛ kɛlɛ féi naginile we ma. A zuo é a bɛ pa féinwiinzannu lee, léé, ’wa guli wo nya, yé é si tɛrɛ ’ko la.

WENÉNÉ LÉ LUK A GYE (Évangile selon Luc) 20:9

’Bɛ zuo Jézu kun gɔné do vɔle ma munu lɛ yé é léé: Gɔnézan do dɔrɔféi pa. É a bɛ pa féinwiinzannu lee, yé é go tɛrɛ bɛ la yé é mɔn ana mi.

WENÉNÉ LE JAN A GYE (Évangile selon Jean) 15:1

Maa a bélé dɔrɔyili bozen zo, yé an Ti a bélé féipazan zo.

Bélidɔwesɛbɛ Fiézan 32:32

Wolé dɔrɔyili lé wa suru, wa kulu si Sɔdɔm, Wa si Gɔmɔɔ féi; Wolé dɔrɔporo a laleporo nya, Wolé dɔrɔporo a é nyanale;

Bélidɔwesɛbɛ Fiézan 4:37

Ka tranu sɔ a lɛ, yé wo kulunu lé wo vo wo zuo, é wo si a va; yeebozen ɛ ka fwi Éjipiti tɛrɛ la élé plɛplɛ blɛn nya.

Jozué 24:31

Izraɛl Gakelebale bɔ Jozué lé tɛrɛla faa gi, é valé mi segelenu lé wo vo é yuɛma Jozué zuo, ’té we faa lé Gakelebale a kɛlɛ Izraɛl pli zi, wa gi dɔɔ, wolé tɛrɛla gi.