Jérémi 2:20 - Kazambale lé Sebe Sauunu 1979

²⁰ Ana mɔn ka ka bɔrɔ ma luubale kini Yé ka si luu gi, Yé ka léé: Ko ’ka a va léé, ko vo mi wuozannu nya é dɛrɛ lo; Naa, ka go gɔpanénu faa nwiin Yé ka go yili drɔɔdrɔɔnu faa wuo Yé ka yia wona bélé gɔnégini le zo.

Jérémi 2:20 ပူးပေါင်းရင်းမြစ်များ

1 Minwiinzannu 12:32

É fɛti kɛlɛle pélisia moné sɔraazan yi vu ta soruzan nya, bélé fɛti lé wa kɛla Juda tɛrɛ la, a zo, yé wo diriné ban é banna ta. ’Bɛ zo lé é a kɛlɛ Bétɛl, wolé saraka bole diriné lé é a kɛlɛ, a lɛ we ma. Gɔ nwiin yobannanu lé é a kɛlɛ Bétɛl, é balebanzannu dɔ ’bɛna é ziin.

1 Minwiinzannu 14:23

Wo é ziin, wo gɔ nwiin yobannanu kɛlɛ, ’té yofoto valé miyilinu a gɔ faa nwiin valé yili drɔɔdrɔɔ faa wuo.

Lɛrɛvɔ Sɛbɛ 107:14

É wo si gunutinu valé gale furɔ wuo, Yé é wo ma balenu bɔi.

Lɛrɛvɔ Sɛbɛ 2:3

’Té wa fé léé: Kaa wolé miyerebalenu kini kaa ma, Kaa si wolé gɔgɔbale gi ma.

Lɛrɛvɔ Sɛbɛ 78:58

Wa bli fli wolé gɔ nwiin yobannanu nya, Yé walé maawole nwa wolé miyilinu nya.

Fwile 19:8

Munu faa lé a lɛ léé: We faa lé Gakelebale a fe, ko dan a kɛlɛ lɛ. Moizi go munu dére fe lɛ Gakelebale lɛ.

Fwile 24:3

Moizi da Gakelebale dére faa valé bélidɔwenu faa zuo fe lɛ munu lɛ. Munu faa a zi pa dére do nya léé: We faa lé Gakelebale a fe, ko dan a kɛlɛ lɛ.

Fwile 3:8

Maa zun wo sile Éjipiti munu lee we ma, wo sile tɛrɛ ’ko la yé ’wo go tɛrɛ blɛn zima ta we gi, wo gole tɛrɛ nyɔnɔzan ta we gi. Kanaannu koo, Étinu koo, Amorénu koo, Férézinu koo, Éévinu koo, Jébusinu koo, wa é nyanale tɛrɛ ’ko la.

Ézai 1:21

É kɛlɛ ka yé fla lé a tamunu a turu yarapawelazannu nya, woo goo bale bɛnu zuo bélé bɔrɔdɛ le zoo? A tamunu faa, woo we drɔle kɛla turu, ’té kɛlɛle tegele a wo va; sin, munu lé woo munu ma we blé, ’té woo wo gya wobo yuɛ va, wa wo va.

Ézai 10:27

’Bɛ yi la alé kɔné lé é a dɔ ka nwiin, an dan a si lɛ, yé an dan luubale kini lɛ ka bɔrɔ ma. Dé ka bua blɛn, ka dan ka bɔrɔmabale kini lɛ.

Ézai 14:25

Maa dan Asirinu ’wii lɛ anlé tɛrɛ la; maa dan wo zɔn lɛ an gane nya anlé gɔnu nwiin; maa dan wolé luubale kini lɛ anlé munu bɔrɔ ma, yé maa dan wolé kɔné si lɛ wo nwiin.

Ézai 9:4

Naa, guli ma sawala faa koo, Guli ma varɔ faa lé wa burula nyɛ va koo, Wo dan wo vɔ lɛ kyɛ va, Yé kyɛ é wo ble.

Jérémi 13:27

Maa ilé mi bɛ naginilenu ye, yé maa i wele a zuo ’ma; ilé wenaané lé bé kɛlɛ pɛnpɛnné gyɛle nya gɔpanénu nwiin valé féinu ta, maa wo ye; maa ilé bozowenu ye. Bii Jérusalɛm, we tɔntɔn kɛlɛ i lɛ; i tiri é dan vo lɛ é dɔle yifaamaa?

Jérémi 17:2

Woo bɔn‐in bɔrɔan wolé nénu ma fɛan zo, a zo duo lé woo bɔn‐in bɔrɔan wolé balebannanu ma, yé a zo duo lé woo bɔn‐in bɔrɔan wolé miyilinu lé wa laama Asataté, ’té woo wo dɔa yili drɔɔdrɔɔnu wuo, ’bɛ valé gɔpanénu nwiin bɛ, wo ma.

Jérémi 2:31

Bléyi ’ko va munu, ’ka bɔn‐in bɔrɔ Gakelebale dére ma. Maa kɛlɛ bélé nyéné saa lé fɛna zo Izraɛlnu lɛɛ? Maa kɛlɛ bélé tɛrɛ lé gunuti tiritiri ke é sɔɔlale a ta, a zoo? Mɛmalé anlé munu a fena léé: Ko a kobo ma, ko ’ka a va léé, ko nɔla i va é ziin loo?

Jérémi 3:13

I kɛlɛwe ple sele ’é dɔ i gi ma. A sele ’é dɔ i gi léé, i ’ka pla lɛ Gakelebale, ilé Bale wuo lo, yé i goo ’ko, yé i goo ’ko, bale bɛnu va yili drɔɔdrɔɔnu faa wuo, yé i ’ka i tɔné dɔ lɛ an dére lɛ lo. Maa Gakelebale ɛ ke a fena.

Jérémi 30:8

Lai sunyanu lé Gakelebale léé: ’Bɛ yi ’ko la an dan alé luubale kini lɛ i bɔrɔ ma, yé maa dan i yerebalenu kini lɛ, yé i ’ka dan pla lɛ bɛnnu wuo é dɛrɛ lo.

Jérémi 5:5

Maa dan go lɛ mi segelenu va, yé ’bɛnu lɛ lé maa dan we fe lɛ; Naa, ’bɛnu ɛ Gakelebale lé zi dɔɔ, Yé ’bɛnu ’wolé Bale lé bélidɔwe dɔɔ. Naa, wo é ziin, wo ’wo bɔrɔ ma luubale kini Yé wo si an wuo;

Ézékiɛl 16:28

Ilé gɔnéginile ’ka i kan lɛ lo, amalé i Asirinu gini gɔné nya. I wo gini gɔné nya, naa, wo ’ka izé bɔ lɛ duowo lo.

Ézékiɛl 16:31

Bléyian va lé i a ilé gɔnéginiégi kɔnnu dɔna zi faa ’léé do do, ’té ilé yobannanu kɛla fɛfaana, i ’ka ibo kɛlɛ lɛ bélé gɔnégini le lé wa banwoo, a zo lo.

Ézékiɛl 16:41

Wo dan ilé kɔnnu kyɛ ble lɛ, yé wo dan ilé we ble lɛ lomu kiɛre kiɛre yuɛ va. ’Bɛ zo lé maa dan ilé pɛnpɛnné gyɛle yi ga lɛ, yé i ’ka dan gɔnénu tɔrɔ paa lɛ é dɛrɛ lo.

Ézékiɛl 20:28

Tɛrɛ lé maa anbo ’nyɔɔn léé, maa a nɔ wo lɛ, maa go wo nya ana. Yé wo ’wo yuɛ vo gɔpané nwalenu faa lɛ, ’é valé yili kwɛɛvɔlenu faa lɛ; ’bɛna lé wo ’wolé sarakanu bo, yé blɛfɛnu lé woo an bli flian wo nya, wa nɔ ’bɛna. Wo ’wolé lasikɔrɔ gin nénézan kyɛ ble ’bɛna, yé woo ’yinu zana yo lɛ ’bɛna.

Ézékiɛl 23:5

Oola kɛlɛ an ma gɔnéginizan nya; a bwɛnu lɔrɔ a gyɛ, a bwɛnu lé ke Asirinu lé wo ke a punma bɛ, wo nya.

OZÉ (Osée) 1:2

We vininzan lé Gakelebale a fe Ozé lɛ, yee lo: Gakelebale lé a lɛ léma: ’I go, ’i bɔrɔdɛ le do si i na nya, ’té alé bɔrɔdɛ ta nénu a; naa, tɛrɛ ’ko sɔn vɔ Gakelebale ma, yé é vo bɔrɔdɛ le zo.

OZÉ (Osée) 2:5

Dé ’bɛ kaan lo, maa dan a poro lɛ, yé maa dan a vo lɛ bélé é yaayi la zo; maa dan a kɛlɛ lɛ bélé bwi zo, bélé tɛrɛ gi gale zo, yé é dan ga lɛ ’yiminilɔrɔ nya.

OZÉ (Osée) 3:3

Maa lé a lɛ léé: ’I mɔn an va, té i kɛlɛ bɔrɔdɛ le nya é dɛrɛ lo, i dan vo lɛ maa do kpen ɛ wuo, yé ko dan kɛlɛ lɛ i nya do.

OZÉ (Osée) 4:13

Woo ’wolé balenu baan gɔnu nwiin; woo lasikɔrɔpo kyɛ blé gɔpanénu nwiin, ’bɛ valé sɛnéyili koo, pupliéyili koo, térébɛntyili koo, wo wuo, ’té wo furɔ a néné. Bɛwemalé ka lunu kɛlɛ bɔrɔdɛlomu nya, yé ka be nanu kɛlɛ gɔnéginilomu nya.

OZÉ (Osée) 9:1

’Kaa Izraɛlnu, ka sɔn vɔ Gakelebale ma bélé bɔrɔdɛ le zo, té ka gi é nana ’bɛ ma lo; yé wenyané ma gɔɔli lé ka ye kalé ’sa sunwona faa na, ’té é sɔ ka lɛ bɛ, té kabo nɔ ginanale lɛ ’bɛ lé we ma, bélé bɛn bɛnu zo lo.

Lévinu 26:13

Maa a Gakelebale nya, kalé Bale lé é ka si Éjipiti tɛrɛ la, ’té é ka si luu gi, maa a a nya; maa luubale kini ka ma, yé maa yara si ka ’wuo ma, ’té ka tawoo ka yara biéle nya.

Naum 1:13

Anlé bɛn, sin, an dan alé luubale si lɛ i bɔrɔ ma, yé maa dan i yerebalenu kini lɛ.

Bélidɔwesɛbɛ Fiézan 12:2

Bɛnnu lé ka dan wo bin lɛ bɛ, fɛ faa lé woo ’wolé balenu bɔa ana, ’ka wona sɛrɛ; dé wa gɔ grɔgrɔ nwiin‐oo, dé wa gɔpanénu nwiin‐oo, dé wa yilinu wuooo, ’ka wo sɛrɛ.

Bélidɔwesɛbɛ Fiézan 15:15

A sele ’é dɔ ka gi léé, ka a luu nya é vinin Éjipiti tɛrɛ la yé Gakalebale, kalé Bale ka tabo; bɛwemalé maa bélidɔwe ’ko nɔ ka lɛ kyɔ.

Bélidɔwesɛbɛ Fiézan 26:17

Kyɔ, Gakelebale lé ka lɛ léé, é dan kɛlɛ lɛ kalé Bale nya, léé, ’ka tawo ’élé tawobɛ gi, yé ’ka ’élé bélidɔwenu ta tawo, yé ’ka ’é sɔnnénu pa yé ’ka ’élé gɔnɔlawenu kɛlɛ yé ’ka ’é dére lɛdɔma.

Bélidɔwesɛbɛ Fiézan 4:20

Naa, ’kaa, Gakelebale ka si a va yé é ka si foliɛwɔlɛ gɔrɔ gi Éjipiti tɛrɛ la, ka kɛlɛle abozen lé munu nya we gi, fɛan zo lé ka ke kyɔ, a zo.

Bélidɔwesɛbɛ Fiézan 4:34

Bale do éé kwa kulian léé, ’é bɛn do sié bɛn do méléna bélé fɛan zo lé é ka sié ’ko, a zoo? yé wo kɛlɛ ézé nya, mi gidanle koo, tɔmasenu koo, gyɛzorowenu valé gulidanlenu koo, wo nya, ’té éé bɛ soian, ’té éé bɛ plɛplɛ nagɔɔn‐an, ’té éé di kinié mi gi wenu kɛla, fɛan zo lé Gakelebale, kalé Bale a kɛlɛ ka lɛ Éjipiti tɛrɛ la yé ka a ye ka yuɛ nya, a zoo?

Bélidɔwesɛbɛ Fiézan 5:27

Naa, ka léé, ’maa bié yé ’maa tɔné dɔ Gakelebale, ’wolé Bale dére faa lɛ; we faa lé Gakelebale, ’wolé Bale é dan a fe lɛ yé bé zuo fe ’wo lɛ; ’wo dan a ’ma lɛ yé ’wo dan a kɛlɛ lɛ. A zo lé ka a fe an lɛ.

Jozué 1:16

Wa zi pa Jozué lɛ léma: We faa lé bé fe ko lɛ, ko dan a kɛlɛ lɛ, yé dé i ko nwunvɔ fɛofɛana, ana lé ko dan go lɛ.

Jozué 24:24

Munu lé Jozué lɛ léé: Ko dan Gakelebale, kolé Bale bɔ lɛ yé ko dan a dére lɛdɔ lɛ a ma.

Jozué 24:26

Jozué we ’konu gyɛ Bale lé bélidɔwe sɛbɛ gi. É gɔlɛ blɛn si yé é a pla sɛnéyili wuo. Yee sɛnéyili a fɛ lé wana pa é yɛrama Gakelebale zé nya, ana.

Wegɔɔnle 17:1

’Bɛ zuo lanje sɔrafié lé, kana sɔrafié ke wo lee, wo vazan do da yé é we fe an lɛ, yé é léé: ’I da, gɔnégini le baba lé é ke é nyanale ’yi blɛnnu ta, alé we é dan nyaa lɛ fɛan zo, maa dan a gɔɔn lɛ i lɛ.

Weblezannu 10:6

Izraɛl lé nénu wo Gakelebale ’namawe kɛlɛ é ziin; Baalnu koo, Asataténu koo, Siri lé balenu koo, Sidɔn lé balenu koo, Moab lé balenu koo, Amɔn benu lé balenu koo, Filisitinu lé balenu koo, wo wo bɔ, yé wo Gakelebale vo, ’té wo ’ka a bɔa é dɛrɛ lo.

Weblezannu 2:11

We lé é ’ka sɔ lɛ Gakelebale lɛ lo, Izraɛl lé nénu a kɛlɛ, yé wo Baalnu bɔ.

Weblezannu 2:13

Wo si Gakelebale zuo, yé wo Baal valé Asataténu bɔ.

1 Samuɛl 12:10

Wo siaa é ziin Gakelebale lɛ yé wo léé: Ko Gakelebale vo yé ko Baalnu valé Asataténu bɔ, amalé ko wenyané kɛlɛ; sin, ’i ko si ko nyanézannu lee, yé ko dan i bɔ lɛ.