Jérémi 2:19 - Kazambale lé Sebe Sauunu 1979

¹⁹ Kalé we lɛrɛlɛrɛnu kɛlɛle valé kalé yuɛgiblanlenu é dan we lɛdɔ lɛ ka gi, Yé ka dan a ye lɛ yé ka dan a gi dɔɔ lɛ léé, Gakelebale kalé Bale vole, ’té a kana do kpen ’ka zén‐é ka gi lo, ’Bɛ a wenaané valé we lɛrɛlɛrɛ nya. Maa, Mizan, lagi sunyanu lé Gakelebale ɛ ke a fena.

Jérémi 2:19 ပူးပေါင်းရင်းမြစ်များ

1 Minwiinzannu 18:18

Éli a zi pa léé: Maa‐an maa we tɔntɔn bɔ Izraɛl ma lo, bii valé i ti lé munu lé; ka Gakelebale lé bélidɔwe vo yé i go Baalnu zuo, ’bɛzama.

2 Minwiinmunu lé Wezuofe Sɛbɛ 12:5

Roboam valé Juda nwiinzannu Sisak ye dana aan wo, wo gyɛ ’wo zuo Jérusalɛm zia. Yé balelayezan Sémaéja go wo va yé é lé wo lɛ léé: Gakelebale léma: Ka sɔn vɔ an ma; ye maa, an sɔn vɔ ka ma, amalé maa ka pa Sisak lee.

2 Minwiinmunu lé Wezuofe Sɛbɛ 21:10

Édom munu é sɔn vɔ Juda plale wo nwiin ma fɔɔ kyɔ. ’Bɛ bléyi duo nya, Libina munu sɔn vɔ a plale ’wo nwiin ma. É sɔn vɔ Gakelebale é tranu lé Bale ma, azama.

2 Minwiinmunu lé Wezuofe Sɛbɛ 25:16

É a tan wefena tɔɔn, Amasia lé a lɛ léé: Ko i dɔ léé, i we pla minwiinzan blɛn lɛɛ? ’I gyɛ i zuo. Mɛmalé ibo bɔra i blale lɛɛ? Balelayezan si ana, ’té é a fé léé: Maa a gi dɔɔ léé, é a Bale bli gi léé, é dan i gyɛ lɛ. I we ’ko kɛlɛ yé i ’ka tɔné dɔ lɛ anlé weplale lɛ lo, azama.

Lɛrɛvɔ Sɛbɛ 36:1

David lɛrɛ ’ko vɔle gɔɔn lɛrɛvɔzannu zilɛzan lɛ. Gakelebale wuozan David zé lé.

Fwile 33:6

Bléyian va lé Izraɛl lé nénu si Orɛb gɔ ma, ’bɛ bléyi va wo ’wo ’lɛrɛfɛnu si ’wo ta.

Wegɔnévɔlenu 1:31

Wolé tawobɛ ma tɔnɔ é dan kɛlɛ lɛ wolé fɛblele nya, yé wobo lé weplalenu é dan wo kan lɛ;

Wegɔnévɔlenu 1:32

naa, ’wuoplɛlɛzannu lé tɔné gi plɛplɛ éé wo gya, yé ’tugyɛmunu ta béli dɔle éé wo saan;

Wegɔnévɔlenu 5:22

Wo dan wenyanékɛlɛzan kun lɛ ébo lé wenyané kɛlɛna, alé wenyané balenu a yerean.

Ézai 3:9

Wo yara dɔbɛ éé wo ma we fé, yé wo ’wolé wenyané zana dɔɔan bélé Sɔdɔm munu zo, yé wo ’ka a ta yɔɔan lo. Wa we tɔntɔnnu ma’lɛrɛna ’wobo lɛ, amalé wo gale nyɔ.

Ézai 5:5

We lé maa dan a kɛlɛ lɛ anlé dɔrɔféi lɛ, maa dan a fe lɛ ka lɛ sin. Maa dan a zi gɔrɔ fwi lɛ yé winu a ble; maa dan a zi gɔrɔ zana lɛ yé wa zɔn ’wo gane nya.

Ézai 50:1

Gakelebale léma: Lebɔrasɛbɛ lé maa gyɛ yé maa ka bu bɔra a nya, é kaa? Taa, an ma vɛɛn pazan kyɛn lɛ lé maa ka nɔ anlé vɛɛn ban laa? Ka ye, kalé weplenu ma lé maa ka dan, Yé kalé wenyanénu lé we ma lé an ka bu bɔra.

Jérémi 1:16

Maa dan Juda munu lé we ble lɛ wo kɛlɛwe plenu lé we ma. Wo sɔn vɔ an ma yé wo lasikɔrɔpo kyɛ ble bale bɛnu lɛ, yé wo ’wo ’wuo tua ’wo bɛ kɛlɛfɛnu lɛ, azama.

Jérémi 13:22

Dé bé fe i bli gi léé: Mɛmalé we ’ko bɔ an maa? Ilé weple di lé we ma lé wo ilé sɔ si i ta gla nya yé i dɔ é porole.

Jérémi 2:17

Bléyian va lé Gakelebale kalé Bale a gona ka nya zi zima ta, Ka sɔn vɔ a ma, amalé we ’ko bɔ ka ma. Azoan é ke loo?

Jérémi 3:22

’Kaa nwamimazannu, ’ka da ka pa gi. Maa dan ka ma we vo lɛ ka yuɛgiblanle ma. Yé wa zi pa léé: Ko lo, ko da i va. Naa, i a Gakelebale kolé Bale nya.

Jérémi 4:18

Kalé wekɛlɛbɛ valé kalé tawobɛ tɔnɔ lé ke bɛ; ka kɛlɛwe naané tɔnɔ lé ke bɛ. Iin, we ’ko é dan kɛlɛ lɛ ka ’léé nyanale fɔɔ yé é wɔra ka bli gi.

Jérémi 5:22

Gakelebale léma: Ka ’ka kanaan an lee loo? Ka ma ’ka nyɔɔn‐an an ’lɛ loo? Maa ɛ wɛyi glɛ dɔ nyéné nya, a glɛ lé wɛyi ’ka bɔa a kinile lɛ monomono lo, yee lé. Dé é fɔrɔoo, plɛplɛ ’ka a lee lo, dé é gi gunu oo, é ’ka a kinié lo.

Jérémi 5:24

Wo ’ka a fé wo bli gi léé: Kaa kana Gakelebale kolé Bale lee, lo. Bale lé éé lɛɛ paan zia lɛɛdabléyi va, ’té éé lɛɛ vininzan valé lɛɛ voélazan dan, ’té éé bléyi kenu no ko lɛ kolé féifɛnu gyɛle we ma, wo ’ka kanaan yee Bale lee lo.

Jérémi 5:6

Amalé pɔrɔ gi golizra éé wo gya, Bwila glau éé wo wi kinié ékema, Kua a wo mavɔɔna wolé flagɔrɔ ’léé, Munu faa lé woo sié fla, é dan wo wi kini lɛ ékema; Naa, wo bélidɔwe sɛrɛ di, Wo yuɛgiblanle gi gyɛ.

Jérémi 7:19

Gakelebale léé: Maa lɛ lé ka ke a kɛlɛnaa? Kabo lɛ kaan loo? Kabo lé yaragyɛwe kaan loo?

Jérémi 8:5

Mɛmalé Jérusalɛm munu wo wobo no zi sanlenu lé wo glɛ ’ka lo, wo lɛɛ? Woo yara paan dabli kɛlɛle ta, yé woo sɔn vɔa ’wo bli nɔlale ma.

Ézékiɛl 23:30

I gɔné gini bɛngɔnɔnu gi, yé ibo tiri dɔ wolé miyilinu nya, amalé we ’konu é dan bɔ lɛ i ma.

Ézékiɛl 39:24

Maa we kɛlɛ wo tiridɔle valé wolé bélidɔwe sɛrɛle yɛrama, yé an yara yɔɔ wo ma.

OZÉ (Osée) 11:7

Saanbli a anlé munu gi, wo si an ma baa. Wa fe wo lɛ léé, ’wo Loruzan nagini, naa, wo va mi do kpen ’ka yuɛ vɔ lɛ ana lo.

OZÉ (Osée) 13:9

Izraɛl, wean ma lé i sɛrɛ, yee lé ke léé, maa lé an bɔa kɔɔn i va, i nwa an ma.

OZÉ (Osée) 14:1

Izraɛl, ’i da Gakelebale, ilé Bale va, naa, i dia ilé weplenu gi.

OZÉ (Osée) 4:16

Izraɛlnu yuɛ ma kɛlɛ plɛplɛ an va, bélé diridané lé a yuɛma ke plɛplɛ yé é ’ka a nyi sié léé, wo nyanama pa ’é nya lo, a zo. Sin Gakelebale é dan go lɛ wo nya fɛblena bélé ’blané lé ke fɛna dégélé blɛn na, a zo.

OZÉ (Osée) 5:5

Izraɛl lé boblɛn éé wo mawe fé; Izraɛl valé Éfraim é dan dia lɛ ’wolé weple ma, woo valé Judanu nya é ziin.

OZÉ (Osée) 7:2

É ’ka wo gi léé, wolé wenyanénu faa sele a an gi lo; wo kɛlɛwenu wo zi lɛ sɔɔ, wo faa a an ’lɛ.

OZÉ (Osée) 9:1

’Kaa Izraɛlnu, ka sɔn vɔ Gakelebale ma bélé bɔrɔdɛ le zo, té ka gi é nana ’bɛ ma lo; yé wenyané ma gɔɔli lé ka ye kalé ’sa sunwona faa na, ’té é sɔ ka lɛ bɛ, té kabo nɔ ginanale lɛ ’bɛ lé we ma, bélé bɛn bɛnu zo lo.

Amɔs 8:10

maa dan kalé fɛtinu nɔla lɛ gyɛbole nya, yé maa dan kalé lɛrɛnu faa nɔla lɛ wuvɔlenu nya. Maa dan bɔlɔ vɔ lɛ mi faa tɛrɛ la, yé maa dan mi faa gyɛ lɛ palo nya. Maa dan mi faa kɛlɛ lɛ gyɛbozannu nya, bélé mi be wɔlɛ do kpen gyɛbole zo, yé a ’wuo é dan pla lɛ é nyanale bélé ziri zo.

Misé 1:5

We ’konu faa bɔ Jakɔb lé wenyané blɛnnu lé we ma; Izraɛlnu lé wenyanénu ma lé é bɔ. Jakɔb lé wenyané blɛn a mɛ fɛ nyaa? Samari kaan loo? Juda munu lé gɔ nwiin yobannanu a kyɛɛn? Jérusalɛm kaan loo?

Zakari 7:11

Naa, wo ’ka a nyi si lɛ léé, ’wo tɔné dɔ an lɛ lo, wo so an wuo yé wo tɔné sia an dére la.

Rom munu 3:18

Kanale Kazambale lee ’ka wo bli gi lo.

Weblezannu 10:13

Naa, ’kaa, ka an vo yé ka bale bɛnu bɔ. Bɛwemalé maa ’ka dan ka vo lɛ kabo ma é dɛrɛ lo.