Jérémi 2:17 - Kazambale lé Sebe Sauunu 1979

¹⁷ Bléyian va lé Gakelebale kalé Bale a gona ka nya zi zima ta, Ka sɔn vɔ a ma, amalé we ’ko bɔ ka ma. Azoan é ke loo?

Jérémi 2:17 ပူးပေါင်းရင်းမြစ်များ

Minwiinzannu lé Wezuofe Sɛbɛ 28:9

Yé bii, an be Salomɔn, ’i i ti Bale dɔɔ ma, bé kun i bɛ fié nya, bélé nyanama pa i bli faa nya ma, naa, Gakelebale éé mi faa bli gi ginian fɔɔ yé é bɔ a wɔlɛ ma, yé é mibligiwe valé mi lé gibɔrɔlenu faa dɔɔ. Dé bé nagini, é dan zi nɔ lɛ i lɛ léé, i ’é ye; dé i sɔn vɔ a ma é dan sɔn vɔ lɛ i ma yifaama.

2 Minwiinmunu lé Wezuofe Sɛbɛ 15:2

yé Azaria go Aza va, yé é lé a lɛ léé: Aza, ’i tɔné dɔ an lɛ, bii valé Judanu valé Bɛnjamɛnnu. Bléyian va lé ka a Gakelebale va, ’té é a ka va. Dé ka a nagini, ka dan a ye lɛ; naa, dé ka sɔn vɔ a ma, é dan sɔn vɔ lɛ ka ma.

JOB (Job) 34:27

Wo si a zuo Yé wo sɔn vɔ alé zinu faa ma,

JOB (Job) 4:8

Dé é a maa nya, maa a ye léé, munu lé woo weple nyanama paan, ’Té we lé é ’ka tegele lo, ’té wa vɔa, wo dan a poro so lɛ;

Lɛrɛvɔ Sɛbɛ 107:7

É go wo nya zi tegele ta, Wo bɔle wo nyanafla ta we gi.

Lɛrɛvɔ Sɛbɛ 136:16

Bale lé é kɛlɛ élé munu zilɛzan nya bwi gi, Naa, a nyanai éé zén‐é yifaama.

Lɛrɛvɔ Sɛbɛ 77:20

I ilé zi pla wɛyi ta, I ilé zi pla ’yi blɛnnu ta, Yé wo ’ka i ganepanu ye lɛ lo.

Wegɔnévɔlenu 15:10

Mi lé é si zi drɔle ta, we lɛdɔle a gi plɛplɛ a a lɛbɛnna; mi lé éé weplale ’é lɛ za paan, é dan ga lɛ.

Ézai 1:4

Wenyanékɛlɛ bɛn, wo gale nyɔ; wa é fanle weplenu nya, wa bɛn nyané nya, wa né sɛrɛlenu nya. Wo sɔn vɔ maa, Gakelebale ma, wo nyé yéli maa, Izraɛl lé Mi Sauun ma. Wo si an ma baa.

Ézai 59:13

Ko kɛlɛ wegyɛzannu valé yuɛgiblanzannu nya Gakelebale va; ko sɔn vɔ kolé Bale ma; ko kɛlɛ glakɛlɛzannu valé nwamimazannu nya; viéwe péli sia ko bli gi, ’té ko a bɔrɔan ko bɔn‐in.

Jérémi 13:22

Dé bé fe i bli gi léé: Mɛmalé we ’ko bɔ an maa? Ilé weple di lé we ma lé wo ilé sɔ si i ta gla nya yé i dɔ é porole.

Jérémi 19:4

Wo sɔn vɔ an ma; wo fɛkona sɔnné sɛrɛ; wo lasikɔrɔpo kyɛ ble bale bɛnu lɛ ana, balenu lé wo koo, wo tranu koo, Juda nwiinzan blɛnnu koo, wo ’ka wo dɔɔ lɛ é kyɛn lo, wo lɛ, yé wo weanwiinlozannu kiɛre nyɛ zana fɛkona;

Jérémi 2:13

Naa, anlé munu wenyané gɔnɔ fié kɛlɛ: Maa lé, an ke bélé ’yi’wuo lé éé mi voo é yuɛma, a zo, wo an vo Yé ’yigurunu lé ’yi ’ka voo wo gi lo, wa bo wozé nya.

Jérémi 2:19

Kalé we lɛrɛlɛrɛnu kɛlɛle valé kalé yuɛgiblanlenu é dan we lɛdɔ lɛ ka gi, Yé ka dan a ye lɛ yé ka dan a gi dɔɔ lɛ léé, Gakelebale kalé Bale vole, ’té a kana do kpen ’ka zén‐é ka gi lo, ’Bɛ a wenaané valé we lɛrɛlɛrɛ nya. Maa, Mizan, lagi sunyanu lé Gakelebale ɛ ke a fena.

Jérémi 4:18

Kalé wekɛlɛbɛ valé kalé tawobɛ tɔnɔ lé ke bɛ; ka kɛlɛwe naané tɔnɔ lé ke bɛ. Iin, we ’ko é dan kɛlɛ lɛ ka ’léé nyanale fɔɔ yé é wɔra ka bli gi.

Jérémi 44:3

Naa, wo wenyané kɛlɛ an bli flile we ma. Wo lasikɔrɔpo kyɛ ble bale bɛnu lé wo ’ka wo dɔɔa lo, yé ka ’ka wo dɔɔa lo, yé wo tranu ’ka wo dɔɔa lo, wo lɛ, yé wo wo bɔ, amalé an bli fli.

Jérémi 5:25

Kalé weplenu lé we ma lé ka mawe zinnu ’ka kɛlɛ lɛ ’é kɛlɛbléyi va lo; kalé wenyanénu lé we ma lé wezinnu ’ko vuru ka ma.

Ézékiɛl 39:24

Maa we kɛlɛ wo tiridɔle valé wolé bélidɔwe sɛrɛle yɛrama, yé an yara yɔɔ wo ma.

OZÉ (Osée) 13:9

Izraɛl, wean ma lé i sɛrɛ, yee lé ke léé, maa lé an bɔa kɔɔn i va, i nwa an ma.

Misé 1:5

We ’konu faa bɔ Jakɔb lé wenyané blɛnnu lé we ma; Izraɛlnu lé wenyanénu ma lé é bɔ. Jakɔb lé wenyané blɛn a mɛ fɛ nyaa? Samari kaan loo? Juda munu lé gɔ nwiin yobannanu a kyɛɛn? Jérusalɛm kaan loo?

Mi Nɔnɔle 32:23

Naa, dé ka ’ka a kɛlɛ lɛ lo, ka wenyané kɛlɛ Gakelebale ma, yé ka we ’ko dɔɔ ma: kalé wenyané é dan ka kun lɛ.

Bélidɔwesɛbɛ Fiézan 32:10

Gakelebale Izraɛl ye bwi gi, Fɛana lé mi do kpen ’ka lo, ’té tɛrɛ éé siaan kanale nya, ana; É a pa, ’té é a a zi; É a takuun bélé é yuɛ zooné zo,

Bélidɔwesɛbɛ Fiézan 32:19

Gakelebale a ye, yé a bli fli, Yé é wɛwɛ dɔ é benu valé é lunu ma.