Jérémi 2:15 - Kazambale lé Sebe Sauunu 1979

¹⁵ Golizra boronénu éé wé wo ma, woo siaan wo ta, Woo ’wiié wolé tɛrɛ ta; Kyɛ wolé flanu ble, mi ’ka nyanaan wona é dɛrɛ lo.

Jérémi 2:15 ပူးပေါင်းရင်းမြစ်များ

JOB (Job) 4:10

Golizra gi gunule nyaa, Golizrané suiɛnu a é yélile;

Lɛrɛvɔ Sɛbɛ 57:4

É dan é bɛ soi lɛ la gi, yé é an si we gi. Yé mi lé é an sɔnɔ, é dan ’bɛzan sɔnɔ lɛ. Ka ye do. Bale é dan élé zin kɛlɛ lɛ an lɛ yarapalale nya.

Ézai 1:7

Kalé tɛrɛ vo é pla yé kalé flanu kyɛ ble. Bɛnnu kalé féinu si ka lee ka yuɛ va; wo ’wii kalé fɛnu ta yé wo wo sɛrɛ bélé bwigimunu zo.

Ézai 24:1

Ka ye, Gakelebale é dan ’wii lɛ Juda tɛrɛ la yé é a kɛlɛ bwi nya; é dan a yara bua lɛ yé é ana munu ta saan.

Ézai 5:29

Wo dére a bélé golizrada zé zo; woo gi gunuan bélé golizrané zo, ’té woo nyana vɔa ’té woo wi kunwo. Wa sian yé mi do ’ka dan a si lɛ wo lee lo.

Ézai 5:9

We lé lai sunyanu lé Gakelebale a gɔɔn an lɛ, yee lé ke ’ko: weboen lé, kɔn kiɛre ’konu é dan vo lɛ é koro nya; kɔn blɛn nɔnɔminu ’ko, wo gizan ’ka dan ye lɛ lo.

Ézai 6:11

Yé maa léé: Mizan, ’bɛ glɛ é dɔa bléyi kyɛn vaa? Yé é a zi pa léé: É dan kɛlɛ lɛ fɔɔ yé flanu ta é vo é pla, ’té mi ’ka wo ta lo; fɔɔ yé mi do kpen ’ka vo kɔn gi lo yé ana tɛrɛ la é vo tété é pla;

Jérémi 10:22

Ka ye, ko a ’ma léé, wa fena léé, Fla bɔgyɛwe a sina yirinwana bɛbolazia, Yé é Juda tɛrɛ la flanu kɛlɛ é ’bin nya, Yé é wo kɛlɛ gwenu yiɛna nya.

Jérémi 25:30

Yé bii Jérémi, i dan we ’konu faa fe lɛ wo lɛ balelawefele nya; bé fe wo lɛ léma: Gakelebale é dan siaa lɛ la gi plɛplɛ, É dan siaa lɛ é nyanana sauun na, yé a dére zuogi é go wele nya; É dan siaa lɛ plɛplɛ é nyanana ma, É dan siaa lɛ tɛrɛlamunu faa ta, Bélé munu lé woo dɔrɔ zɔn‐o wo gane nya, wo zo.

Jérémi 25:9

amalé Gakelebale léma: Munu faa lé wo ke yirinwana bɛbolazia, an dan munu nwunvɔ lɛ wo laana, léé, ’wo da. Maa dan mi nwunvɔ lɛ an wuozan Babilɔn nwiinzan blɛn Nébukanɛsaa va, yé maa dan da lɛ a nya léé, ’é nwa tɛrɛ ’ko koo, a tamunu koo, wo zi bɛnnu faa koo, wo ma, wo kulu gale we ma, yé wo wolé fla kɛlɛ é ’bin nya, wenanamafɛ nya, yé é dan vo lɛ é pla lɛɛfaama.

Jérémi 26:9

Mɛmalé i balelawe fe Gakelebale tɔ gi léé: Kɔn ’ko é dan kɛlɛ lɛ bélé Silo zoo? yé wo dan fla ’ko guru zana lɛ a gi, té mi do kpen ’ka dan vo lɛ ana loo? Munu faa zén ékeva Jérémi zi, Gakelebale lé kɔn gi.

Jérémi 33:10

Gakelebale léma: Ka fe fɛkona ma léé, é a bwi nya yé mi do kpen ’ka ana lo, yé wi do kpen ’ka ana lo, ’bɛ a weboen nya, naa, Juda tɛrɛla flanu valé Jérusalɛm zinu lé wo ke é sɛrɛle tata, ’té mi ’ka ana lo, ’té munu ’ka nyanaan ana lo, ’té winu ’ka ana lo bɛ,

Jérémi 34:22

Gakelebale léé: Ka ye, maa dan we fe lɛ yé maa dan da lɛ wo nya fla ’ko ma, yé wo dan guli dan lɛ a va; wo dan a si lɛ yé wo dan a kyɛ ble lɛ. Yé maa dan Juda tɛrɛla flanu kɛlɛ lɛ bwi lé mi do ’kpen ’ka nyanaan ana lo, a nya.

Jérémi 4:7

Golizra éé soo é yɛrɛ gi, Bɛngɔnɔnu sɛrɛzan a zia, é si é nyanana, Kalé tɛrɛ sɛrɛle we ma. É dan kalé flanu ’wii lɛ, yé munu ’ka dan kɛlɛ lɛ ana é dɛrɛ lo.

Jérémi 44:22

Gakelebale ’ka bɔa dɔle lɛ ka kɛlɛwe naanénu valé kalé bozowenu kɛlɛle nyi wuo é dɛrɛ lo, amalé kalé flanu vo é ’bin nya, bwi zo, balepamafɛ nya, ka a yé kyɔ fɛan zo, a zo.

Jérémi 5:6

Amalé pɔrɔ gi golizra éé wo gya, Bwila glau éé wo wi kinié ékema, Kua a wo mavɔɔna wolé flagɔrɔ ’léé, Munu faa lé woo sié fla, é dan wo wi kini lɛ ékema; Naa, wo bélidɔwe sɛrɛ di, Wo yuɛgiblanle gi gyɛ.

Jérémi 50:17

Izraɛl a ’bla sanle lé golizra a zuo bin‐é, a nya; Asirinu nwiinzan blɛn a ble é vinin, yé é voéla ’ko, Babilɔn nwiinzan blɛn Nébukanɛsaa a wɔlɛnu yéli.

Jérémi 51:38

Wo dan ’wo gi gunu lɛ ékeva bélé golizranu zo. Wo dan siaa lɛ bélé golizranénu zo.

Jérémi 6:8

Yé bii Jérusalɛm, ’i wepladérenu nyi si, dé maa da si i ma baa yé maa i kɛlɛ é ’bin nya, tɛrɛ lé mi ’ka ana lo, a nya.

Jérémi 9:10

É sɔ an lɛ léé, an wuvɔ yé an dunnu gɔ nwiin; Maa dan gyɛ wuvɔ lɛ nyéné saa lé fɛna pɛblɛɛna; Naa, wo ana kyɛ ble, mi do kpen ’ka giéna ana lo, Wo ’ka trubɛnu dére maan ana é dɛrɛ lo; Lagi mianénu valé winu fwila yé wo san.

Jérémi 9:11

Maa dan Jérusalɛm kɛlɛ lɛ é ’bin nya, gwenu yiina nya, Yé maa dan Juda tɛrɛ la flanu kɛlɛ lɛ bwi nya, ’té mi do kpen ’ka ana lo.

Ézékiɛl 36:3

Amalé ’i balelawe fe léma: Mizan Gakelebale léma: Iin, naa, é sɔ munu lɛ bɛ faa ma léé, wo ka sɛrɛ yé wo ka mini, ka kɛlɛle bɛn bɛnu zé nya we gi, yé wo ka glewo yé wo gɔné vɔ ka ma.

Ézékiɛl 5:14

Maa dan ka nyanana vo lɛ é pla yé maa dan ka kɛlɛ lɛ serelebomazannu nya bɛnnu lé wo ka zi lɛ sɔɔ, wo lɛ, giézannu faa yuɛ gi.

OZÉ (Osée) 11:10

Gakelebale é dan we lɛ bélé golizra zo, ’té woo goo a zuo; é dan we lɛ yé alé nénu é dan si lɛ yirivɔnazia vlan nya.

OZÉ (Osée) 5:14

Maa dan kɛlɛ lɛ Éfraim munu ma bélé golizra zo; maa dan kɛlɛ lɛ Juda munu ma bélé golizrané zo; maaoo, maa! maa dan a wi kini lɛ ékema, ’bɛ zuo maa dan go lɛ; maa dan go lɛ a nya an lee, yé mi do kpen ’ka dan a si lɛ an lee lo.

Amɔs 3:12

Gakelebale léma: Dé ’bla pin fié léé, dé a tɔné kuru léé, ’blatabinzan éé wo soo golizra ’léé fɛan zo, Izraɛlnu lé wo ke é nyanale Samari blin blɛn valé sɔ vlɛzan lé wo si Damas, wo ta, wo dan so lɛ we lee a zo.

Amɔs 3:4

Dé golizra ’ka tan é blefɛ ye lɛ lo ’naan, éé gi gunuan pɔrɔ gii? Dé golizrané ’ka tan wi gyɛ lɛ lo ’naan, éé siaan é yɛrɛ gii?

Amɔs 3:8

Dé golizra we ’naan, kana ’ka vɔa de ɛ gi loo? Dé Mizan Gakelebale a wena ’naan, de ɛ ’ka kɔɔn balelawe fé loo?

Naum 2:11

Wo ’wii a ta, wa guru zana a gi, wa sɛrɛ tata! Munu fuu éé sié wo ta, Wo powuonu so é ke ’léé, Wo sowɔlɛnu faa a yaana, Wo yara faa a fuolana.

Sofoni 1:18

Dé é a wolé gɔɔli nyaoo, dé é a wolé kyan nyaoo, ’bɛ ’ka dan wo si lɛ we gi Gakelebale wɛwɛ dɔyi nya lo. Alé maawole lé ke bélé kyɛ zo, é dan tɛrɛ ’ko faa kyɛ ble lɛ a nya; naa, é dan munu faa gyɛ lɛ fiaa, azama.

Sofoni 2:5

Munu lé wo ke wɛyi gɔ ’wuo la, Kéréti munu nya, we tɔntɔn ’é bɔ wo ma ma. Bii Kanaan, Filisiti munu lé tɛrɛ, Gakelebale we fe ka ma. É léma: Maa dan i sɛrɛ lɛ. Mi ’ka dan kɛlɛ lɛ ina é dɛrɛ lo.

Sofoni 3:6

Maa bɛngɔnɔnu kulu ga, yé maa wolé flataginifɛnu sɛrɛ; maa wolé zinu sɛrɛ tata, giémunu ’ka é dɛrɛ lo. Wo ’wii wolé flanu ta; munu ’ka ana é dɛrɛ lo, yé a ta munu ’ka ana lo.

Zakari 11:3

’Blatabinzannu éé siaan wuvɔle nya, Wo kɛlɛle blɛn yi ga, azama; Juudɛn tɔbɔmafɛnu sɛrɛ, Amalé golizra boronénu woo gi gunuan.

Weblezannu 14:5

Samsɔn go tɛrɛ zia Timina, ’té a ti valé a bu a a va. Wo bɔ Timina lé dɔrɔféinu ta aan wo, wo kee golizra boroné do nya, ’té ’bɛ éé wé.