Jérémi 2:13 - Kazambale lé Sebe Sauunu 1979

¹³ Naa, anlé munu wenyané gɔnɔ fié kɛlɛ: Maa lé, an ke bélé ’yi’wuo lé éé mi voo é yuɛma, a zo, wo an vo Yé ’yigurunu lé ’yi ’ka voo wo gi lo, wa bo wozé nya.

Jérémi 2:13 ပူးပေါင်းရင်းမြစ်များ

2 Minwiinzannu 22:17

Wo an vo, yé wo bale bɛnu ban lasikɔrɔ nya an bli flile wo bɛnu panyanama nya we gi, amalé an bli fli fɛkona ma, yé é ’ka dan dɔrala lɛ lo.

Lɛrɛvɔ Sɛbɛ 36:9

Ilé kɔngifɛ kiɛre wo kaan, Ilé fɛ néné no wo lɛ yé lɔrɔ éé sié wo ma.

Bale Lé We Gifezan 1:14

We faa lé woo kɛla tɛrɛ la, maa wo ye; yé bé ye, ’bɛ faa a boawe valé fu zuobinwe nya.

Bale Lé We Gifezan 1:2

Bale lé we gifezan léma: Boawenu tagɔné lé; we faa a boawe nya; boawenu tagɔné lé.

Bale Lé We Gifezan 12:8

gɔɔlifu bale é dan kini lɛ, kyanbɔ é dan ’wii lɛ, bɔ é dan ’wii lɛ ’yi bagi, yé ’yitɔfɛ bale é dan kini lɛ ’yiguru la;

Bale Lé We Gifezan 2:11

’Bɛ zuo, nyanamanu lé maa a pa, ’bɛ valé kwa faa lé maa kuli wo lɛsɔɔle we ma, an gi bɔrɔ ’bɛ ma, yé bé ye, ’bɛ faa a boawe valé fuzuobinwe nya, yé we faa lé wa kɛla tɛrɛ ’ko la, tɔnɔ do kpen ’ka a ma lo.

Bale Lé We Gifezan 2:21

Naa, mi do nyanama pa wedɔɔle valé gikinile nya, yé a nyian wo a lɛ, yé é élé nyanama ’ko mafɛ vo, mi do lé ’bɛ ’ka a ma nyanama do kpen pa lɛ lo, ’bɛ lɛ. ’Bɛ a é ziin boawe valé wenaané blɛn nya.

Bale Lé We Gifezan 2:26

Naa, mi lé é sɔ Bale lɛ, a lɛ lé, éé wedɔɔle koo, gikinile koo, ginanale koo, wo no; naa, éé a kɛla léé, wenyanékɛlɛzan é fɛ ye, ’té éé a tééan, a nɔle munu lé wo sɔ Kazambale lɛ wo lɛ we gi. ’Bɛ é ziin, ’bɛ a boawe valé fuzuobinwe nya.

Bale Lé We Gifezan 4:4

Maa a ye léé, nyanama faa valé blabole faa a blami lé maawole nya é wo é bɔluzan ma. ’Bɛ a é ziin boawe valé fuzuobinwe nya.

Ézai 1:3

Dirigɔné ézan dɔɔ yé sokofalezan éé fɛ no ’é lɛ fɛan gi, é a dɔɔ; Izraɛl ’ka we do kpen dɔɔa lo; ’wuo ’ka anlé munu ta lo.

Ézai 1:4

Wenyanékɛlɛ bɛn, wo gale nyɔ; wa é fanle weplenu nya, wa bɛn nyané nya, wa né sɛrɛlenu nya. Wo sɔn vɔ maa, Gakelebale ma, wo nyé yéli maa, Izraɛl lé Mi Sauun ma. Wo si an ma baa.

Ézai 12:3

Ka dan ka béli’yi’wuo tɔ lɛ Ginanale nya;

Ézai 5:13

Bɛwemalé wo dan bɔra lɛ anlé munu ma fiaa yé wo go wo nya luu gi. Alé tɛrɛwɔlɛnu é dan ga lɛ lɔrɔ nya, yé alé mi gu bɔrɔ gi é dan ga lɛ ’yiminilɔrɔ nya.

Ézai 55:2

Mɛmalé ka gɔɔli sɛra fɛ lé é ’ka fɛblele nya lo, a maa? Mɛmalé ka nyanama paan fɛ lé é ’ka ka kaan lo, a maa? Amalé ’ka tɔné dɔ an lɛ yé ka dan fɛ zin ble lɛ, Yé fɛ lé a néné éé mi ’léli selean é ’léé, i gi é dan nana lɛ a blele ma.

Ézai 63:8

Mizan léé: Weboen lé, wa anlé munu nya, wa nénu lé wo yuɛi ’ka dan blan lɛ lo, wo nya. Yé é kɛlɛ wo siéwegizan nya.

Jérémi 1:16

Maa dan Juda munu lé we ble lɛ wo kɛlɛwe plenu lé we ma. Wo sɔn vɔ an ma yé wo lasikɔrɔpo kyɛ ble bale bɛnu lɛ, yé wo ’wo ’wuo tua ’wo bɛ kɛlɛfɛnu lɛ, azama.

Jérémi 14:3

Mi segelenu éé né kiénénu nwunvɔa ’yi tɔna, Yé nénu éé goo ’yibagi, yé wo ’ka ’yi yé a gi lo; Woo nɔlaan bɔ koro nya wo lee. Yara wo gyɛ; wo kua yara nya yé wo sɔ zén ’wo ’wuo ma.

Jérémi 15:6

Gakelebale léé: I sɔn vɔ an ma, yé i go i zuo zia, Naa, maa an bɛ soi i ma, yé maa i kulu ga; An wɔlɛ gi nyaa an ma, nyanai zénle i ta we ma.

Jérémi 17:13

Gakelebaleoo, Bale, Izraɛl munu bli a bii ɛ lɛ. Munu faa lé wo sɔn vɔ i ma, yaragyɛwe é dan bɔ lɛ wo ma. Munu lé wo nwun zi dɔ an ta, wo dan wo tɔ gyɛ lɛ tɛrɛ va. Naa, maa Gakelebale lé an ke mi vo é yuɛma ’yi’wuo nya, wo sɔn vɔ an ma, azama.

Jérémi 18:14

Liban tɛrɛla glasépun ’yi éé boo gɔlɛgɔ grɔgrɔnu nwiin? Taa, ’yinu lé woo sié baa, ’té wa drɔɔdrɔɔ, ’té woo yoroan, wa ye léé, woo béliéé?

Jérémi 19:4

Wo sɔn vɔ an ma; wo fɛkona sɔnné sɛrɛ; wo lasikɔrɔpo kyɛ ble bale bɛnu lɛ ana, balenu lé wo koo, wo tranu koo, Juda nwiinzan blɛnnu koo, wo ’ka wo dɔɔ lɛ é kyɛn lo, wo lɛ, yé wo weanwiinlozannu kiɛre nyɛ zana fɛkona;

Jérémi 2:11

Bɛn lé é ézé balenu tavɔɔan Dɔlé ’té wo ’ka bale bozennu nya lo, ’bɛ bɛn a kyɛɛn? Naa, anlé munu wozé Fuabale tavɔɔ yonu lé wo ’ka bɔa mi va lo, wo nya.

Jérémi 2:17

Bléyian va lé Gakelebale kalé Bale a gona ka nya zi zima ta, Ka sɔn vɔ a ma, amalé we ’ko bɔ ka ma. Azoan é ke loo?

Jérémi 2:26

Kyeenwozan lé wo bɔ a ma fiaa kyeenwona, yara a gya fɛan zo, a zo duo lé yara é dan Izraɛlmunu gyɛ lɛ, wo koo, wo nwiinzan blɛnnu koo, wo nwiinzannu koo, wolé Balebanzannu koo, wolé balelayezannu koo, woo lé.

Jérémi 4:22

Naa, weboen lé, anlé munu ’wuo ’ka wo ta lo, wo ’ka an dɔɔa lo, Wo ta a é vole, wo gi do kpen ’ka é kinile lo. Weple saa lé wa kɛla, Naa, wo ’ka bɔa wezin do kpen kɛlɛle lɛ lo.

Jérémi 5:26

Naa, mi nyanénu a anlé munu méléna; woo munu mavɔɔan bélé mianégyɛzan éé sannu dɔa mianénu lee fɛan zo, a zo. Woo sélinu vɔa, yé woo munu kunwo wo nya.

Jérémi 5:31

balelayemunu éé balelawe fé vié nya, yé Balebanmunu éé dɔa wo dére zuo, yé ’bɛ sɔ anlé munu lɛ. Ka dan kɛlɛ lɛ kaa a ’wuoplanaa?

Ézékiɛl 14:5

yé Izraɛl munu faa lé wolé bli bɔle miyilinu ma wo si an ma baa bɛ, maa dan we lɛdɔ lɛ wo gi.

Ézékiɛl 47:1

É da an nya é ziin kɔn ’léé zia, ’té ’yi éé bɔraan kɔn ’léé pa wuo yirinwanazia. Naa, kɔn yara a yirinwanazia. Yee ’yi éé yoroan, ’té éé goo kɔn valé balebanna bɛyilazia.

Misé 2:8

A péli sia namɔn, ’té woo we kɛla anlé munu lɛ bélé ’wo nyanézannu zo; munu lé woo giéan woboma duaa, ka wolé sɔ blɛnnu sié wo ta bélé gulizarafɛ sile zo.

Misé 6:3

Anlé munu, mɛ fɛ lé maa kɛlɛ ka lɛɛ? An ka wɔlɛgi nyaa mɛ we nyaa? ’Ka zi vɔ an lɛ ma.

Zakari 13:1

’Bɛ yi la, ’yi’wuo do é dan fɔn lɛ David lé munu valé Jérusalɛm munu zé nya, wenyané valé mi tiridɔwenu lé we ma.

WENÉNÉ LE JAN A GYE (Évangile selon Jean) 4:10

Jézu lé a lɛ léé: Dé é vo léé i Kazambale lé blɛ dɔɔ, yé maa lé maa a fe i lɛ léé: ’I ’yi nɔ an lɛ maa a mini, dé é vo léé, i an dɔɔ kɔɔn, ’té biibozen é dan mini’yi laa lɛ an lee, yé an dan mibéli’yi nɔ lɛ i lɛ.

WENÉNÉ LE JAN A GYE (Évangile selon Jean) 4:11

Lezan lé a lɛ léé: Mizan, fɛ do kpen ’ka i lee ’yitɔfɛ nya lo, yé ’yiguru gi a baa. I dan mibéli’yi ’ko ye lɛ fɛ kyɛnnaa?

WENÉNÉ LE JAN A GYE (Évangile selon Jean) 4:14

Naa, ’yi lé maa dan a nɔ lɛ munu lɛ, dé mian é ’bɛ ’yi mini, ’yiminilɔrɔ ’ka dan ’bɛzan gyɛ lɛ é dɛrɛ lo. Yé ’yi lé maa dan a nɔ lɛ ’bɛzan lɛ, é dan kinin lɛ ’yi’wuo nya a bɔn gi, yé é dan vo lɛ duunna fɔɔ yé é kɛlɛ munubélifɛ nya, yé wo vo é yuɛma ’té ’bɛ glɛ ’ka dɔa lo.

WENÉNÉ LE JAN A GYE (Évangile selon Jean) 7:37

Fɛti yi nyaana nya, yee lé é ke fɛti yi blɛn nya, Jézu dɔ loru, yé é siaa léé: Mian ’yiminilɔrɔ ke a gyɛna, ’é da an va ma, yé ’é ’yi mini ma.

Bélidɔwesɛbɛ Fiézan 31:16

Gakelebale lé Moizi lɛ léé: Bé gini, i dan yi gyɛ lɛ i tranu va. Yé munu ’ko é dan nwa lɛ yé bɔrɔdɛ le éé goo gɔnénu zuo fɛan zo, wo dan go lɛ bale bɛnu zuo a zo, tɛrɛ lé wo dan bɔ lɛ a ta, ana. Wo dan sɔn vɔ lɛ an ma, yé anlé gipawe lé maa a kɛlɛ wo va, wo dan a sɛrɛ lɛ.

2 Piɛri 2:17

Munu ’konu a bélé ’yibɔnanu lé ’yi ’ka wo gi lo, wo zo; latinu lé fu plɛplɛ ke gona wo nya, wa wo zo; gunuti tiritiri ta a é dɔle wozé nya.

Wegɔɔnle 21:6

É lé an lɛ léé: A kɛlɛle nyaa. Maa ɛ ke Alfa valé Oméga nya, we pélisiana valé we ’wuoplana nya. Mian ’yiminilɔrɔ ke a gyɛna, maa dan mivoéyuɛma ’yi’wuo?-?la’yi nɔ lɛ a lɛ é pla.

Wegɔɔnle 22:1

Yuu lé éé mi voo é yuɛma, ’té a yuɛ a sésé bélé vlinvlin wezan zo, ’té éé sié Kazambale valé ’Blané lé webleblin gi bɛ, lanje a gɔɔn an lɛ.

Wegɔɔnle 22:17

Yé Kazambale Léli valé bosizan léé: ’I da. Yé dé mianzan a ’ma, ’bɛzan ’é ’i da vɔ ma. Mian ’yiminilɔrɔ ke a gyɛna, ’é da ma; yé mian é sɔ a lɛ léé, ’é mivoéyuɛma ’yi si, ’bɛzan a si é pla ma.

Weblezannu 10:13

Naa, ’kaa, ka an vo yé ka bale bɛnu bɔ. Bɛwemalé maa ’ka dan ka vo lɛ kabo ma é dɛrɛ lo.

1 Samuɛl 12:10

Wo siaa é ziin Gakelebale lɛ yé wo léé: Ko Gakelebale vo yé ko Baalnu valé Asataténu bɔ, amalé ko wenyané kɛlɛ; sin, ’i ko si ko nyanézannu lee, yé ko dan i bɔ lɛ.