Jérémi 2:11 - Kazambale lé Sebe Sauunu 1979

¹¹ Bɛn lé é ézé balenu tavɔɔan Dɔlé ’té wo ’ka bale bozennu nya lo, ’bɛ bɛn a kyɛɛn? Naa, anlé munu wozé Fuabale tavɔɔ yonu lé wo ’ka bɔa mi va lo, wo nya.

Jérémi 2:11 ပူးပေါင်းရင်းမြစ်များ

1 Minwiinzannu 11:33

Wo si an va yé wo yia ’wo bli la Sidɔn munu lé baleda Asataté koo, Moab lé bale Kémɔs koo, Amɔn munu lé bale Milkɔm koo, wo ’lɛ, yé wo ’ka tawo lɛ anlé zinu ta, we lé ke é drɔle an yuɛ gi, a kɛlɛle we gi lo, yé wo ’ka anlé bélidɔwenu valé an déretawenu kɛlɛ lɛ, Salomɔn ti David a kɛlɛ fɛan zo, a zo lo, amalé maa dan we ’ko kɛlɛ lɛ.

2 Minwiinzannu 1:3

Naa, Gakelebale lé lanje lé Tisibi mi Éli lɛ léé: ’I nwa, ’ka go kee Samari minwiinzan lé nwunvɔzannu nya yé bé fe wo lɛ léé: Bale ’ka Izraɛl tɛrɛ la lo, bɛwemalé ka go we laa lɛ Ékrɔn lé bale Baal‐Zébub lee?

2 Minwiinmunu lé Wezuofe Sɛbɛ 13:9

Arɔn benu, Gakelebale banzannu valé Lévinu, ka ’ka wo bin lɛ loo? Yé balebanzannu lé ke bélé tɛrɛ bɛ la munu zé zo, ka ’ka wo kɛlɛ lɛ kazé nya loo? Dé miomian da dirigɔné boroné valé ’blagɔné sɔrafié nya, léé, ’ka ’é kɛlɛ balebanzan nya, ka ’bɛzan kɛla fɛ lé é ’ka Bale nya lo, a banzan nya.

Lɛrɛvɔ Sɛbɛ 106:20

Wo ’wolé fua Bale tavɔɔ Dirigɔné lé, éé lu blé, a yili nya.

Lɛrɛvɔ Sɛbɛ 115:4

Wozé miyilinu a gɔɔli valé kyan nya, Munu bɛ panyanama lé.

Lɛrɛvɔ Sɛbɛ 3:3

Mi kiɛre a fena anlé we ma léé: Bale ’ka dan bɔ lɛ a va é dɛrɛ lo. Ka ye do.

Ézai 37:19

yé wo wolé balenu vuli kyɛ va; naa, wo ’ka balenu nya lo, mi bɛ panyanama lé wa kɛlɛ yili valé gɔlɛ nya, yee lé ke wo nya; yé wo wo kɛlɛ é boa.

Jérémi 16:20

Blami é bɔalɛ léé, é balenu kɛlɛɛ? Naa, bale ’konu ’ka balebozen nya lo.

Jérémi 18:13

Amalé Gakelebale léma: ’Ka we laa bɛnnu lee. Mi kyɛn ɛ ’bɛ zoɛ we ’ma é kyɛɛn? Izraɛl munu lé ke bélé blɛnzan zo, tadanmawe lé é gié é glɛ la, wa kɛlɛ.

Jérémi 2:5

Gakelebale léma: Ka tranu mɛ weple ɛ ye an gi Yé wo si an ma baa Yé wo go boafɛnu zuo yé wobozen kɛlɛ boamunu nyaa?

Jérémi 2:8

Balebanmunu ’ka maa Gakelebale ta laan boenwo lo. Munu lé woo bélidɔwe paan munu gi, wo ’ka an dɔɔ lɛ lo. Bale lé munu tabinzannu ’ka kɛlɛ lɛ yarapawelamunu nya an ’lɛ lo. Balelayezannu balelawe fe Baal tɔ gi, Yé fɛnu lé wo ’ka bɔa mi va lo, wo go ’bɛnu zuo.

Jérémi 5:7

Maa kɛla kaa ’naan, yé an ka ma we voo? Kalé nénu sɔn vɔ an ma, Yé vié balenu lé wo ’ka lo, woo wo ’nyɔɔn‐an. Maa fɛ kiɛre nɔ wo lɛ, naa, woo goo gɔné bɛ gini lɛ. Woo wɔraan gɔnégini le lé kɔn gi wo gu nya.

Ézékiɛl 14:5

yé Izraɛl munu faa lé wolé bli bɔle miyilinu ma wo si an ma baa bɛ, maa dan we lɛdɔ lɛ wo gi.

Ézékiɛl 5:7

Bɛwemalé Mizan Gakelebale léma: Ka kɛlɛ nwamimazannu nya é mini bɛnnu lé wo ka zi lɛ sɔɔ, wo ta. Yé ka ’ka an déretawe kɛlɛ lɛ lo, yé ka ’ka tawo lɛ anlé bélidɔwenu ta lo, yé ka ’ka we kɛlɛ lɛ ka zi bɛnnu lé bélidɔwenu yɛrama lo.

Misé 4:5

Dé munu faa a tawona ’wolé bale tɔ gi do do‐oo, naa, ko, ko é dan tawo lɛ Gakelebale kolé Bale tɔ gi, yifaama, a glɛ ’ka lo.

Rom munu 1:23

yé Bale lé é ’ka gaan lo, wo alé fuasan tavɔɔ mi lé ’bɛ éé gaan, a yili nya, ’bɛ valé mianénu koo, ganelawinu koo, tawoplɛlawinu koo, wo yili nya.

1 Korent munu 8:4

Yobanwi blele lé we a ’ko zo: ko a gi dɔɔ léé, miyili ’ka we do nya tɛrɛ la lo, yé Bale a do kpen.

Galasi munu 4:8

É li, ’té ka ’ka Kazambale dɔɔa lo, ’té balenu lé wo ’ka bale bozennu nya lo, ’té ka wo bɔa.

Bélidɔwesɛbɛ Fiézan 32:16

Wo Bale lé maawole nwa bale bɛnu nya, Wa bli fli bozowenu nya;

Bélidɔwesɛbɛ Fiézan 32:21

Wo anlé maawole nwa fɛnu lé wo ’ka bale nya lo, wo nya, Yé wo an bli fli wolé miyili planu nya; Yé maa, maa dan wolé maawole nwa lɛ, munu lé wo ’ka mi nya lo, wo nya, Yé maa dan wo bli fli lɛ, bɛn lé é ke ’tugyɛbɛn nya, a nya.

Bélidɔwesɛbɛ Fiézan 33:29

Izraɛl, izé a néné, de ɛ ke bélé bii zoo? Munu lé Gakelebale wo si we gi, ka lé. ’Té yee ɛ ke ka botakuunfɛ nya, ’Té yee ɛ ke ka tɔbɔgwɔun nya, de ɛ ke bélé bii zoo? Ka nyanézannu wo dan ’wo ’wuo wɔra lɛ ka gane wuo, Yé ka dan wolé gɔnwiin yobannanu zɔn lɛ ka gane nya.

1 Piɛri 1:18

Ka a gi dɔɔ léé, é vinin ka tawo ka tranu lé gwɛma tawobɛ gi, naa sin, Bale ka si ’bɛ zuo. É ’ka ka tabo lɛ kyan valé gɔɔlifu lé woo sɛra, ’bɛnu nya lo.

1 Samuɛl 4:21

É tɔ pa né ma I‐Kabɔd a fele nya léé: Fuasan san Izraɛl. Bale lé kɛsu sile koo, a zana ti valé a zana gale koo, wolé we ma lé é a fe.