Jérémi 19:4 - Kazambale lé Sebe Sauunu 1979

⁴ Wo sɔn vɔ an ma; wo fɛkona sɔnné sɛrɛ; wo lasikɔrɔpo kyɛ ble bale bɛnu lɛ ana, balenu lé wo koo, wo tranu koo, Juda nwiinzan blɛnnu koo, wo ’ka wo dɔɔ lɛ é kyɛn lo, wo lɛ, yé wo weanwiinlozannu kiɛre nyɛ zana fɛkona;

Jérémi 19:4 ပူးပေါင်းရင်းမြစ်များ

2 Minwiinzannu 21:16

É ziin, Manasé weanwiinlozannu nyɛ zana kiɛre fɔɔ yé Jérusalɛm fan a nya, é sia a péli ma fɔɔ yé é bɔ a ’wuo ma; wenyanénu lé é a kɛlɛ yé é Juda munu kɛlɛ wo kɛlɛzannu nya, we lé ke é naané Gakelebale yuɛ gi, a kɛlɛle nya, wo ’ka ’bɛ fena lo.

2 Minwiinzannu 23:10

Tofɛt lé ke Inom kulunu lé gɔ méléna, minwiinzan blɛn a sɛrɛ, léé, dé mi be léé, ɛɛ, dé a lu léé, té ’wo wo kyɛ ble Mɔlɔk lɛ é dɛrɛ lo.

2 Minwiinzannu 24:4

é valé weanwiinlomunu nyɛ lé Manasé a zana, ’té é Jérusalɛm fan a nya bɛ, a we ma. É ziin, Gakelebale ’ka a va léé, é wo ma we vo lo.

Lɛrɛvɔ Sɛbɛ 106:38

Wo weanwiinlozannu nyɛ zana, Wo benu valé wo lunu nyɛ lé. Wo Kanaan tɛrɛ la miyilinu ban ’wolé nénu nya, Yé wo ana tɛrɛ sɛrɛ migyɛle nya.

Ézai 59:7

Ka vlanburuwo wenaané vazia; ka ta a é kelekele weanwiinlozan nyɛ zanale ma; ka gibɔrɔle a weple gibɔrɔle nya; ’wiile fɛ ta valé guru zanale a gi a kalé zi ta.

Ézai 65:11

Naa, ka lé ka sɔn vɔ Gakelebale ma, ’té ka gi éé saan anlé gɔ sauun ma, ’té ka fɛblele no miyili Gad lɛ yé ka nwɛ no miyili Méni lɛ,

Jérémi 1:16

Maa dan Juda munu lé we ble lɛ wo kɛlɛwe plenu lé we ma. Wo sɔn vɔ an ma yé wo lasikɔrɔpo kyɛ ble bale bɛnu lɛ, yé wo ’wo ’wuo tua ’wo bɛ kɛlɛfɛnu lɛ, azama.

Jérémi 11:13

Oo Juda munu, kalé flanu ’léé a kiɛre fɛan zo, a zo lé kalé balenu ’léé ke. Yé Jérusalɛm zinu ’léé a fɛan zo, a zo lé ka miyilinu bannanu kɛlɛ, yé ka lasikɔrɔ kyɛblenanu kɛlɛ Baal lɛ.

Jérémi 15:6

Gakelebale léé: I sɔn vɔ an ma, yé i go i zuo zia, Naa, maa an bɛ soi i ma, yé maa i kulu ga; An wɔlɛ gi nyaa an ma, nyanai zénle i ta we ma.

Jérémi 16:11

Yé bé zi pa wo lɛ léma: Gakelebale léma: Ka tranu sɔn vɔ an ma, ’té woo goo bale bɛnu zuo, yé wo wo bɔ yé wo dia wo bli la wo ’lɛ; wo sɔn vɔ an ma yé wo ’ka tawo lɛ anlé bélidɔwe ta lo.

Jérémi 17:13

Gakelebaleoo, Bale, Izraɛl munu bli a bii ɛ lɛ. Munu faa lé wo sɔn vɔ i ma, yaragyɛwe é dan bɔ lɛ wo ma. Munu lé wo nwun zi dɔ an ta, wo dan wo tɔ gyɛ lɛ tɛrɛ va. Naa, maa Gakelebale lé an ke mi vo é yuɛma ’yi’wuo nya, wo sɔn vɔ an ma, azama.

Jérémi 17:20

Bé fe wo lɛ léma: ’Ka tɔné dɔ Gakelebale dére lɛ. Juda munu nwiinzan blɛn koo, Juda munu faa koo, ka faa lé ka ke Jérusalɛm munu nya, ’té ka wɔraan gɔrɔ ’ko ’léé bɛ, ka koo, ’ka tɔné dɔ ma.

Jérémi 18:15

Naa, alé munu gi éé saan an ma, woo lasikɔrɔpo kyɛ blé miyilinu lɛ, ’Té woo tawoo zi saanlenu ta, ’té woo sié zi kwanu ta, Yé woo goo zi bɛnu ta, zinu lé wo ’ka tegele lo, wo ta.

Jérémi 2:13

Naa, anlé munu wenyané gɔnɔ fié kɛlɛ: Maa lé, an ke bélé ’yi’wuo lé éé mi voo é yuɛma, a zo, wo an vo Yé ’yigurunu lé ’yi ’ka voo wo gi lo, wa bo wozé nya.

Jérémi 2:17

Bléyian va lé Gakelebale kalé Bale a gona ka nya zi zima ta, Ka sɔn vɔ a ma, amalé we ’ko bɔ ka ma. Azoan é ke loo?

Jérémi 2:19

Kalé we lɛrɛlɛrɛnu kɛlɛle valé kalé yuɛgiblanlenu é dan we lɛdɔ lɛ ka gi, Yé ka dan a ye lɛ yé ka dan a gi dɔɔ lɛ léé, Gakelebale kalé Bale vole, ’té a kana do kpen ’ka zén‐é ka gi lo, ’Bɛ a wenaané valé we lɛrɛlɛrɛ nya. Maa, Mizan, lagi sunyanu lé Gakelebale ɛ ke a fena.

Jérémi 2:30

Maa ilé nénu bla, naa, ’bɛ tɔnɔ ’ka lo. Anlé we lɛdɔle wo gi ’ka wo yuɛ gi bɔ lɛ lo. Ka balelayezannu gyɛ gwɔun nya bélé fɛan zo lé golizra éé mi gya, a zo.

Jérémi 2:34

Yé nyanégyɛzannu valé weanwiinlozannu nyɛ a é zénle kalé varɔ gi, dɔlé ’té ka ’ka bɔ lɛ wo ma kɔn sɛrɛna yé wo wɔra a gi lo.

Jérémi 22:17

Naa, i yuɛnu valé i bli, Woo i vɔa fɛyelɔrɔ gi, Wo i kɛlɛ weanwiinlomunu nyɛ zanazan nya; Wo i kɛlɛ va nya, wo i kɛlɛ glawe kɛlɛzan nya; yee saa ma lé i yuɛ valé i bli bɔ.

Jérémi 22:3

Gakelebale léma: ’Ka we tegele valé we drɔle kɛlɛ; ’ka mi si vami lee; té ka nyané pa bɛn koo, ti valé bu galazan koo, zanagala le koo, wo ta lo; té ka glawe kɛlɛ mi lɛ lo; té ka weanwiinlozan nyɛ zana fɛkona lo.

Jérémi 26:15

Naa, é a lé ka gi dɔɔ léé, dé ka an gyɛ, ’té ka weanwiinlozan gyɛwe dɔ kabo nwiin; ka koo, fla ’ko valé a tamunu koo, ka an gyɛwe dɔ ka nwiin. Naa, webozen lé, Gakelebale an pa ka lɛ zia dére ’konu faa fele ka lɛ we ma, azama.

Jérémi 26:23

Yé wo Uri si Éjipiti tɛrɛ la, yé wo da a nya minwiinzan blɛn Jojakim va. ’Bɛ a gyɛ gwɔun nya, yé é a gale vuli mipana.

Jérémi 44:3

Naa, wo wenyané kɛlɛ an bli flile we ma. Wo lasikɔrɔpo kyɛ ble bale bɛnu lé wo ’ka wo dɔɔa lo, yé ka ’ka wo dɔɔa lo, yé wo tranu ’ka wo dɔɔa lo, wo lɛ, yé wo wo bɔ, amalé an bli fli.

Jérémi 5:6

Amalé pɔrɔ gi golizra éé wo gya, Bwila glau éé wo wi kinié ékema, Kua a wo mavɔɔna wolé flagɔrɔ ’léé, Munu faa lé woo sié fla, é dan wo wi kini lɛ ékema; Naa, wo bélidɔwe sɛrɛ di, Wo yuɛgiblanle gi gyɛ.

Jérémi 7:6

dé ka ’ka yaan bɛnnu koo, bu valé ti galazan koo, gyɛzarale koo, wo ta lo, dé ka ’ka weanwiinlozan nyɛ zanaan fɛkona lo, dé ka ’ka goo bale bɛnu zuo kalé we tɔntɔn bɔle ka ma we ma lo,

Jérémi 7:9

Mɛ ɛ kɛlɛɛ? Ka kyeen woo, ka mi gya, ka mi bɛ na valé mi bɛ zana ginian, ka bale ’nyɔɔn‐an vié nya, ka lasikɔrɔpo kyɛ blé Baal lɛ, ka goo bale bɛnu lé ka ’ka wo dɔɔa lo, wo zuo.

Jérémi Lé Wuvɔ Sɛbɛ 4:13

Alé balelayezannu lé wenyanénu ma ban lo, Alé Balebanzannu lé Wo mi tegelenu nyɛ zana A méléna, wolé weplenu ma ban lo.

Ézékiɛl 20:26

Maa wo tiri dɔ wolé blɛfɛnu nya, bléyian va lé wa ’wolé né vininnu faa vɔna kyɛ va, ’bɛ bléyi va; é sɔ an lɛ léé, maa we lɛdɔ wo gi ’bɛ zo, yé maa a nagɔɔn wo lɛ léé, maa lé ke Gakelebale nya.

Ézékiɛl 7:22

Maa dan an yara si lɛ wo ta, yé munu é dan anlé fɛna sauun sɔnné sɛrɛ lɛ; glamunu é dan wɔra lɛ ana yé wa sɔnné sɛrɛ.

Ézékiɛl 8:11

Izraɛl mi segelenu yɔ yaa wɔlɛ vu a é dɔle miyili ’konu ’lɛ, ’té wolé lasikɔrɔ kyɛblegibɔnu a wo lee do do. ’Té Safan be Jaazania a wo va mi do nya. Yé lasikɔrɔ goi nwa ana zuu.

Daniɛl 11:31

A dére ta lé sunyanu é dan da lɛ, wo dan fɛna sauun, kɔn plɛplɛ sɔnné sɛrɛ lɛ, yé balebanwi lé wa kyɛ blé, ’té wa no yifaama, wo dan a nɔle yi ga lɛ, yé fɛ sɛrɛle tata fɛ naané lé mi ’ka é yuɛ vɔa a ta lo, wo dan a dɔ lɛ fɛna sauun na.

WENÉNÉ LÉ LUK A GYE (Évangile selon Luc) 11:50

balelayemunu faa nyɛ lé wa zanale sia tɛrɛ bɔra bléyi va, a we dɔle bléyi ’ko vamunu nwiin we gi;

Bélidɔwesɛbɛ Fiézan 13:13

mi sɛrɛlenu nwa wo méléna, yé wo flamunu ’wuo sɛrɛ a fele nya léé, kaa go, kaa bale bɛnu bɔ, ’té ka ’ka ’bɛ balenu dɔɔa lo,

Bélidɔwesɛbɛ Fiézan 13:6

Dé i bu lé négɔné léé, dé i be léé, dé i lu léé, i na lé ka yiaan a nya saa do la, dé ’bɛ léé, i béé lé é sɔ i lɛ bélé ibozen zo, dé ’bɛ léé, dé wo va mi do da kyeen gi yé é lé i lɛ léé, kaa go, kaa bale bɛ bɔ, dé é a bale lé bii valé i tinu ’ka a dɔɔa é kyɛn lo, a nya,

Bélidɔwesɛbɛ Fiézan 28:20

We faa lé ka a kɛlɛle pélisia, bale pale koo, di kinié migiwe koo, wenyané lɛ kinile ka lɛ koo, Gakelebale é dan wo faa kɛlɛ lɛ ka lɛ a gi, fɔɔ yé ka kulu é ga yé ka zamaga wo, kalé weple kɛlɛle lé wo ka kun yé ka sɔn vɔ maa, Gakelebale ma, wolé we ma.

Bélidɔwesɛbɛ Fiézan 28:36

Ka koo, mi lé ka a dɔ ka nwiinzan blɛn nya koo, Gakelebale é dan go lɛ ka nya bɛn lé ka valé ka tranu ’ka wo dɔɔa é kyɛn lo, wo va. ’Bɛna lé ka dan bale bɛnu bɔ lɛ, yilibale valé gɔlɛbalenu lé.

Bélidɔwesɛbɛ Fiézan 28:64

Gakelebale é dan ka sɔɔla lɛ bɛnnu faa suiɛ gi, é sia tɛrɛ glɛ do ma fɔɔ yé é bɔ a glɛ koɛ ma. ’Bɛna lé, ka dan bale bɛnu bɔ lɛ, balenu lé ka valé ka tranu ’ka wo dɔɔa lo, yilibalenu valé gɔlɛbalenu, woo lé.

Wegɔɔnle 16:6

Naa, wo Kazambale lé munu valé balelayemunu nyɛ zana, amalé ilé nyɛ nɔle wo lɛ yé wa mini yara lé.

Weblezannu 5:8

Izraɛl bale bɛ dɛrɛnu si, ’Bɛwemalé guli a fla ’léé; Golɛtayɔɔfɛ koo, din koo, Wo ’ka wo do kpen yé Izraɛl mi baa yɔ boen méléna lo.