Jérémi 19:13 - Kazambale lé Sebe Sauunu 1979

¹³ Jérusalɛm kɔnnu valé Juda nwiinzannu lé kɔnnu, wo dan kɛlɛ lɛ fɛ lé wana sɔnné sɛrɛ, a nya, bélé Tofɛt zo; kɔnnu faa lé wo lasikɔrɔ kyɛ ble wo nwiin lagifɛnu faa ’lɛ, ’té woo baleban’yi zanaan bale bɛnu lɛ wo nwiin bɛ, woo lé.

Jérémi 19:13 ပူးပေါင်းရင်းမြစ်များ

2 Minwiinzannu 17:16

Wo Gakelebale, wolé Bale lé bélidɔwenu faa vo, yé wo diriné serele fié kɛlɛ, wo Asataté miyilinu kɛlɛ, wo dia ’wo bli la lagi fɛnu faa ’lɛ, yé wo Baal bɔ.

2 Minwiinzannu 23:10

Tofɛt lé ke Inom kulunu lé gɔ méléna, minwiinzan blɛn a sɛrɛ, léé, dé mi be léé, ɛɛ, dé a lu léé, té ’wo wo kyɛ ble Mɔlɔk lɛ é dɛrɛ lo.

2 Minwiinzannu 23:12

Yobannanu lé Juda nwiinzannu a kɛlɛ Akaz lé kɔn nwiin kɔngwa ta, wo valé yobannu lé Manasé a kɛlɛ Gakelebale lé kɔn gɔrɔ fié gi, minwiinzan wo sɛrɛ; wo sɛrɛle zuo é wo si ana yé é wo yee nwɛɛn Sédrɔn yuu va.

2 Minwiinzannu 23:14

Jozias miyilinu yéli yé é yo’wuo ’wii, yé fɛana lé wo ke, é ana fan miwɔlɛnu nya.

Lɛrɛvɔ Sɛbɛ 74:7

Wo ilé kɔn kyɛ ble, Kɔn lé wo i tɔ pa a ma, wa guru zana a gi, yé wa sɔnné sɛrɛ.

Lɛrɛvɔ Sɛbɛ 79:1

Lɛrɛ lé Azafa a vɔ. Baleoo, Bale, bɛnnu ’wii ilé munu ta, Wo ilé kɔn sauun sɔnné sɛrɛ, Yé wo Jérusalɛm kɛlɛ é’bin nya.

Ézai 22:1

Pɛnguru lé woo yuɛzi yé ana, balelawe lé Ézai a fe a ma, yee lo. Jérusalɛm munu, mɛ we ɛ bɔ yé ka faa é go kɔn nwiin?

Jérémi 19:12

Gakelebale léé: A zo lé an dan we kɛlɛ lɛ fɛkona valé ana munu lɛ, yé an dan fla ’ko kɛlɛ lɛ bélé Tofɛt zo.

Jérémi 32:29

Kaldé munu lé wo nwa fla ’ko ma, wo dan wɔra lɛ fla; wo dan a kyɛ vɔ lɛ, yé kyɛ é dan a ble lɛ, yee valé kɔnnu lé wo lasikɔrɔ kyɛ ble Baal lɛ wo nwiin, ’té woo baleban’yi zanaan ana bale bɛnu lɛ an bli flile we ma bɛ, wo nya.

Jérémi 44:18

Naa, ko daan aan wo lasikɔrɔpo kyɛblele valé ’yi zanale ma lagi fuale lɛ, fɛ faa vuru ko ma yé gwɔun valé lɔrɔ ko gyɛ.

Jérémi 52:13

Gakelebale lé kɔn koo, minwiinzan blɛn lé kɔn koo, Jérusalɛm lé kɔnnu faa koo, é wo kyɛ ble; dé kɔn‐an a we keoo, é wo kyɛ ble.

Jérémi 7:18

Nénu éé kyɛ yélié yé wo tinu éé kyɛ sɔn‐o, yé lomu éé buruyɔɔ zɔn‐o yé wo gatonu kɛlɛ a nya lagi fuale zé nya, é valé ’yi zanale nya bale bɛnu lɛ, an bli flile we gi.

Ézékiɛl 20:28

Tɛrɛ lé maa anbo ’nyɔɔn léé, maa a nɔ wo lɛ, maa go wo nya ana. Yé wo ’wo yuɛ vo gɔpané nwalenu faa lɛ, ’é valé yili kwɛɛvɔlenu faa lɛ; ’bɛna lé wo ’wolé sarakanu bo, yé blɛfɛnu lé woo an bli flian wo nya, wa nɔ ’bɛna. Wo ’wolé lasikɔrɔ gin nénézan kyɛ ble ’bɛna, yé woo ’yinu zana yo lɛ ’bɛna.

Sofoni 1:5

Munu lé woo diaan ’wo bli ta kɔnnu nwiin lagifɛnu ’lɛ, munu lé woo diaan ’wo bli ta Gakelebale ’nyɔɔnle nya, ’té wo nwiinzan blɛn tɔ ’nyɔɔn‐an,

Kelewenu 10:9

’Bɛ é tu kini dé munu ’ko a zia yé wo bɔ aan wo Jopé sɔnɔ, ’té Piɛri go kɔn nwiin é yiéyi bazorole we ma.

Kelewenu 7:42

Yé Kazambale é nwun zi dɔ wo ta yé é wo vo lagifɛnu bɔna, é a é gyɛle balelayemunu lé sɛbɛ gi fɛan zo, a zo; wo léé: Izraɛl munu, wi lé ka gyɛ, é valé sarakanu lé ka bo bwi gi Lɛɛ yɔ fié wuo, an lɛ lé ka kɛlɛɛ?

Bélidɔwesɛbɛ Fiézan 4:19

Dé ka yara nwa lai zia, yiri koo, moné koo, monénénu koo, lagifɛ gbaunu bɛ, dé ka wo ye, té ’wo ka sia ana yé ka dia ka bli la wo ’lɛ yé ka wo bɔ lo; dé ka kɛlɛ, ’té ka kabo sɛrɛ. Gakelebale, kalé Bale fɛ ’konu kɛlɛ munu faa lé ke tɛrɛ la, wo faa zé nya.