Jérémi 18:8 - Kazambale lé Sebe Sauunu 1979

⁸ Naa, bɛn lé maa a mawe fe, dé é daan élé we lɛrɛlɛrɛ kɛlɛle ma, wenaané lé ke an bli gi léé, maa kɛla a lɛ, maa dan an bli si lɛ ’bɛ lɛ.

Jérémi 18:8 ပူးပေါင်းရင်းမြစ်များ

2 Minwiinmunu lé Wezuofe Sɛbɛ 12:6

Izraɛl nwiinzannu valé minwiinzan blɛn wobo zun yé wo léé: Gakelebale a tegele.

Lɛrɛvɔ Sɛbɛ 106:45

Wolé we ma lé alé gipawe sele dɔ a gi; Alé zin blɛn yɛrama lé é nyanai zén wo ta.

Lɛrɛvɔ Sɛbɛ 135:14

Naa, Gakelebale é dan élé munu lé we ble lɛ, A nyanai é dan zén lɛ é wuozannu ta.

Lɛrɛvɔ Sɛbɛ 90:13

Gakelebale, ’i da; ko vo a zo ’koo? ’I nyanai zén i wuozannu ta.

Fwile 32:12

Mɛmalé i dan zi nɔ lɛ Éjipitinu lɛ yé wa fe léé, we tɔntɔn bɔle wo ma koo, wo gyɛle gɔnu nwiin koo, wo sile tɛrɛ la tata koo, alé we ma lé wolé bale wo fwii? ’I daan ilé bliflile blɛn ma, yé ’i bli nɔla we tɔntɔn lé i a a va léé, bé kɛlɛ ilé munu lɛ, a ma.

Fwile 32:14

Yé Gakelebale bli nɔla we tɔntɔn lé é a a va léé, é a kɛlɛ élé munu lɛ, a ma.

Jérémi 12:16

Dé anlé munu kɛlɛwe vɔ wo lee, dé wo an tɔ ’nyɔɔn a fele nya léé: Gakelebale a é yuɛma, bélé fɛan zo lé wo Baal ’nyɔɔnle paa anlé munu gi bɛ, a zo, ’té wo gi é dan nana lɛ zin yele we ma anlé munu méléna.

Jérémi 15:6

Gakelebale léé: I sɔn vɔ an ma, yé i go i zuo zia, Naa, maa an bɛ soi i ma, yé maa i kulu ga; An wɔlɛ gi nyaa an ma, nyanai zénle i ta we ma.

Jérémi 26:13

Sin, ’ka ka kɛlɛwenu valé ka panyanama nɔla. ’Ka tɔné dɔ Gakelebale, kalé Bale dére lɛ. Yé wenaané lé Gakelebale a fe léé, é dan bɔ lɛ ka ma, é dan é bli nɔla lɛ a kɛlɛle ma.

Jérémi 26:19

Juda munu nwiinzan blɛn Ézékia valé Juda munu faa, wo Misé gyɛɛ? Ézékia ’ka kana lɛ Gakelebale lee loo? É ’ka zanté vɔ lɛ Gakelebale lɛ loo? Yé wenaané lé Gakelebale a fe léé, é dan bɔ lɛ wo ma, é bli si a kɛlɛle lɛ. Yé kaa, kaa a a va léé, kaa ’bɛ zoɛ weple blɛn dɔ kaa nwiin?

Jérémi 26:3

Dé wo dan wo tɔné dɔ lɛɛ? Dé wo faa do do é dan si lɛ ’wo kɛlɛwe naanénu zuoo? Dé wa kɛlɛ, wenaané lé é a an gi léé, maa dan a bɔ lɛ wo ma wo kɛlɛwe naanénu lé we ma bɛ, maa dan an bli nɔla lɛ ’bɛ kɛlɛle ma.

Jérémi 36:3

Wenaané faa lé é a an bli gi léé, maa dan a kɛlɛ lɛ Juda munu lɛ, dé wa ’ma, dé wo faa do do é dan daan lɛ wo kɛlɛwe naanénu maa? Dé wa kɛlɛ, maa dan wo ma we vo lɛ wolé weplenu valé wolé wenyané ma.

Jérémi 42:10

Dé ka vo tɛrɛ ’ko la, maa dan ka nyana lɛ ana kli, maa ’ka dan ka kulu ga lɛ lo; maa dan ka suni wɔra lɛ, maa ’ka dan ka dia lɛ lo, naa, wenaané lé maa a kɛlɛ ka lɛ, an bli si ’bɛ lɛ.

Ézékiɛl 18:21

Dé mi nyané é bli nɔla wenyanénu lé é wo kɛlɛ, wo ma, dé éé anlé bélidɔwenu faa lɛdɔa a ma, yé éé we drɔle valé we tegele kɛla, é dan vo lɛ é yuɛma, é ’ka dan ga lɛ lo.

Ézékiɛl 33:11

Bé fe wo lɛ léma: Mizan Gakelebale léma: Maa a é yuɛma. Mi nyané gale ’ka anlé blibɔmawe nya lo; é sɔ an lɛ léé, ’é élé tawobɛ nɔla yé ’é béli. ’Ka si kalé zi nyané ta; ’ka daoo, ’ka da! Izraɛl munu, mɛmalé ka gaan é plaa?

Ézékiɛl 33:12

Yé bii, blami be, bé fe ilé munu lɛ léma: Dé é kɛlɛ léé, mi tegele bélidɔwe sɛrɛ, é ’ka dan si lɛ we gi ’é tegele ma lo. Yé dé mi nyané si ’é kɛlɛwe nyané zuo, é ’ka dan zamaga wo lɛ é kɛlɛwe nyané kyɛn lé we ma lo; a bɛ duo gi léé, dé mi tegele bélidɔwe sɛrɛ, é ’ka dan béli lɛ ’é tegele ma lo.

Ézékiɛl 33:13

Dé maa fe mi tegele lɛ léé: I dan béli lɛ, dé é dɔ ébo kɛlɛwe tegele ta yé é weple kɛlɛ, an gi é dan san lɛ a kɛlɛwe tegele faa ma, yé é dan ga le weple lé é a kɛlɛ, a we ma.

Ézékiɛl 33:14

Dé maa fe mi nyané lɛ léé: I dan ga lɛ, dé é daan élé wenyané ma yé é tawo é drɔle yé é we tegele kɛlɛ,

OZÉ (Osée) 11:8

Éfraim, maa dan kɛlɛ lɛ ilé we ma kaa? Izraɛl, é a lé maa i pa mi bɛ lee? É a lé maa a kɛlɛ i lɛ bélé Adima zoo? É a lé maa we kɛlɛ i lɛ bélé Séboim zoo? An bli a diana an gi, An nyanai faa a zénna.

Amɔs 5:15

’Ka wenyané za pa, yé wezin ’é sɔ ka lɛ ma, ’ka we ble é blena bléyi faa va ma. Dé Gakelebale, lai sunyanu lé Bale nyanai é dan zén lɛ Jozɛfu kulu pɔnénu taa?

Jonas 4:2

É we ’ko laa Gakelebale lee yé é léé: Gakelebale, wean maa a fé turu, ’té maa a tan anlé tɛrɛ la, yeean é ke ’ko loo? Amalé é dɔ an gi léé, an go yɔɔ lɛ Taasis. Bii a Bale lé é mi mawe dɔɔ, ’té a nyanai éé zén‐é, ’té a bli ’ka flian é kele lo, ’té zin a a gi kiɛre, ’té éé bli nɔlaan we tɔntɔn kɛlɛle mi lɛ ma, a nya.

Bélidɔwesɛbɛ Fiézan 32:36

Gakelebale é dan élé munu lé we ble lɛ; Dé é a ye léé, wolé plɛplɛ nyaa wo lee, Yé luu valé miné ’ka ana lo, É dan é nyanai zén lɛ é wuozannu ta.

Weblezannu 2:18

Dé Gakelebale weblezannu nwa, ’té Gakelebale a ’bɛ weblezan va yé é wo si wo nyanézannu lee weblezan yuɛma bléyi faa va; naa, Gakelebale nyanai é zén wo ta wolé dunnu lé wa wo klepawotazannu valé nyanépawotazannu lee, alé we ma.