Jérémi 18:6 - Kazambale lé Sebe Sauunu 1979

⁶ Izraɛl munu, an ’ka bɔa kazé kɛlɛle lɛ bélé fɛan zo lé bɔdɔzan ’ko a kɛlɛ, a zo loo? Maa Gakelebale ɛ ke a fena. Izraɛlmunu, fɛan zo lé bɔtɛrɛyɔɔ ke é dɔzan lee, a zo lé ka ke an lee.

Jérémi 18:6 ပူးပေါင်းရင်းမြစ်များ

Ézai 45:9

Tɛrɛbɔnu va tɛrɛbɔ do Éé za kɛla ’é dɔzan vaa? Bɔtɛrɛ a fé ’é dɔzan lɛ léé: I a mɛ kɛlɛnaa? Fɛ a fé ’é kɛlɛzan lɛ léé: I bɛ ’ka loo?

Ézai 64:8

Oo Gakelebale, té i bli fli yé é gié é glɛ la lo. Té kolé wenyané blɛn sele é dɔ i gi yifaama lo; bé gini do, ko faa a ilé munu nya.

Jérémi 18:4

Bɔ lé é ke a dɔna, é ’ka kɛlɛ lɛ é zima lo; ’bɛ zoɛ we éé bɔa bɔtɛrɛyɔɔ lé ke bɔdɔzannu lee, a ma; yé é a bɛ kɛlɛ é blibɔmale yɛrama.

Jérémi 18:5

Yé Gakelebale lé an lɛ léma:

Daniɛl 4:23

Fɛ yuɛmalenu lé woo fɛnu tabin‐é, ’té wo ke sauun, minwiinzan blɛn wovazan do ye la gi yé é zun. Yé é léé: ’Ka yili ’ko dia yé ’ka a sɛrɛ; naa, a pun lé a suni ke a ma, ’é vo é dɔle ana; ’ka gɔgɔbalenu valé zénébalenu vɔ a ma bwi gi lunu méléna. Lolu ’é vɔ a ta ma, yé alé fɛblele ’é kɛlɛ lunu nya bélé winu zo, fɔɔ yé bléyi sɔrafié é gié a ta.

Matio 20:15

Fɛ lé é ke anzé nya ’naan, dé é sɔ an lɛ léé, maa kɛlɛ a nya fɛan zo, maa kɛla loo? Maa wezin kɛlɛ wo lɛ amalé i a maawona wo maa?

Rom munu 11:34

Naa, De ɛ Mizambale lé gibɔrɔle dɔɔ? Yé de ɛ we pla a lɛɛ?