Jérémi 18:21 - Kazambale lé Sebe Sauunu 1979

²¹ Bɛwemalé ’i wolé nénu gyɛ lɔrɔ nya ma; ’i wo gyɛ gwɔun nya ma; wolé lomu lé nénu ’é ga ma, yé lomu ’é kɛlɛ gyɛzaralomu nya ma. Wo zananu ’é ga bawurumagyɛ lee ma; guli ’é wolé pɛniɛnu gyɛ ma.

Jérémi 18:21 ပူးပေါင်းရင်းမြစ်များ

2 Minwiinmunu lé Wezuofe Sɛbɛ 36:17

Yé Gakelebale Kaldé nwiinzan blɛn nwa wo ma yé ’bɛ wolé pɛniɛnu gyɛ gwɔun nya wolé Bale kɔn sauun gi. É ’ka mi do vo lɛ lo, dé é a gɔné boroné nyaoo, dé é a blɛn nyaoo, dé é a gɔné segele nyaoo, dé é a nwanabɔzan nyaoo, é wo faa pa a lee.

Lɛrɛvɔ Sɛbɛ 63:10

Naa, munu lé wo ke kwa kulina léé, ’wo anlé tɛrɛla nyaa, Wo dan go lɛ tɛrɛ wuo;

Lɛrɛvɔ Sɛbɛ 63:11

Wo dan wo gyɛ lɛ gwɔun nya, Gwe é dan wo ble lɛ.

Fwile 22:24

an bli é dan fli lɛ yé maa dan ka gyɛ lɛ gwɔun nya; ka nanu é dan kɛlɛ lɛ zanagala lomu nya, yé kalé nénu é dan kɛlɛ lɛ bu valé tigala nénu nya.

Ézai 13:18

Wo dan pɛniɛnu gyɛ lɛ wolé sa nya; wo nyanai ’ka dan zén lɛ wolé nénu ta lo; wo yuɛ ’ka dan dɔ lɛ né do kpen ma lo.

Ézai 9:16

Bɛwemalé Mizan gi ’ka nanaan wolé pɛniɛnu ma lo, yé a nyanai ’ka zén‐é wolé ti valé bugalazannu valé wolé gyɛzaralomu ta lo. Naa, wo faa a Bale lé zi ma wenyanéfezannu valé mi naanénu nya, yé weple éé bɔraan wo faa ’léé. Dé ’bɛ faa bɔoo, ’bɛ ’ka alé bliflile ta zanaan lo, ’té a bɛ a wo gyɛn gi duowo.

Ézai 9:17

Naa, wenyané kɛlɛle éé mi blé bélé kyɛ lé éé danan valé léliyilinu blé, a zo; éé kyɛ vɔa pɔrɔwɔlɛ ’léé, ’té a goi éé nwaan zuuu.

Jérémi 12:3

Yé bii Gakelebale, i an dɔɔ, I an yé, an bli lé ke i lɛ bɛ, bé gi ginian. ’I wo si ana bélé ’blanu lé woo wo bɔrɔ bo, wo zo, Yé ’i wo tadɔ wo gyɛyi zé nya.

Jérémi 14:16

Yé munu lé wo balelawe fe ’bɛnu lɛ, ’bɛnu galenu é dan dia lɛ Jérusalɛm zinu ta, lɔrɔ valé gwɔun pagi nya. Wo koo, wo nanu koo, wo benu koo, wo lunu koo, wo pazan do ’ka dan kɛlɛ lɛ ana lo; maa dan wolé we lɛrɛlɛrɛnu nɔla lɛ wo ma.

Jérémi 15:7

Maa wo fɛɛan anlé fu nya fɔɔ tɛrɛ ’ko glɛ ta; Maa né kele anlé munu ma, maa wo kulu ga, Wo ’ka si lɛ wo kɛlɛwenu zuo lo, azama.

Jérémi 15:8

Alé gyɛzaralomu é dan kɛlɛ lɛ kiɛre é mini wɛyi gɔɔn ma nyéné ta, Gulidanzan boroné koo, é bu bozen koo, Maa dan kulugazan pa lɛ zia wo ɛ ma É yiéyi boenwo. Yé nyané blɛn blele valé di kinié mi gi we é dan bɔra lɛ wo ma fiaa.

Jérémi 50:30

’bɛ lé we ma lé alé pɛniɛnu é dan dia lɛ fla zinu ta, yé alé gulidanmunu faa é dan zamaga wo lɛ ’bɛ yi nya. Maa Gakelebale ɛ ke a fena.

Jérémi 9:21

Naa, gale wɔra kolé fɛnɛtinu ta, É wɔra kolé fuakɔnnu gi; É nénu kulu ga zinu ’léé, Yé é mi boronénu nyaa vuun ta.

Jérémi Lé Wuvɔ Sɛbɛ 1:15

Mizan anlé gulidanzannu faa dia, É sunyanu gu blɛn zén ékeva an ma, Léé, ’wo anlé pɛniɛnu gyɛ; Mizan Juda munu zɔn é gane nya bélé dɔrɔporo zo.

Jérémi Lé Wuvɔ Sɛbɛ 5:3

Ko vo ti galazannu nya, Ko ti ’ka lo; ko bunu vo gyɛzaralomu nya.

Ézékiɛl 16:38

Maa dan ilé we ble lɛ bélé fɛan zo lé woo le bɛ zanaginizan valé mi nyɛ zana lomu lé we blé, a zo. Yé maa dan i kɛlɛ lɛ blifliémafɛ lé wa nyɛ zana maawobli nya, a nya.

Ézékiɛl 22:25

Ilé balelayemunu woo gi paan mi ma i ta; woo mi boennu blé bélé golizra lé éé wé wigyɛle ta, a zo. Woo fuafɛnu valé fɛwezannu sié wobo zé nya; woo gyɛzaralomu bo bɔa fla.

Amɔs 4:10

Maa ka gyɛ migyɛgyɛ nya bélé Éjipiti tɛrɛ la zé zo; maa kalé pɛniɛnu gyɛ gwɔun nya, yé maa zi nɔ léé, wo kalé wisoonu si. Maa ka nyanana gin dɔ ka nyé gi; dé an ’bɛ kɛlɛoo, ka ’ka da lɛ an va ka pa gi lo. A zo lé Gakelebale a fe.

Bélidɔwesɛbɛ Fiézan 32:25

Wo dan ga lɛ ’wo kɔlɛ ma gwɔun ’léé, Yé wo dan ga lɛ wo bɔn gi kana nya. Dé é a pɛniɛ nyaoo, dé é a blɛn nyaoo, wolé we a do. Dé é a nyɔ ma né nyaoo, dé gɔné kwa léoo, wolé we a do.

2 Timoté 4:14

Folibozan Alézandre wenaané kɛlɛ an lɛ kiɛre. Mizan é dan a lɛgi pa lɛ a ma a kɛlɛwenu yɛrama:

1 Samuɛl 15:33

Samuɛl léé: Ilé gwɔun nénu si lomu lee fɛan zo, a zo duo lé i bu é dan vuru lɛ é be ma lomu méléna. Yé Samuɛl Agaga bɔi é kuru nya Gakelebale ’lɛ, Gilgal.