Jérémi 18:18 - Kazambale lé Sebe Sauunu 1979

¹⁸ Yé wo léé: ’Ka da, kaa gi pa Jérémi ma. Bélidɔwe ’ka dan si lɛ Balebanzannu lee lo; weplale ’ka dan si lɛ wedɔɔzannu lee lo; dére ’ka dan nyaa lɛ balelayemunu ’léé lo. ’Ka da, kaa Jérémi gyɛ kaa dére nya, té kaa tɔné dɔ a dére do kpen lɛ lo.

Jérémi 18:18 ပူးပေါင်းရင်းမြစ်များ

2 Samuɛl 15:31

Wo da a fe lɛ David lɛ léé: Asitofɛl a gipamimawe kɛlɛzannu va mi do nya Abusalɔm va. Yé David léé: Oo Gakelebale, ’i Asitofɛl lé weplale kɛlɛ boawe nya.

2 Samuɛl 17:14

Abusalɔm valé Izraɛl munu faa léé: Aaki mi Usai lé weplale fila vɔ é mini Asitofɛl zé ta. Naa, é a Gakelebale gi léé, ’é Asitofɛl lé weplale zima kɛla we pla nya, wenaané bɔle Abusalɔm ma we gi.

1 Minwiinzannu 22:24

Yé Kénaana be Sédésias bié yé é Misé blin gyɛ yé é léé: Gakelebale léli gié kyɛn zia yé é si maa va yé é go bii va wefele i lɛ we gii?

2 Minwiinmunu lé Wezuofe Sɛbɛ 24:21

Yé wo a ma we ble, yé minwiinzan blɛn dére ta lé wo gɔlɛ vuli a va Gakelebale lé kɔn gɔrɔ gi.

JOB (Job) 5:13

Éé wedɔɔzannu kunwo wobozen lé dabli gi, We lé é dɔ boawe fezan gi, a guru éé zanaan a gi;

Lɛrɛvɔ Sɛbɛ 21:11

I dan wo kulu ga lɛ tɛrɛ la, I dan wo bɛn tɔ ga lɛ blaminu méléna,

Lɛrɛvɔ Sɛbɛ 52:2

bléyian va lé Édom mi Doɛg go we zuo fe lɛ Saul lɛ, léé, David go Asimélɛk va.

Lɛrɛvɔ Sɛbɛ 57:4

É dan é bɛ soi lɛ la gi, yé é an si we gi. Yé mi lé é an sɔnɔ, é dan ’bɛzan sɔnɔ lɛ. Ka ye do. Bale é dan élé zin kɛlɛ lɛ an lɛ yarapalale nya.

Lɛrɛvɔ Sɛbɛ 64:3

’I an yɔɔ mi nyanénu lé woo an ma we blé, wo lee, Wo valé weplekɛlɛmunu gu lé woo vun wé, woo lee.

Wegɔnévɔlenu 18:21

Ga valé vole é yuɛma lé plɛplɛ a mi nɛnɛ lee; miomian wefele éé sɔa a lɛ, é dan a ma tɔnɔ ble lɛ.

Ézai 32:7

Dablikɛlɛzan lé dabli kɛlɛle a naané; éé bɔn‐in naané saa ɛ daan, nyanaizénlazannu saanle we gi ’élé viédére nya, dé nyanégyɛzan lé we a tegeleoo, éé a kɛla ’bɛ lɛ.

Jérémi 1:19

Wo dan guli dan lɛ i va, yé wo ’ka dan i kele lɛ lo. Naa, maa a i va, i ta béli dɔle we ma. Maa Gakelebale ɛ ke a fena.

Jérémi 11:19

Maa a bélé ’blané drɔɔ lé wo go a nya wigyɛna, a zo, yé ’wuo gi naanénu lé wo ke a bɔrɔna an ma, maa ’ka a do kpen dɔɔ lɛ lo. Wo léé: Kaa yili valé a poro sɛrɛ. Kaa a soowɔla mi yuɛmalenu lé tɛrɛ la, yé té a tɔ sele é dɔ mi gi é dɛrɛ lo.

Jérémi 18:11

Bé fe sin Judamunu valé Jérusalɛm munu lɛ léma: Gakelebale léma: Ka ye, an we tɔntɔn ma’lɛrɛ léé, ’é bɔ ka ma. Maa a an bɔn‐in bɔrɔna ka mawe do nya. Ka faa do do, ’ka daan ka kɛlɛwe nyanénu ma. ’Ka ka kɛlɛwe naanénu valé ka panyanamanu vo, ’ka a dɛrɛ sia.

Jérémi 18:19

Gakelebale, ’i tɔné dɔ an lɛ. ’I an nyanézannu dére ’ma ma.

Jérémi 2:8

Balebanmunu ’ka maa Gakelebale ta laan boenwo lo. Munu lé woo bélidɔwe paan munu gi, wo ’ka an dɔɔ lɛ lo. Bale lé munu tabinzannu ’ka kɛlɛ lɛ yarapawelamunu nya an ’lɛ lo. Balelayezannu balelawe fe Baal tɔ gi, Yé fɛnu lé wo ’ka bɔa mi va lo, wo go ’bɛnu zuo.

Jérémi 20:10

Maa mi kiɛre lé gun gyɛle ’ma, Yé wo léé: Yifaama, yifaama, we tɔntɔn, we tɔntɔn! ’Ka a tɔ laa, yé ko dan a tɔ fe lɛ. Munu faa lé wo bli ke an ma drɔɔ, Wa sin an ma vɔɔna léé, dé a sɔné é dan san lɛɛ? Wo léé: Dé é dan we do kɛlɛ lɛ é tanyila Yé ko a kuun? ’Té ko dan we lɛgi pa lɛ a ma.

Jérémi 26:11

Yé Balebanzannu valé balelayezannu we fe minwiinzannu valé munu faa lɛ léé: Mi ’ko ga yara lé; é balelawe fe fla ’ko ma, azama. Kaboen a ’ma.

Jérémi 37:13

É bɔ aan wo flagɔrɔ ’léé lé wa laama Bɛnjamɛn, ana, ’té flatabin sunyanu ’lɛzan lé wa laama Aanania be Sélémia be Jiréija, é ana bɛ, é balelayezan Jérémi kun, yé é lé a lɛ léé: I a i péli vɔna Kaldé munu va.

Jérémi 43:2

Oozé be Azaria koo, Karéak be Jokanan koo, boblɛnmunu faa koo, wo lé Jérémi lɛ léé: I a vié wona. Gakelebale kolé Bale ’ka a fe lɛ i lɛ léé, té ko go nyana Éjipiti tɛrɛ la lo lo.

Jérémi 44:16

We faa lé bé fe ko lɛ Gakelebale tɔ gi, ko ’ka dan i lɛdɔ lɛ a ma a gɔ do kpen gi lo.

Jérémi 44:17

Naa, dé ko wean fe, ko kɛla; é sɔ ko lɛ léé, ko lasikɔrɔpo kyɛ ble lagi fuale lɛ yé ko ’yi zana a lɛ, ko valé ko tranu koo, ko nwiinzan blɛnnu valé ko nwiinzannu koo, ko kɛla turu fɛan zo Juda tɛrɛ la flanu valé Jérusalɛm zinu ta, a zo. ’Bɛ bléyi va ko fɛ blé yé ko kaan, ko gi éé nanaan, ’té wenaané do kpen ’ka bɔa ko ma lo.

Jérémi 8:8

Mɛmalé ka fé léé, ’wo we dɔɔ yé Gakelebale lé bélidɔwenu a ’wo lee? Naa, sɛbɛgifemunu ɛ vié wo, wo sɛbɛgyɛyili lé nyanama pa é wo.

Jérémi Lé Wuvɔ Sɛbɛ 3:62

An nyanézannu lé wefele an ma valé wo bɔngiwenu Lé wa bɛ paan ékema do an ma yi faa do do ma, bé ’ma.

Ézékiɛl 7:26

Wenaané éé bɔa é ke zuo ke zuo, vun éé wé é ke zuo ke zuo; woo yuɛziwenu ma laan balelayezannu lee; Balebanmunu ’ka bélidɔwe dɔɔa é dɛrɛ lo. Weplale mi lɛ sele ’ka mi segelenu gi é dɛrɛ lo.

Lévinu 10:11

yé bélidɔwenu faa lé Gakelebale a pa Moizi ’léé Izraɛl lé nénu zé nya, é a lé ka wo paa wo gi; bɛwemalé wo léé, té ka nwɛ mini lo.

Misé 3:6

We ’ko ma lé, béli é dan tan lɛ ka ma, yé ka ’ka dan yuɛziwe ye lɛ lo. Gunu é dan dɔra lɛ ka ma, yé kalé ’moné ’ka dan din nɔ lɛ lo. Yiri é dan vɔ lɛ yee balelayezannu ma, yé gunu é dan dɔra lɛ wo ma é yiéyi.

Misé 3:7

Yara é dan kalé fɛnayezannu gyɛ lɛ, yé ’monédɔzannu yuɛ é dan tana lɛ. Kazambale ’ka dan we lɛ wo zi lo, amalé wo dan ’wo yara yɔɔ lɛ.

Malasi 2:7

Balebanzannu a lai sunyanu lé Gakelebale lé nwunvɔzannu nya. Bale wo nwunvɔ léé, munu ’é wedɔɔle ’ma wo ’léé, yé ’wo bélidɔwe gi laa wo lee.

WENÉNÉ LÉ LUK A GYE (Évangile selon Luc) 11:45

Bélidɔwedɔɔmi do kun ézé fele ma yé é lé Jézu lɛ léé: Anzan, dé i a fena ’bɛ zo, ’té i a ko sɔnɔna é ziin.

WENÉNÉ LE JAN A GYE (Évangile selon Jean) 9:40

Farizimi kenu lé wo ke ana bɛ, wo dére ’konu ’ma aan wo yé wo lé a lɛ léé: Ko é ziin, ko a yuɛwiizannu nyaa?