Jérémi 18:17 - Kazambale lé Sebe Sauunu 1979

¹⁷ Maa dan wo fwila lɛ wo nyanézannu ’lɛ bélé yirinwana fu a kɛla fɛan zo, a zo; Wolé klebleyi nya, maa dan an nwun zi dɔ lɛ wo ta, maa ’ka dan wo nagini lɛ lo.

Jérémi 18:17 ပူးပေါင်းရင်းမြစ်များ

JOB (Job) 27:21

Yirinwanazia fu a sian yé é go; Éé a bɔraan gla nya élé kɔn gi.

Lɛrɛvɔ Sɛbɛ 48:7

Wo ma kun nyɔɔnle ma, Bélé lezan lé é ke né yaana, alé nyané blele zo.

Wegɔnévɔlenu 24:16

naa, mi tegele éé diaan gɔnɔ sɔrafié yé éé nwa é ziin, naa, woo mi naanénu vɔa we tɔntɔn gi.

Jérémi 13:24

Maa dan wo fwila lɛ bélé fɛan zo lé nyéné saa lé fɛna fu éé lɔɔ fwilaan fɛan zo, a zo.

Jérémi 2:27

Wo lé yili lɛ léé: Bii a an ti nya. Yé wo lé gɔlɛ lɛ léé: Bii ɛ an bɔra tɛrɛ la. Naa, wo nwunzi dɔa an ta, wo ’ka yuɛ vɔa an ta lo. Yé dé wenaané bɔ ka ma bléyian va, ka léé: ’I nwa, ’i bɔ ko va.

Jérémi 32:33

Wo nwun zi dɔ an ta, wo ’ka an nagini lɛ lo; wo we paa wo gi yifaama, naa, wo ’ka wo tɔné dɔ lɛ léé, wo we paa ’wo gi lo.

Jérémi 46:21

Éjipitinu lé nyanamapamunu é ziin, wa Éjipitinu méléna bélé diriné bualenu zo. Yé wo é ziin, wo ’wo lala dɔa yee misɛrɛzan lɛ, wo faa fwila ’bɛnu ’lɛ; Wo ’ka guli vɔ lɛ ’bɛnu lɛ lo. Naa, wolé yi nyané é dan bɔ lɛ wo ma, Bléyi lé woo we lɛdɔa wo gi, yee lé.

Ézékiɛl 27:26

Ilé ’yitagoro vɔzannu go i nya ’yi blɛnnu ta; Yirinwanazia fu do i ’wii wɛyi méléna.

Ézékiɛl 7:22

Maa dan an yara si lɛ wo ta, yé munu é dan anlé fɛna sauun sɔnné sɛrɛ lɛ; glamunu é dan wɔra lɛ ana yé wa sɔnné sɛrɛ.

OZÉ (Osée) 13:15

Dé Éfraim kɛlɛ blɛn é bwenu mélénaoo, yirinwana fu é dan da lɛ, Gakelebale lé fu é dan si lɛ bwi gi, yé é dan alé ’yi’wuonu ga lɛ, yé é dan a ’yibɔnanu béli lɛ. Wo dan ’wii lɛ alé fɛwezannu faa ta.

Bélidɔwesɛbɛ Fiézan 28:25

Gakelebale é dan zi nɔ lɛ ka nyanézannu lɛ léé, ’wo ka gyɛ; ka gozi é dan ye lɛ gulidanle wo va we ma, yé ka dazi ’ka dan ye lɛ lo; we lé é bɔ ka ma, é dan di kini lɛ tɛrɛ la bɛnnu faa gi.

Bélidɔwesɛbɛ Fiézan 28:64

Gakelebale é dan ka sɔɔla lɛ bɛnnu faa suiɛ gi, é sia tɛrɛ glɛ do ma fɔɔ yé é bɔ a glɛ koɛ ma. ’Bɛna lé, ka dan bale bɛnu bɔ lɛ, balenu lé ka valé ka tranu ’ka wo dɔɔa lo, yilibalenu valé gɔlɛbalenu, woo lé.

Bélidɔwesɛbɛ Fiézan 31:17

’Bɛ yi la, an bli é dan fli lɛ wo ma. An dan sɔn vɔ lɛ wo ma yé maa dan an yara si lɛ wo ta, yé we é dan wo mini lɛ. Wenaané valé kleblele kiɛre é dan bɔ lɛ wo ma yé wo dan a fe lɛ léé, ’wolé Bale ’ka ’wo va lo, bɛwemalé wenaanénu ’ko ke bɔna ’wo ma, yee kaan loo?

Bélidɔwesɛbɛ Fiézan 32:35

Dé wo saan Maa ɛ lɛ gi paan, maa ɛ wo banwoo. Naa, wolé we tɔntɔn ye yi bié é pu, Yé we lé é ke wo lɛbɛnna, é ’ka dan mɔn lɛ lo.