Jérémi 18:16 - Kazambale lé Sebe Sauunu 1979

¹⁶ Wo ’wolé tɛrɛ kɛlɛ boatɛrɛ nya, ’té munu a ma we nanaan; Munu faa lé woo giéan ana, woo dɔa dan‐uun, ’té woo ’wuo nyɔɔn‐an.

Jérémi 18:16 ပူးပေါင်းရင်းမြစ်များ

1 Minwiinzannu 9:8

Kɔn ’ko a é dɔle gɔ nwiin fɛan zo bɛ, dé mian gié a sɔnɔ, a gi é dan vuru lɛ a ma yé é dan ’furu fɛn lɛ. Wo dan a fe lɛ léé: Mɛmalé Gakelebale we kɛlɛ tɛrɛ ’ko valé kɔn ’ko lɛ a zoo?

2 Minwiinmunu lé Wezuofe Sɛbɛ 29:8

Amalé Gakelebale bli fli Judanu valé Jérusalɛm munu ma, yé we bilibilinu koo, we tɔntɔnnu koo, mi ma we nanalenu koo, Bale a bɔ wo ma, ka a yé fɛan zo, a zo.

Lɛrɛvɔ Sɛbɛ 109:25

Woo an yé serele bomami nya, Woo an naginian, ’té woo ’wo ’wuo nyɔɔn‐an.

Lɛrɛvɔ Sɛbɛ 22:7

Yé maa, maa ’ka mi nya lo, maa a blibli nya. Munu éé serele boo an ma yé woo an yé boami nya.

Lɛrɛvɔ Sɛbɛ 44:14

I ko kɛla serele bomazannu nya ko punmamunu yuɛ gi, I ko kɛla we nanamazannu valé yéri sié mazannu nya ko zi munu lɛ.

Ézai 37:22

Dére lé Gakelebale a fe a mawe nya, yee lé ke ’ko: Blɛn lé é ka tan gɔné dɔɔ lɛ lo, Siɔn lu, Éé serele boo i ma, éé we nanaan i ma, Jérusalɛm le Éé ’wuo nyɔɔn‐an i zuo.

Ézai 6:11

Yé maa léé: Mizan, ’bɛ glɛ é dɔa bléyi kyɛn vaa? Yé é a zi pa léé: É dan kɛlɛ lɛ fɔɔ yé flanu ta é vo é pla, ’té mi ’ka wo ta lo; fɔɔ yé mi do kpen ’ka vo kɔn gi lo yé ana tɛrɛ la é vo tété é pla;

Jérémi 19:8

Maa dan fla ’ko kɛlɛ lɛ é ’bin nya, yé é dan kɛlɛ lɛ wenanamafla nya. Munu faa lé woo giéan a sɔnɔ, wo gi é dan vuru lɛ, yé wo dan ’furu fɛn lɛ wenaanénu faa lé é bɔ a ma bɛ, a we ma.

Jérémi 25:9

amalé Gakelebale léma: Munu faa lé wo ke yirinwana bɛbolazia, an dan munu nwunvɔ lɛ wo laana, léé, ’wo da. Maa dan mi nwunvɔ lɛ an wuozan Babilɔn nwiinzan blɛn Nébukanɛsaa va, yé maa dan da lɛ a nya léé, ’é nwa tɛrɛ ’ko koo, a tamunu koo, wo zi bɛnnu faa koo, wo ma, wo kulu gale we ma, yé wo wolé fla kɛlɛ é ’bin nya, wenanamafɛ nya, yé é dan vo lɛ é pla lɛɛfaama.

Jérémi 29:18

Maa dan wo zuo bin lɛ gwɔun koo, lɔrɔ koo, migyɛgyɛ koo, wo nya, yé maa dan wo kɛlɛ lɛ kanaleefɛ nya tɛrɛ la bɛnnu faa lɛ; maa dan wo kɛlɛ lɛ balepamazannu koo, kwavɔmitazannu koo, wenanamazannu koo, serelebomafɛnu koo, wo nya, bɛnnu faa lé maa wo pa zia wo va bɛ, wo lɛ.

Jérémi 42:18

Naa, lai sunyanu lé Gakelebale, Izraɛl lé Bale léma: Fɛan zo lé an bli fli Jérusalɛm munu ma yé an wɛwɛ dɔ wo ma, a zo duo lé an wɛwɛ é dan dɔ lɛ ka ma, ’té dé ka go Éjipiti tɛrɛ la; ka dan kɛlɛ lɛ dunuzénmitazannu koo, zuru va nyɛ kinizannu koo, bale pamazannu koo, serele bomazannu koo, wo nya, yé ka ’ka dan fɛkona ye lɛ é dɛrɛ lo.

Jérémi 44:12

Juda munu pɔnénu lé wo yara nɔla léé, ’wo go nyana lɛ Éjipiti tɛrɛ la, maa dan wo kulu ga lɛ. Wo dan ga lɛ Éjipiti tɛrɛ la gwɔun valé lɔrɔ nya, a péli sia né kiénénu ma fɔɔ yé é bɔ mi kwanu ma; wo dan zamaga wo lɛ gwɔun valé lɔrɔ nya; yé wo dan kɛlɛ lɛ dunuzénmitazannu koo, munu gi nyɛkinizannu koo, bale pamazannu koo, serele bomazannu koo, wo nya.

Jérémi 48:27

Izraɛl ’ka kɛlɛ lɛ yérisiémazan nya i yuɛ gi loo? Wo bɔ a ma kyeenwozannu va, amalé dé i a alé we fena, ’té i ’wuo nyɔɔn‐aan?

Jérémi 49:13

Naa, Gakelebale léma: Maa anbozen ’nyɔɔn, léé, Bozra é dan kɛlɛ lɛ guru zana a gizan valé serelebomazan nya; wo dan a sɛrɛ lɛ tata yé wo bale pa a ma. Alé flanu é dan kɛlɛ lɛ é ’bin nya, ’té ’bɛ glɛ ’ka lo.

Jérémi 49:17

Édom é dan kɛlɛ lɛ guru zana a gizan nya; munu faa lé wo dan gié lɛ a sɔnɔ wo gi é dan vuru lɛ yé wo dan ’furu fɛn lɛ we faa lé é bɔ a ma, a we ma.

Jérémi 50:13

Gakelebale bli flile we ma, mi ’ka dan kɛlɛ lɛ ana é dɛrɛ lo. É dan kɛlɛ lɛ fɛna pla nya é wo. Munu faa lé wo dan gié lɛ Babilɔn sɔnɔ, wo gi é dan vuru lɛ wo ma, yé wo dan ’furu fɛn lɛ we faa lé é bɔ a ma, a we ma.

Jérémi 51:37

Babilɔn é dan kɛlɛ lɛ é ’bin nya, gwenu yiina nya, fɛ sɛrɛle valé we nanamafɛ nya; mi ’ka dan kɛlɛ lɛ ana é dɛrɛ lo.

Jérémi 51:43

Alé flanu guru zana a gi; alé tɛrɛ kɛlɛ bwi nya. Mi do kpen ’ka nyanaan ana lo, yé mi do ’ka giéan ana lo.

Jérémi 9:11

Maa dan Jérusalɛm kɛlɛ lɛ é ’bin nya, gwenu yiina nya, Yé maa dan Juda tɛrɛ la flanu kɛlɛ lɛ bwi nya, ’té mi do kpen ’ka ana lo.

Jérémi Lé Wuvɔ Sɛbɛ 1:12

Maa a wefena ka lɛ, ka faa lé ka ke giéna ’ko, ka lɛ. ’Ka nagini, ’ka ye, nyané lé maa a blena ’ko, ’Bɛ zoɛ nyanéblele bɛ aa? Gakelebale bli fli baba yi nya é kle pa an ta.

Ézékiɛl 12:19

Bé fe ana tɛrɛlamunu lɛ léma: Jérusalɛm munu lé wo ke Izraɛl tɛrɛ la, Mizan Gakelebale wo mawe fe léma: Wo dan wolé fɛ ble lɛ wo zuru va nyɛ kinile nya, yé wo dan wolé ’yi mini lɛ di kinile nya wo gi. Naa, fɛnu faa lé é ke wolé tɛrɛ la, wo dan a faa si lɛ ana munu lé glawe kɛlɛle we ma.

Ézékiɛl 27:36

Munu va yaawozannu ’furu fɛn i ma. I sɛrɛ tata; i bɛ ’ka dan kɛlɛ lɛ é dɛrɛ lo.

Ézékiɛl 36:3

Amalé ’i balelawe fe léma: Mizan Gakelebale léma: Iin, naa, é sɔ munu lɛ bɛ faa ma léé, wo ka sɛrɛ yé wo ka mini, ka kɛlɛle bɛn bɛnu zé nya we gi, yé wo ka glewo yé wo gɔné vɔ ka ma.

Ézékiɛl 6:14

Maa dan an bɛ kɛlɛ lɛ wo ma; fɛ faa lé wo nyanaan ana, maa dan ana tɛrɛ kɛlɛ lɛ é ’bin nya, ’té a guru a é zanale a gi é mini Dibla bwi ta, yé wo dan a gi dɔɔ lɛ léé, maa lé ke Gakelebale nya.

Lévinu 26:32

Maa dan tɛrɛ sɛrɛ lɛ tata, yé ka nyanézannu lé wo dan nyana lɛ ana, wo ’léé é dan ma lɛ wo ma.

Lévinu 26:43

Wo dan si lɛ wolé tɛrɛ la, yé bléyian va lé wolé tɛrɛ ke é sɛrɛle, ’té wa baa, é dan élé flinyinu kɛlɛ lɛ; wo lɔlu plɛn anlé gɔnɔlawenu ma, yé wo boen serele bo anlé bélidɔwenu ma, amalé wo dan wolé weplenu banwo lɛ.

Misé 6:16

Ka a Omri kɛlɛwe kɛlɛna, yé ka a we kɛlɛna Akab lé munu kɛlɛwe yɛrama, yé ka tawoo wolé wepladére yɛrama; amalé maa dan ka pa lɛ fɛsɛrɛzannu lee; maa dan bii fla tamunu kɛlɛ lɛ yérisiémazannu nya, yé yaragyɛwe lé anlé munu a kɛlɛ, é dan bɔ lɛ wo ma.

Matio 27:39

Giémunu a sɔnɔ, ’té woo ’wuo nyɔɔn‐an yé wo léé:

Maak 15:29

Giémunu a sɔnɔ, ’té woo ’wuo nyɔɔn‐an a fele nya léé: Éé! Biian i Balebangikɔn sɛra, yé bé dɔa é ziin yi yaa nya,

Bélidɔwesɛbɛ Fiézan 28:59

Gakelebale é dan ka valé ka kulunu bla lɛ mi gi?-?vurugyɛ blɛn lé é ’ka nyaan é pu lo, é valé mayaagyɛ plɛplɛ lé é ’ka nyaan é pu lo, wo nya.

Bélidɔwesɛbɛ Fiézan 29:23

tɛrɛ ’ko lé é ke wɛtɛrɛ valé poovun tɛrɛ valé kyɛbletɛrɛ tanale nya, ’té fɛwɔlɛ valé féifɛ ’ka ana lo, ’té lu ’ka bɔraan ana lo, bélé Sɔdɔm koo, Gɔmɔɔ koo, Adima koo, Séboim koo, woo lé Gakelebale wo sɛrɛ élé bliflile valé é wɛwɛ blɛn nya bɛ, wo zo, dé wo ’bɛ ye,