Jérémi 18:15 - Kazambale lé Sebe Sauunu 1979

¹⁵ Naa, alé munu gi éé saan an ma, woo lasikɔrɔpo kyɛ blé miyilinu lɛ, ’Té woo tawoo zi saanlenu ta, ’té woo sié zi kwanu ta, Yé woo goo zi bɛnu ta, zinu lé wo ’ka tegele lo, wo ta.

Jérémi 18:15 ပူးပေါင်းရင်းမြစ်များ

Néémi 9:17

Wo sɔn vɔ i lɛdɔmale ma, yé givuruwenu lé bé kɛlɛ wo lɛ, wo gi san wo ma. Wo ’wo bɔrɔ vɔɔ i nwiin, yé wolé nwale i ma gi, wo mi do dɔ wo nwiinzan nya, léé, ’wo go ’wolé luu gi é ziin. Naa, bii a Bale lé a ma ke é ’lɛrɛle mi ma we vole we ma, a nya; bii a mimawedɔɔzan valé nyanaizénzan nya. I bli ’ka flian é kele lo, ilé zin glɛ ’ka lo, yé i ’ka sɔn vɔ lɛ wo ma lo.

Ézai 3:12

Nénu éé yaan anlé munu ta yé lomu a é plale wo nwiin. Anlé munu, kalé zigɔɔnzannu a ka saanna, yé zi lé ka ke tawona a ta, wa sɛrɛna.

Ézai 41:29

Ka ye, wo faa a é boa, Wo kɛlɛwe ’ka lo, Wolé miyilinu a bélé fu zo é pla.

Ézai 57:14

Wo dan a fe lɛ léé: ’Ka zi ma’lɛrɛoo, ’ka zi ma’lɛrɛ yɔrɔyɔrɔ! ’Ka fɛ polunu si anlé munu ’lɛ zia.

Ézai 62:10

’Ka giéoo, ’ka gié flagɔrɔ ’léé! ’Ka zi ma’lɛrɛ munu lɛ. Ka zi ta kɛlɛoo kɛlɛ! ’Ka gɔlɛnu si zi ta. ’Ka drapo nwa munu vazia.

Ézai 9:16

Bɛwemalé Mizan gi ’ka nanaan wolé pɛniɛnu ma lo, yé a nyanai ’ka zén‐é wolé ti valé bugalazannu valé wolé gyɛzaralomu ta lo. Naa, wo faa a Bale lé zi ma wenyanéfezannu valé mi naanénu nya, yé weple éé bɔraan wo faa ’léé. Dé ’bɛ faa bɔoo, ’bɛ ’ka alé bliflile ta zanaan lo, ’té a bɛ a wo gyɛn gi duowo.

Jérémi 1:16

Maa dan Juda munu lé we ble lɛ wo kɛlɛwe plenu lé we ma. Wo sɔn vɔ an ma yé wo lasikɔrɔpo kyɛ ble bale bɛnu lɛ, yé wo ’wo ’wuo tua ’wo bɛ kɛlɛfɛnu lɛ, azama.

Jérémi 10:15

Wa fɛnu lé wo ’ka we do nyian wo mi ma lo, wo nya; wa dabli panyanama nya; Dé we lɛdɔ mi gi yi bɔ, wozé é dan nyaa lɛ.

Jérémi 11:12

Juda tɛrɛ la flamunu valé Jérusalɛm munu é dan go lɛ bale bɛnu lé woo lasikɔrɔpo kyɛ blé wo lɛ, wo zuo, naa, dé we tɔntɔn bɔ wo ma yian nya, ’bɛ yi nya ’bɛnu ’ka dan wo si lɛ we gi lo.

Jérémi 11:13

Oo Juda munu, kalé flanu ’léé a kiɛre fɛan zo, a zo lé kalé balenu ’léé ke. Yé Jérusalɛm zinu ’léé a fɛan zo, a zo lé ka miyilinu bannanu kɛlɛ, yé ka lasikɔrɔ kyɛblenanu kɛlɛ Baal lɛ.

Jérémi 11:17

Lai sunyanu lé Gakelebale lé é i suru, yee ɛ we tɔntɔn laa i ma, Izraɛl munu valé Juda munu lé we lɛrɛlɛrɛ kɛlɛle we ma; wo an blifliwe kɛlɛ lasikɔrɔpo kyɛblele nya Baal lɛ, azama.

Jérémi 13:25

Maa i kɛlɛwe dan; izé ma ban lo; i gi san an ma, yé i pa vié ta, azama. A zo lé Gakelebale a fe.

Jérémi 16:19

Gakelebale, anlé plɛplɛ, an tɛngizan, bii a an yɔɔna nya klebleyi nya. Bɛnnu é dan si lɛ tɛrɛ glɛ sina yé wo da i va, yé wo dan a fe lɛ léé: Viéfɛnu saa lé ko tranu a ye tɔnɔfɛ nya, yee valé miyili boanu lé wo tɔnɔ ’ka lo, wo nya.

Jérémi 17:13

Gakelebaleoo, Bale, Izraɛl munu bli a bii ɛ lɛ. Munu faa lé wo sɔn vɔ i ma, yaragyɛwe é dan bɔ lɛ wo ma. Munu lé wo nwun zi dɔ an ta, wo dan wo tɔ gyɛ lɛ tɛrɛ va. Naa, maa Gakelebale lé an ke mi vo é yuɛma ’yi’wuo nya, wo sɔn vɔ an ma, azama.

Jérémi 18:14

Liban tɛrɛla glasépun ’yi éé boo gɔlɛgɔ grɔgrɔnu nwiin? Taa, ’yinu lé woo sié baa, ’té wa drɔɔdrɔɔ, ’té woo yoroan, wa ye léé, woo béliéé?

Jérémi 19:5

yé wo gɔ nwiin yobannanu dɔ Baal zé nya, léé, wo ’wolé nénu kyɛ ble Baal lɛ ana, ’té maa ’ka wo béli dɔ lɛ ’bɛ nya lo, yé maa ’ka ’bɛ zoɛ we fe lɛ wo lɛ lo, yé maa ’ka bɔn‐in bɔrɔ lɛ ’bɛ ma monomono lo.

Jérémi 2:13

Naa, anlé munu wenyané gɔnɔ fié kɛlɛ: Maa lé, an ke bélé ’yi’wuo lé éé mi voo é yuɛma, a zo, wo an vo Yé ’yigurunu lé ’yi ’ka voo wo gi lo, wa bo wozé nya.

Jérémi 2:19

Kalé we lɛrɛlɛrɛnu kɛlɛle valé kalé yuɛgiblanlenu é dan we lɛdɔ lɛ ka gi, Yé ka dan a ye lɛ yé ka dan a gi dɔɔ lɛ léé, Gakelebale kalé Bale vole, ’té a kana do kpen ’ka zén‐é ka gi lo, ’Bɛ a wenaané valé we lɛrɛlɛrɛ nya. Maa, Mizan, lagi sunyanu lé Gakelebale ɛ ke a fena.

Jérémi 2:32

Blɛnné gi éé saan é ’lɛrɛfɛnu maa? Bosizan gi éé saan élé fɛwezan maa? Naa, anlé munu gi san an ma yi kiɛre boen nya.

Jérémi 3:21

Munu dére a wena fɛna lorunu na, Izraɛlnu lé wuvɔdére valé wolé dunuvɔmadére lé; Naa, wo ’wolé zi sɛrɛ, Yé Gakelebale, wolé Bale sele saan wo gi.

Jérémi 44:25

Lai sunyanu lé Gakelebale, Izraɛl lé Bale léma: Ka valé ka nanu, we lé é bɔra ka ’léé, ka kɛlɛ. Ka léé, balekundére lé ’wa fe, ’wo dan a lɛ sɔɔ lɛ; ’wo dan lasikɔrɔpo kyɛ ble lɛ lagi fuale lɛ yé ’wo dan ’yi zana lɛ a lɛ. Yé sin, ka kalé balekundére lɛ sɔɔ, yé we lé ka fe, ka kɛlɛ.

Jérémi 51:18

Wa fɛnu lé wo ’ka we do nyian wo mi ma lo, wo nya; wa dabli panyanama nya; Dé we lɛdɔ mi gi yi bɔ, wozé é dan nyaa lɛ.

Jérémi 6:16

Gakelebale léma: ’Ka dɔ zinu ta, ’ka a nagini yé ’ka a ma laa léé: Zi kyɛnnu ɛ ke zi kwanu nyaa? Zi kyɛn ɛ ke zi zin nyaa? ’Ka tawo a ’léé yé ka dan flinle ye lɛ kabozen zé nya. Naa, wa zi pa léé: Ko ’ka dan tawo lɛ a ’léé lo.

Jérémi 7:9

Mɛ ɛ kɛlɛɛ? Ka kyeen woo, ka mi gya, ka mi bɛ na valé mi bɛ zana ginian, ka bale ’nyɔɔn‐an vié nya, ka lasikɔrɔpo kyɛ blé Baal lɛ, ka goo bale bɛnu lé ka ’ka wo dɔɔa lo, wo zuo.

Ézékiɛl 21:15

Mi gyɛle lé we ma lé wa ’lɛ vɔ; a ta bile nyananyana lé we ma lé wa ta so. Ko gi é dan nana lɛɛ? An be lé plaminwiinyili éé serele boo yili faa ma.

Ézékiɛl 36:15

Maa ’ka dan a nyi si lɛ léé, i bɛn bɛnu lé sɔnɔdére ’ma é dɛrɛ lo, yé munu ’ka dan serele bo lɛ i ma é dɛrɛ lo; i ’ka dan ibo bɛngɔnɔ sɛrɛ lɛ é dɛrɛ lo. A zo lé Mizan Gakelebale a fe.

OZÉ (Osée) 11:2

Dé maa wo laaoo, ’té wo yara a wo ’lɛ mi; Wo Baalnu ban Yé wo lasikɔrɔpo kyɛ ble yonu lɛ.

OZÉ (Osée) 2:13

Alé ginanawe kɛlɛle faa koo, alé fɛtinu lé we koo, alé moné dɛrɛ lé we koo, alé flinyi valé alé zénle ékeva plɛplɛnu koo, maa dan a faa yi ga lɛ.

OZÉ (Osée) 2:6

Alé nénu a bwɛ la nénu nya, amalé maa ’ka dan nyanai zén lɛ wo ta é dɛrɛ lo.

Malasi 2:8

Naa, ’kaa, kabozen zi saan; ka bélidɔwe kɛlɛ mi kiɛre saanfɛ nya, yé gipawe lé maa kɛlɛ Lévi va, yé ka sɛrɛ. A zo lé lai sunyanu lé Gakelebale a fe.

Matio 15:6

Amalé ka Kazambale dére kɛlɛ we pla nya gɔnɔlawe lé ka dɔ bɛ, alé we ma.

Rom munu 14:21

Dé é a wi blele nyaoo, dé é a nwɛ minile nyaoo, dé weowean éé bɔaléé, é i bwe saan, a nyaoo, é a é zima léé, té i wo do kpen kɛlɛ lo.

Bélidɔwesɛbɛ Fiézan 32:21

Wo anlé maawole nwa fɛnu lé wo ’ka bale nya lo, wo nya, Yé wo an bli fli wolé miyili planu nya; Yé maa, maa dan wolé maawole nwa lɛ, munu lé wo ’ka mi nya lo, wo nya, Yé maa dan wo bli fli lɛ, bɛn lé é ke ’tugyɛbɛn nya, a nya.