Jérémi 17:4 - Kazambale lé Sebe Sauunu 1979

⁴ Ka pagi lé we ma lé tɔnɔ lé maa a nɔ ka lɛ bɛ, é dan san lɛ ka lee. Ka dan kɛlɛ lɛ ka nyanézannu wuozannu nya, tɛrɛ lé ka ’ka ana dɔɔa lo, ana. Naa, ka anlé bliflile nwa bélé kyɛ zo, amalé an bli flile ’ka dan nyaa lɛ lo.

Jérémi 17:4 ပူးပေါင်းရင်းမြစ်များ

1 Minwiinzannu 9:7

maa dan Izraɛl si lɛ tɛrɛ lé maa a nɔ a lɛ, a ta; kɔn lé maa an tɔ pa a ma, maa dan a si lɛ an yuɛi, yé Izraɛl é dan kɛlɛ lɛ yérisiémazannu valé gɔnévɔmazannu nya bɛnnu faa va.

2 Minwiinzannu 25:21

Babilɔn nwiinzan wo gyɛ yé wo ga Ribla, Amat tɛrɛ la.

Néémi 9:28

Dé wo flinle ye, wo kun wenaané kɛlɛle ma i yuɛ gi é ziin. Yé i wo pa wo nyanézannu lee, ’té ’bɛnu éé plaan wo nwiin. Naa, wo siaa i lɛ é ziin, yé bii, i wolé siaalenu ’ma la gi loru, yé ilé nyanai zénle blɛn gi i wo si we gi gɔnɔ kiɛre.

Ézai 14:3

Dé Gakelebale flinle nɔ ka lɛ ka wɔlɛi nyaale ka ma valé kalé kleblele zuo, kalé luu gi nyanéblele zuo,

Ézai 30:33

Maa miyilibanna ma’lɛrɛ ana mɔn Tofɛt; a ma a é ’lɛrɛle Asirinu nwiinzan lé we ma. A guru a, yé a laala a blɛn yé maa kyɛ zén yee miyilibanna ta di; maa, Gakelebale, maa dan kyɛ vɔ lɛ a ’léé an flin fu nya bélé povun kyɛ blɛn zo.

Ézai 5:25

Bɛwemalé Gakelebale bli fli élé munu ma; é bɛ nwa léé, ’é wo bla. Gɔblɛnnu ma nyɔɔn; migalenu a bélé bli zo zinu ta. Dé é kɛlɛ ’bɛ zo‐oo, a bli ’ka dɔralaan lo, ’té a bɛ a wo gyɛn gi duowo.

Ézai 50:11

Ka faa lé ka kyɛ bi, ’Té sonakyɛ a ka lee, ’Ka tawo kalé kyɛnɛnɛ valé kalé sonakyɛ san va, An dan we bɔ lɛ ka ma, Ka dan yia lɛ kleblele nya.

Ézai 66:24

Yé dé wo bɔra, munu lé wo nwa an ma, wo dan wo galenu ye lɛ; naa, wo ziri ’ka gaan pelo, yé wo kyɛ ’ka dan diri lɛ pelo, yé wo dan kɛlɛ lɛ mi faa tadanmafɛ nya.

Jérémi 12:7

An sɔn vɔ anlé kɔn ma. An daan anlé tɔnɔfɛnu ma. Maa an sɔlɛzan bɔra é nyanézannu lɛ.

Jérémi 15:14

Maa dan ka valé ka nyanézan pa lɛ zia tɛrɛ lé ka ’ka a dɔɔa lo, a ta, naa, anlé bliflile a bélé kyɛ lé wa bi, a zo; é nwa ka ma.

Jérémi 16:13

Maa dan ka si lɛ tɛrɛ ’ko la yé an go ka nya tɛrɛ lé ka valé ka tranu ’ka a dɔɔ lɛ lo, a ta, yé ka dan bale bɛnu bɔ lɛ ’bɛna é bladi nyanadi, naa, maa ’ka dan zin kɛlɛ lɛ ka lɛ é ziin lo.

Jérémi 18:23

Yé bii Gakelebale, an mawe faa lé wa blé léé, ’wo an gyɛ, bé gi dɔɔ. Té i wo ma we vo wolé weplenu ma lo; té wolé wenyané é saan i gi lo. ’I wo guru zana a gi i ’lɛ; ’i we kɛlɛ wo lɛ i bli flibléyi va.

Jérémi 2:14

Izraɛl munu a luunu lé wo wo lɔ, wo nyaa? taa, wo wo yaa luu gii? Naa, mɛmalé wo kinin gulizarafɛ nyaa?

Jérémi 21:12

David kulunu, Gakelebale léma: ’Ka we tegele kɛlɛ bladi, yé ’ka munu si vanu lee, dé an bli é da fli bélé kyɛ zo, ’té éé blé, ’té mi do ’ka bɔa a dirile lɛ lo, ka kɛlɛwe naanénu lé we ma.

Jérémi 22:28

Jékonia ’ko lé woo nyé yélié a ma, é a bɔ ple nyaa? É kɛlɛ bélé pooné go zoo? Mɛmalé wo wo vuli, yee valé é kulunu nya, tɛrɛ lé é ’ka ana dɔɔa lo, a taa?

Jérémi 5:19

Dé ka fe léé: Mɛmalé Gakelebale kolé Bale éé we ’ko faa kɛla ko lɛɛ? bé zi pa wo lɛ léé: Ka sɔn vɔa an ma fɛan zo yé ka bale bɛnu bɔ kalé tɛrɛ la, a zo duo lé ka dan pla lɛ bɛn bɛnu wuo, tɛrɛ lé é ’ka kazé nya lo, a ta.

Jérémi 5:29

Gakelebale léé: Maa ’ka dan we lɛdɔ lɛ wo gi we ’konu ma loo? Maa ’ka dan anzé lɛgi pa lɛ ’bɛ zo bɛn ma loo?

Jérémi 7:20

Amalé Mizan Gakelebale léma: Ka ye, blaminu koo, winu koo, féiyilinu koo, tɛrɛ tɔnɔnu koo, an bli é dan fli lɛ wo valé fɛkona ma, yé an wɛwɛ é dan dɔ lɛ wo ma. Wo kyɛ é dan ble lɛ yé é ’ka dan diri lɛ pelo.

Jérémi Lé Wuvɔ Sɛbɛ 1:12

Maa a wefena ka lɛ, ka faa lé ka ke giéna ’ko, ka lɛ. ’Ka nagini, ’ka ye, nyané lé maa a blena ’ko, ’Bɛ zoɛ nyanéblele bɛ aa? Gakelebale bli fli baba yi nya é kle pa an ta.

Jérémi Lé Wuvɔ Sɛbɛ 5:2

Ko zara kɛlɛ bɛnnu zé nya, Kolé kɔnnu kɛlɛ munu lé, ko ’ka wo dɔɔa lo, wozé nya.

Ézékiɛl 21:31

Mizan Gakelebale léma: Wo dan plaminwiin nɔɔn valé tɔkoro si lɛ i ’wuo ma. Wenu ta é dan vɔɔ lɛ. Fɛ lé é ke é zunle, wo dan a nwa lɛ, yé fɛ lé é ke é nwale, wo dan a zun lɛ.

Ézékiɛl 7:24

Munu lé wo bli nyané mini tɛrɛlamunu faa zé ta, maa dan da lɛ wo nya, léé, ’wo wolé kɔnnu si gla nya; maa dan mi plɛplɛnu lé boblɛn glɛ dɔ lɛ, yé wolé fɛna tinlenu sɔnné é dan sɛrɛ lɛ.

Bélidɔwesɛbɛ Fiézan 28:25

Gakelebale é dan zi nɔ lɛ ka nyanézannu lɛ léé, ’wo ka gyɛ; ka gozi é dan ye lɛ gulidanle wo va we ma, yé ka dazi ’ka dan ye lɛ lo; we lé é bɔ ka ma, é dan di kini lɛ tɛrɛ la bɛnnu faa gi.