Jérémi 17:27 - Kazambale lé Sebe Sauunu 1979

²⁷ Naa, dé maa ka béli dɔ léé, ’ka flinyi kɛlɛ yi nyané nya, té ka kɔné do kpen si a yi nya lo, té ka kɔné do kpen wɔra Jérusalɛm flinyi nya lo, naa, dé ka ’ka ka tɔné dɔ lɛ an lɛ lo, ’té maa dan kalé flagɔrɔ ’léé duolinu kyɛ vɔ lɛ, yé é dan Jérusalɛm lé fuakɔnnu kyɛ ble lɛ yé é ’ka dan diri lɛ pelo.

Jérémi 17:27 ပူးပေါင်းရင်းမြစ်များ

2 Minwiinzannu 22:17

Wo an vo, yé wo bale bɛnu ban lasikɔrɔ nya an bli flile wo bɛnu panyanama nya we gi, amalé an bli fli fɛkona ma, yé é ’ka dan dɔrala lɛ lo.

2 Minwiinzannu 25:9

Gakelebale lé kɔn koo, minwiinzan blɛn lé kɔn koo, Jérusalɛm lé kɔnnu faa koo, é wo kyɛ ble; dé kɔn‐an a we keoo, é wo kyɛ ble.

2 Minwiinmunu lé Wezuofe Sɛbɛ 36:19

Wo Bale lé kɔn kyɛ ble; wo Jérusalɛm gɔrɔ guru zana a gi, wo fuakɔnnu faa kyɛ ble, yé wo fɛwezannu faa sɛrɛ.

Lɛrɛvɔ Sɛbɛ 122:7

Mi ’é vo drɔɔ ilé gɔrɔ gi ma, Té we do kpen ’é kɛlɛ munu lɛ ilé fuakɔnnu gi lo ma.

Ézai 1:20

Naa, dé ka ’ka a nyi si lɛ lo, dé ka nwa an ma, ka dan ga lɛ gwɔun ’léé, maa Gakelebale ɛ fe, azama.

Ézai 1:31

Mi plɛplɛ é dan kɛlɛ lɛ bélé ’sapɛɛ zo, yé alé nyanama é dan kɛlɛ lɛ bélé kyɛ flɛnné zo. Wo fiénu kyɛ é dan ble lɛ ékeva yé a dirizan ’ka dan kɛlɛ lɛ ana lo.

Jérémi 17:24

Gakelebale léma: Dé ka tɔné dɔ an lɛ, dé ka ’ka wɔra lɛ fla ’ko la kɔné do kpen nya ka nwiin flinyi nya lo, dé ka flinyi ’ko ye kalé yi nyané nya, dé ka ’ka nyanama do kpen pa lɛ ’bɛ yi ’ko nya lo,

Jérémi 17:4

Ka pagi lé we ma lé tɔnɔ lé maa a nɔ ka lɛ bɛ, é dan san lɛ ka lee. Ka dan kɛlɛ lɛ ka nyanézannu wuozannu nya, tɛrɛ lé ka ’ka ana dɔɔa lo, ana. Naa, ka anlé bliflile nwa bélé kyɛ zo, amalé an bli flile ’ka dan nyaa lɛ lo.

Jérémi 18:1

Gakelebale we fe Jérémi lɛ léma:

Jérémi 21:12

David kulunu, Gakelebale léma: ’Ka we tegele kɛlɛ bladi, yé ’ka munu si vanu lee, dé an bli é da fli bélé kyɛ zo, ’té éé blé, ’té mi do ’ka bɔa a dirile lɛ lo, ka kɛlɛwe naanénu lé we ma.

Jérémi 21:14

Maa dan we lɛdɔ lɛ ka gi ka kɛlɛwe yɛrama. Maa dan kalé pɔrɔ kyɛ vɔ lɛ yé é dan a zi fɛnu faa ble lɛ. Maa Gakelebale ɛ ke a fena.

Jérémi 22:5

Naa, dé ka ’ka ka tɔné dɔa dére ’konu lɛ lo, maa anbozen ’nyɔɔn léé, kɔn ’ko, é dan kɛlɛ lɛ é ’bin nya.

Jérémi 32:29

Kaldé munu lé wo nwa fla ’ko ma, wo dan wɔra lɛ fla; wo dan a kyɛ vɔ lɛ, yé kyɛ é dan a ble lɛ, yee valé kɔnnu lé wo lasikɔrɔ kyɛ ble Baal lɛ wo nwiin, ’té woo baleban’yi zanaan ana bale bɛnu lɛ an bli flile we ma bɛ, wo nya.

Jérémi 39:8

Kaldé munu minwiinzan blɛn lé kɔn kyɛ ble, yee valé munu lé kɔnnu nya, yé wo Jérusalɛm zi gɔrɔnu faa zana a gi.

Jérémi 44:16

We faa lé bé fe ko lɛ Gakelebale tɔ gi, ko ’ka dan i lɛdɔ lɛ a ma a gɔ do kpen gi lo.

Jérémi 49:27

Maa dan kyɛ vɔ lɛ Damas lé kɔnnu va, yé é dan Bɛn‐Adad lé fuakɔnnu kyɛ ble lɛ.

Jérémi 52:13

Gakelebale lé kɔn koo, minwiinzan blɛn lé kɔn koo, Jérusalɛm lé kɔnnu faa koo, é wo kyɛ ble; dé kɔn‐an a we keoo, é wo kyɛ ble.

Jérémi 6:17

Maa ka tabin sunyanu dɔ ka sɔnɔ; ’ka tɔné dɔ gulibéli dére lɛ. Naa, wa zi pa léé: Ko ’ka dan ko tɔné dɔ lɛ ’bɛ lɛ lo.

Jérémi 7:20

Amalé Mizan Gakelebale léma: Ka ye, blaminu koo, winu koo, féiyilinu koo, tɛrɛ tɔnɔnu koo, an bli é dan fli lɛ wo valé fɛkona ma, yé an wɛwɛ é dan dɔ lɛ wo ma. Wo kyɛ é dan ble lɛ yé é ’ka dan diri lɛ pelo.

Jérémi Lé Wuvɔ Sɛbɛ 2:6

É élé sɔkɔn zana a gi bélé zianféi sɛrɛle zo, É wolé zén‐ékemana sɛrɛ; Gakelebale a kɛlɛ, yé Siɔn munu gi san ’wolé fɛti valé ’wolé flinyinu ma, Yé alé bliflile baba zi, é sɔn vɔ minwiinzan blɛn valé Balebanzan ma.

Jérémi Lé Wuvɔ Sɛbɛ 4:11

Gakelebale élé bliflile nwɛɛn Siɔn munu ta, É kyɛ bi Siɔn, Yé kyɛ a gane vɔna ble. Sin, a wɛwɛ dɔle nyaa.

Ézékiɛl 16:41

Wo dan ilé kɔnnu kyɛ ble lɛ, yé wo dan ilé we ble lɛ lomu kiɛre kiɛre yuɛ va. ’Bɛ zo lé maa dan ilé pɛnpɛnné gyɛle yi ga lɛ, yé i ’ka dan gɔnénu tɔrɔ paa lɛ é dɛrɛ lo.

Ézékiɛl 21:15

Mi gyɛle lé we ma lé wa ’lɛ vɔ; a ta bile nyananyana lé we ma lé wa ta so. Ko gi é dan nana lɛɛ? An be lé plaminwiinyili éé serele boo yili faa ma.

Ézékiɛl 21:3

Bé fe yirinwana bɛyilazia pɔrɔ lɛ léma: ’I tɔné dɔ Gakelebale dére lɛ. Mizan Gakelebale léma: Maa dan i kyɛ vɔ lɛ yé yili drɔɔdrɔɔnu faa valé yili galenu faa, yee kyɛ ’ko é dan wo ble lɛ. Kyɛnɛnɛ blɛn ’ko ’ka dan diri lɛ pelo, yé fɛnu faa lé wo ke tɛrɛ yuɛ la é dan wo ble lɛ, é sia yirinwana bɛyilazia fɔɔ yé é bɔ yirinwana bɛbolazia.

Ézékiɛl 22:8

I serele boo anlé fɛna sauunnu ma, i anlé flinyinu sɛra.

Ézékiɛl 23:38

We lé wa kɛlɛ an lɛ é ziin, yee lé ke ’ko: Wo anlé fɛna sauun tiri dɔ yee yi duo nya, yé wo anlé flinyinu sɛrɛ.

OZÉ (Osée) 8:14

Izraɛlnu gi san ’wo Kɛlɛzan ma, yé wo fuakɔnnu dɔ. Juda élé fla plɛplɛ kɛlɛ di; naa, an dan wolé flanu kyɛ vɔ lɛ, yé wolé fuakɔnnu kyɛ é dan ble lɛ.

Amɔs 1:10

Maa dan kyɛ bi lɛ Tii gɔrɔ gi, yé é dan ana fuakɔnnu ble lɛ.

Amɔs 1:12

amalé maa dan kyɛ bi lɛ Téman tɛrɛ la yé é dan Bozra lé fuakɔnnu kyɛ ble lɛ.

Amɔs 1:14

Maa dan kyɛ bi lɛ Raba gɔrɔ gi, yé é dan alé fuakɔnnu ble lɛ, ’té gulidanmunu éé siaan gulidanyi nya, ’té barikoko éé giéan fu plɛplɛ giéyi nya.

Amɔs 1:4

Maa dan kyɛ bi lɛ Azaɛl lé kɔn gi, yé é dan Bɛn‐Adad lé fuakɔnnu kyɛ ble lɛ.

Amɔs 1:7

Maa dan kyɛ bi lɛ Gaza gɔrɔ gi, yé é dan ana fuakɔnnu ble lɛ.

Amɔs 2:2

Maa dan kyɛ bi lɛ Moab tɛrɛ la; é dan fuakɔnnu kyɛ ble lɛ Kérijɔt; yé Moab munu é dan zamaga wo lɛ, ’té fla bɔ a é gyɛle, ’té woo gulioo guli vɔa, ’té béli vun éé wé.

Bélidɔwesɛbɛ Fiézan 32:22

Wo kyɛ vɔ anlé bliflile ’léé, Yé é dan vo lɛ blena fɔɔ yé é bɔ migalenu nyanana wɔlɛ ma; É dan tɛrɛ valé étafɛnu ble lɛ, É dan gɔ pun faa ble lɛ.

Ébrunu 12:25

’Ka yuɛ pa kabozen va, mi lé ke we fena ka lɛ, té ka sɔn vɔ a dére ma lo. Munu lé wo sɔn vɔ Moizi lé é we fe wo lɛ tɛrɛ la ’ko, a dére ma, dé Bale we lɛdɔ wo gi ’naan, ’té kaa nii? Dé kaa sɔn vɔ mi lé é ke we fena lagi loru bɛ, ’bɛzan dére ma, Bale ’ka dan we lɛdɔ lɛ kaa gi loo?