Jérémi 17:16 - Kazambale lé Sebe Sauunu 1979

¹⁶ Yé maa, maa i lɛdɔ a ma. Maa ’ka sɔn vɔ lɛ an kɛlɛle Bale lé munu pazan nya ma lo; yé bé gi dɔɔ léé, maa ’ka a va léé, yi tɔntɔn é bɔ lo; wean é bɔra an ’léé, maa a fe gɔrɔ la.

Jérémi 17:16 ပူးပေါင်းရင်းမြစ်များ

Jérémi 12:3

Yé bii Gakelebale, i an dɔɔ, I an yé, an bli lé ke i lɛ bɛ, bé gi ginian. ’I wo si ana bélé ’blanu lé woo wo bɔrɔ bo, wo zo, Yé ’i wo tadɔ wo gyɛyi zé nya.

Jérémi 13:17

Dé ka ’ka ka tɔné dɔ lɛ an lɛ lo, Maa dan wuvɔ lɛ kyeen gi kalé boblɛn lé we ma. An yuɛyi é dan yoro lɛ, Wo go Gakelebale lé trubɛnu nya luu gi, azama.

Jérémi 15:15

Oo Gakelebale, i we faa dɔɔ, an sele ’é dɔ i gi ma; té i gi é san an ma lo ma; ’i anlé we lɛgi pa klepaantazannu ma ma. Dé i bli kɛlɛ tiéé wo ma, an dan ga lɛ. Wo serele bo an ma i tɔ lé we ma; we ’ko sele ’é dɔ i gi ma.

Jérémi 18:20

Woo wezin lɛgi paan wenaané nyaa? Naa, wo guru bo an lee anlé tɛrɛla nyaale we ma. An da i va, an dɔle wolé we gi we ma, yee valé i bli dɔralale wo ma we ma; we ’ko sele ’é dɔ i gi ma.

Jérémi 20:7

Gakelebale, i zɛ vɔ an ma yé maa nyi si, I an kun, i pla an nwiin; Yi faa do do ma, maa a wenanamazan nya, Munu faa an ma we nanaan.

Jérémi 20:9

Dé maa fe léé: Maa ’ka dan a tɔ bɔra lɛ an ’léé é dɛrɛ lo, Maa ’ka dan we fe lɛ a tɔ gi é dɛrɛ lo, Tɔɔn, fɛ do kɛlɛ an bli gi bélé kyɛ zo, ’Té éé yaan an wɔlɛnu gi. An kwa kuli léé, an pla ’bɛ nwiin, naa, an ’ka bɔalɛ lo.

Jérémi 9:1

Yiba! dé é kɛlɛ kɔɔn léé, an ’wuo a é fanle ’yi nya, Dé an yuɛ a kɔɔn ’yibɔna zo, ’Té maa dan anlé munu galenu wuvɔ lɛ, Bladi nyanadi.

Amɔs 5:10

Mi lé é we pla wo lɛ weblena, woo ’bɛzan za paan, yé mi lé éé we fé é boen ma, woo serele boo ’bɛzan ma.

Kelewenu 20:20

Ka a gi dɔɔ léé, wenu lé wo ka ma we nyian wo, an ’ka a gɔ do kpen yɔɔ lɛ ka ma lo. An we fe ka lɛ yé an we paa ka gi gɔrɔ la valé kɔnnu gi, té kana ’ka an gi lo,

2 Korɛnt Munu 1:12

Ko tɔzinfemawe lé ke ’ko: kolé wevasibli a kolé wenayezan nya léé, ka valé tɛrɛlamunu va, ko giébɛ a sauun valé wéiin Kazambale yuɛ gi. Ko ’ka gié lɛ ka méléna tɛrɛ la wedɔɔle nya lo; Kazambale lé zin nya lé ko gié.

2 Korɛnt Munu 2:17

Naa, ko ’ka Kazambale dére vɔɔan vié nya lo, bélé fɛan zo lé mi kiɛre a kɛla, a zo lo. Ko a Krist lé munu nya yé ko a fé tegele, Kazambale dére nya, Kazambale yuɛ va.

SEBE LÉ JAK A GYE (Épitre de Jacques) 1:19

An bwenu lé ka sɔ an lɛ, ’ka we ’ko dɔɔ ma; é a lé mi faa ’wo tɔné dɔ we lɛ é kele; té wo we zi pa é kele lo, té wo bli é fli é kele lo.

SEBE LÉ JAK A GYE (Épitre de Jacques) 3:1

An bwenu, té ka va mi kiɛre ’é kɛlɛ wepaamigizannu nya lo, naa, ka a gi dɔɔ léé, wo dan kolé we ble lɛ yara plɛplɛ nya.