Jérémi 17:13 - Kazambale lé Sebe Sauunu 1979

¹³ Gakelebaleoo, Bale, Izraɛl munu bli a bii ɛ lɛ. Munu faa lé wo sɔn vɔ i ma, yaragyɛwe é dan bɔ lɛ wo ma. Munu lé wo nwun zi dɔ an ta, wo dan wo tɔ gyɛ lɛ tɛrɛ va. Naa, maa Gakelebale lé an ke mi vo é yuɛma ’yi’wuo nya, wo sɔn vɔ an ma, azama.

Jérémi 17:13 ပူးပေါင်းရင်းမြစ်များ

Lɛrɛvɔ Sɛbɛ 22:4

Naa, i a sauun duowo, I nyanaan Izraɛlmunu lé i tɔzinfele méléna.

Lɛrɛvɔ Sɛbɛ 69:29

’I wo tɔ fwi mi bélilenu tɔgyɛla sɛbɛ gi ma, Yé té i wo tɔ gyɛ mi tegelenu tɔ va lo.

Lɛrɛvɔ Sɛbɛ 71:5

Naa, Mizan, Gakelebale, an bli a bii ɛ lɛ. An paan bii ɛ ta an boroné la bléyi va fɔɔ kyɔ.

Lɛrɛvɔ Sɛbɛ 73:27

Naa, bé ye, munu lé woo sié i ma baa, woo zamaga woo; Wo faa lé woo sié i va, i dan wo si lɛ ana tata.

Lɛrɛvɔ Sɛbɛ 97:7

Munu faa lé woo miyilinu bɔa, ’Té woo miyilinu tɔ bɔa, yara wo gyɛ. Balenu faa éé diaan a ’lɛ.

Wegɔnévɔlenu 10:7

Mi tegele sele dɔle mi gi éé mi drɔɔ voo, naa, mi nyanénu tɔ éé sɛra.

Wegɔnévɔlenu 14:14

Mi lé abo bli a saan, abo kɛlɛwenu a ginanama, naa, mi zin giwe ’é ginanama.

Ézai 1:28

Naa, nwamimazannu valé wenyanékɛlɛmunu, wo faa é dan sɛrɛ lɛ tata, yé munu lé wo sɔn vɔ Gakelebale ma, wo dan zamaga wo lɛ.

Ézai 66:5

Ka lé ka kanaan Gakelebale dére lee, ’ka tɔné dɔ a dére lɛ. Ka bwenu lé woo ka za paan, ’té woo ka nyunuan an tɔ lé we ma, wo léma: Gakelebale ’élé fua nagɔɔn ma, ye ko kalé ginanale ye ma. Naa, wo gi é dan blin lɛ wo ma.

Jérémi 14:8

Bii lé, Izraɛl munu bli ke i lɛ, léé, I a wo siéwegizan nya wolé kleblebléyi va, Mɛmalé i a kɛlɛna bélé bɛn zo tɛrɛ ’ko taa? Bélé giézan lé é yii do kpen yé é go, a zoo?

Jérémi 17:17

Té i kana vɔ an gi lo; bii ɛ ke an yɔɔna nya we tɔntɔn bɔyi nya.

Jérémi 17:18

Munu lé woo nyané paan an ta yaragyɛwe ’é bɔ wo ma ma. Té yarawe é bɔ an ma lo ma. Wo ma ’é nyɔɔn ma, naa, té an ma é nyɔɔn lo ma. ’I we tɔntɔn bɔ wo ma ma. ’I dunuzénmitawe bɔ wo ma fié ma.

Jérémi 17:5

Gakelebale we fe yé é léma: Mian éé paan blami ta, ’Té éé mi kɛla é tɛngizan nya, ’Té éé bli sié Gakelebale lɛ, ’wo bale pa ’bɛzan ma.

Jérémi 19:4

Wo sɔn vɔ an ma; wo fɛkona sɔnné sɛrɛ; wo lasikɔrɔpo kyɛ ble bale bɛnu lɛ ana, balenu lé wo koo, wo tranu koo, Juda nwiinzan blɛnnu koo, wo ’ka wo dɔɔ lɛ é kyɛn lo, wo lɛ, yé wo weanwiinlozannu kiɛre nyɛ zana fɛkona;

Jérémi 2:13

Naa, anlé munu wenyané gɔnɔ fié kɛlɛ: Maa lé, an ke bélé ’yi’wuo lé éé mi voo é yuɛma, a zo, wo an vo Yé ’yigurunu lé ’yi ’ka voo wo gi lo, wa bo wozé nya.

Jérémi 2:17

Bléyian va lé Gakelebale kalé Bale a gona ka nya zi zima ta, Ka sɔn vɔ a ma, amalé we ’ko bɔ ka ma. Azoan é ke loo?

Jérémi 50:7

Munu faa lé ’bɛnu éé bɔa wo ma, ’bɛnu éé wo blé, yé wo nyanézannu léma: Ko nwiinwe kaan lo; Gakelebale lé é ke we tegele punsina nya, wo wenyané kɛlɛ a ma. Gakelebale lé wo tranu bli ke a lɛ, wo wenyané kɛlɛ a ma, azama.

Ézékiɛl 13:9

Balelayemunu lé wolé yuɛziwenu ke é pla, ’té wolé wefele a vié nya, maa dan an bɛ kɛlɛ lɛ wo ma; wo ’ka dan kɛlɛ lɛ anlé zén‐ékevamunu vazannu nya pelo. Wo ’ka dan wo tɔ gyɛ lɛ é dɛrɛ Izraɛlnu tɔgyɛlasɛbɛ gi lo, yé wo ’ka dan go lɛ Izraɛl tɛrɛ la é dɛrɛ lo, yé ka dan a gi dɔɔ lɛ léé, maa ɛ ke Mizan Gakelebale nya.

Ézékiɛl 16:63

léé, we kyɛn sele ’é dɔ i gi yé ’é i gyɛ yara nya, yé té i we zi pa é dɛrɛ lo, yé yara i kua, bléyian va lé maa i ma we vo i kɛlɛwenu faa ma, ’bɛ bléyi va. A zo lé Mizan Gakelebale a fe.

Ézékiɛl 36:32

Mizan Gakelebale léma: Maa ’ka we ’ko kɛlɛna kalé we ma lo; ka we ’ko dɔɔ ma. Izraɛl munu, yara ’é ka gyɛ ma, yé ka yuɛ ’é tana kalé tawobɛ lé we ma ma.

Daniɛl 12:2

Munu lé wo ke yiɛna vun gi, wo va mi kiɛre é dan vuo lɛ, vole é yuɛma lé a glɛ ’ka lo, é dan kɛlɛ lɛ wo va mi kenu zé nya; serelebole valé yaragyɛwe lé é ’ka nyaan lo, é dan kɛlɛ lɛ wo va mi kenu zé nya.

Joɛl 3:16

Gakelebale dére a wena Siɔn bélé golizra zo, ’Té éé wé Jérusalɛm. Tɛrɛ valé la ma éé nyɔɔn‐an, Naa, Gakelebale a élé munu yɔɔna nya, É a Izraɛlnu vɔzizan nya.

Zakari 13:1

’Bɛ yi la, ’yi’wuo do é dan fɔn lɛ David lé munu valé Jérusalɛm munu zé nya, wenyané valé mi tiridɔwenu lé we ma.

Zakari 9:12

’Kaa luugimunu lé ka bli ke we lɛ, ’ka go kɔn plɛplɛ gi ka pa gi. Maa fe ka lɛ kyɔ é ziin, Maa dan a lɛgi kɛlɛ lɛ ka lɛ gɔnɔ fié.

WENÉNÉ LÉ LUK A GYE (Évangile selon Luc) 10:20

Naa, té ka gi é nana léé, yonu a é plale ka wuo lo; naa, ka gi ’é nana léé, ka tɔ a é gyɛle la gi.

WENÉNÉ LE JAN A GYE (Évangile selon Jean) 4:10

Jézu lé a lɛ léé: Dé é vo léé i Kazambale lé blɛ dɔɔ, yé maa lé maa a fe i lɛ léé: ’I ’yi nɔ an lɛ maa a mini, dé é vo léé, i an dɔɔ kɔɔn, ’té biibozen é dan mini’yi laa lɛ an lee, yé an dan mibéli’yi nɔ lɛ i lɛ.

WENÉNÉ LE JAN A GYE (Évangile selon Jean) 4:14

Naa, ’yi lé maa dan a nɔ lɛ munu lɛ, dé mian é ’bɛ ’yi mini, ’yiminilɔrɔ ’ka dan ’bɛzan gyɛ lɛ é dɛrɛ lo. Yé ’yi lé maa dan a nɔ lɛ ’bɛzan lɛ, é dan kinin lɛ ’yi’wuo nya a bɔn gi, yé é dan vo lɛ duunna fɔɔ yé é kɛlɛ munubélifɛ nya, yé wo vo é yuɛma ’té ’bɛ glɛ ’ka dɔa lo.

Kelewenu 28:20

Amalé maa ka laa, ’ka da yé an we fe ka lɛ. We lé Izraɛlnu bli ke a lɛ, yee we ma lé wo gɔgɔbale ’ko vɔ an ma.

1 Timoté 1:1

Bii Timoté lé i ke anbozen lé né nya Kazambale lé we gi, an we i va. Tibale valé Kaazan Jézu Krist ’wo zin kɛlɛ i lɛ ma, yé wo nyanai ’é zén i ta ma, yé ’wo i vo drɔɔ ma. Maa Pɔl ɛ ke sɛbɛ ’ko gyɛna i lɛ. Kaa Siéwegizan Bale valé Jézu Krist lé, ko bli ke a lɛ, wo dére ta lé an kɛlɛ Jézu Krist lé nwunvɔzan nya.

Wegɔɔnle 20:15

Munuan wo tɔ ’ka é gyɛle mibélilenu tɔgyɛlasɛbɛ gi lo, wo wo vuli yee kyɛ blɛn ’ko ɛ va.

Wegɔɔnle 21:6

É lé an lɛ léé: A kɛlɛle nyaa. Maa ɛ ke Alfa valé Oméga nya, we pélisiana valé we ’wuoplana nya. Mian ’yiminilɔrɔ ke a gyɛna, maa dan mivoéyuɛma ’yi’wuo?-?la’yi nɔ lɛ a lɛ é pla.

Wegɔɔnle 22:1

Yuu lé éé mi voo é yuɛma, ’té a yuɛ a sésé bélé vlinvlin wezan zo, ’té éé sié Kazambale valé ’Blané lé webleblin gi bɛ, lanje a gɔɔn an lɛ.

Wegɔɔnle 22:17

Yé Kazambale Léli valé bosizan léé: ’I da. Yé dé mianzan a ’ma, ’bɛzan ’é ’i da vɔ ma. Mian ’yiminilɔrɔ ke a gyɛna, ’é da ma; yé mian é sɔ a lɛ léé, ’é mivoéyuɛma ’yi si, ’bɛzan a si é pla ma.

Wegɔɔnle 7:17

Naa, ’Blané lé é ke webleblin guru la, é dan wo pa lɛ yé é go wo nya mivoéyuɛma ’yi’wuonu va, yé Kazambale é dan wo yuɛyi faa si lɛ.