Jérémi 17:11 - Kazambale lé Sebe Sauunu 1979

¹¹ Doo éé buaan nyɛné lé é ’ka a vɔ lɛ lo, a ta fɛan zo bɛ, A zo duo lé mi lé éé fua blé dabli nya, a zo lé alé we ke. Alé tɛrɛla é dan bɔi lɛ a ta yé é si wo zi, Yé é kɛlɛ ’tugyɛzan nya é voéla.

Jérémi 17:11 ပူးပေါင်းရင်းမြစ်များ

JOB (Job) 20:21

A bli blɛn zi, fɛ do kpen ’ka dan so lɛ a lee lo, Naa, alé tɛrɛla néné ’ka dan vo lɛ a ’léé lo.

Lɛrɛvɔ Sɛbɛ 49:13

Naa, mi lé wa tɔ bɔa, é ’ka mɔn‐o lo, É a bélé winu lé woo wo bɔrɔ boo, wo zo.

Lɛrɛvɔ Sɛbɛ 55:23

’Ilé we bɛ pa Gakelebale lee yé é dan bɔ lɛ i va, É ’ka dan mi tegele vo lɛ léé, é saan lo.

Wegɔnévɔlenu 13:11

Fuafɛnu lé wa yé dabli nya, wo ta éé goo zanale nya, naa, mi lé éé fɛ zun dɔa sɛné sɛné, a gi é dan gyɛ lɛ.

Wegɔnévɔlenu 15:27

Mi lé a bli ke blɛn, é ébo lé kɔn gi kyɛ dɔa, naa, mi lé éé blɛnu za paan, é dan vo lɛ é yuɛma.

Wegɔnévɔlenu 21:6

Fɛwezannu lé wa yé vié nɛnɛ nya, wa boafɛnu lé wo dan san lɛ, wo nya, yé ga a wo zuo é pu.

Wegɔnévɔlenu 23:5

Fɛ lé é dan san lɛ, é sɔ i lɛ léé, i yuɛ é go ’bɛ zuoo? Naa, fuafɛnu bɛa a, yé woo sié la gi zia bélé gola zo.

Wegɔnévɔlenu 28:16

Minwiinzan lé a ’wuo ’ka a ta lo, éé nyané pale mi ta lɛ sié, naa, mi lé éé fɛ kiɛre yele za paan, é élé tɛrɛla taa paan.

Wegɔnévɔlenu 28:20

Yarapawelazan drɔɔ vole gi éé gya, naa, mi lé a ta ke kelekele fuablele ma, we lɛdɔle a gi yi ’ka dan ga lɛ lo.

Wegɔnévɔlenu 28:22

Blibɔfɛmazan é ébo tunuan fuablele we gi, yé é ’ka gi dɔɔa léé, lɔrɔ é dan é gyɛ lɛ lo.

Wegɔnévɔlenu 28:8

Mi lé élé fɛnu gi gya tɔnɔ yele élé gɔɔli ma valé a pale a ma we ma, éé wo tééan mi lé a nyanai éé zén‐é nyanégyɛzannu ta, azé nya.

Jérémi 22:13

Mian é ’ka élé kɔn dɔa we tegele nya lo, Yé éé kɔnmi zinu paan weple kɛlɛle nya, ’Té é ’ka élé nyanamapazan banwo lo, ’Té é ka a gooli paan lo,

Jérémi 22:17

Naa, i yuɛnu valé i bli, Woo i vɔa fɛyelɔrɔ gi, Wo i kɛlɛ weanwiinlomunu nyɛ zanazan nya; Wo i kɛlɛ va nya, wo i kɛlɛ glawe kɛlɛzan nya; yee saa ma lé i yuɛ valé i bli bɔ.

Jérémi 6:13

Naa, é sia mi kiéné ma fɔɔ yé é bɔ mi kwa ma, fɛyelɔrɔ blɛn éé wo gya. É sia balelayezan ma fɔɔ yé é bɔ Balebanzan ma, wo faa kɛlɛ dablikɛlɛzannu nya.

Jérémi 8:10

Amalé maa dan wo nanu nɔ lɛ mi bɛnu lɛ yé maa dan wolé féinu nɔ lɛ munu lé ’bɛnu féinu si wo lee, ’bɛnu lɛ. Naa, é sia mi kiéné ma fɔɔ yé é bɔ mi kwa ma, fɛyelɔrɔ blɛn a wo ma. É sia balelayezan ma fɔɔ yé é bɔ Balebanzan ma, wo faa éé dabli kɛla.

Amɔs 3:10

Gakelebale léma: Wo ’ka wedrɔle kɛlɛle gi dɔɔa lo; fɛnu lé wa si gla valé ta plɛplɛ nya, woo wo tééan ’wolé fuakɔnnu gi.

Misé 2:9

Ka anlé munu va lomu bin‐é wo sɔlɛkɔnnu gi. Tɔbɔfɛ lé maa a nɔ wolé nénu lɛ, ka a sié wo lee tata.

Misé 7:3

Wo bɛla a kelekele wenaané kɛlɛle we ma; mi blɛnblɛnnu éé blɛfɛ laan gla nya, yé weblemunu éé we blé gɔɔli ma, yé mi blɛn élé bli blɛn nagɔɔn‐an. A zo lé wo ’wobo ma kwa kulian.

Sofoni 1:9

’Bɛ yi la, munu faa lé woo kɔnpa taboo fɔrɔle nya, maa dan we lɛdɔ lɛ wo gi, munu lé woo ’wozan lé kɔn faan dabliwe valé glawe nya bɛ, woo lé.

Zakari 5:4

Lai sunyanu lé Gakelebale léma: Maa a sɔɔlaan léé, ’é wɔra kyeenwozannu koo, wo lé woo an tɔ ’nyɔɔn‐an vié nya koo, wolé kɔn gi, yé é nyana ana, yé é kɔn ’ko ble é yili valé é gɔlɛnu nya.

Malasi 3:5

Maa dan bié lɛ ka sɔnɔ weblele we ma; zɔkɛlɛzan valé leginizannu koo, wo lé woo bale ’nyɔɔn‐an vié nya koo, munu lé wo ’ka nyanamapazan banwoo lo koo, wo lé woo yaan zanagalale valé bugalazan ta koo, wo lé woo weple kɛla bɛn lɛ, ’té wo ’ka kanaan an lee lo, maa dan wo ma we fe lɛ é kelekele. A zo lé lai sunyanu lé Gakelebale a fe.

Matio 23:13

Sɛbɛgifemunu valé Farizimunu, bodrɔzannu, ka gale nyɔ. Ka Kazambale lé fla zi lɛ tan munu lee; kabozen, ka ’ka wɔrana lo, yé munu lé é sɔ ’bɛnu lɛ léé, ’wo wɔra, ka ’ka ’bɛnu wɔrale ana nyi sié lo.

WENÉNÉ LÉ LUK A GYE (Évangile selon Luc) 12:20

Naa, Kazambale lé a lɛ léé: ’Tugyɛzan, kyɔ é béli ’ko, maa dan i laa lɛ; yé fɛnu lé i wo tadɔ bɛ, wo dan kɛlɛ lɛ de ɛ zé nyaa?

1 Timoté 6:9

Munu lé wo bli éé bɔa fuablele ma, wo dan wo gi dan lɛ, yé wo dan vɔ lɛ mikunsan ’léé, yé wo bli é dan bɔ lɛ ’wuosɛrɛwe kiɛre kiɛre valé misɛrɛ?-?we kiɛre kiɛre lé woo mi sɛra tata ’té woo goo mi nya mi sanlenu gona, wo ma.

Tite 1:11

É a lé i mi ’konu lɔlu ga. We lé é ’ka tegele lo, wa paana munu gi gɔɔli yele we ma, yé wa mi gɔnɔ kiɛre ’wuo sɛrɛna.

2 Piɛri 2:14

Wo yuɛ éé bɔa le faa ma; yé wenyané ’ka wo kaan lo; munu lé wo ’ka é dɔle gligli lo, wo ’bɛnu sian ana; bli bɔle gɔɔli ma baba wo bli kun; wa balepamazannu nya.

2 Piɛri 2:3

Wo bli bɔle gɔɔli ma lé we ma lé wo dan fɛ si lɛ ka lee dabli dérenu nya; kleblele lé wa lɛ kini wo lɛ é kyɛn, alé kyɛ a bɔn?-?bɔn gyɛna wo tɔ ma, yé misanlenu gona a wo lɛbɛnna bli pɛpɛ nya.