Jérémi 17:10 - Kazambale lé Sebe Sauunu 1979

¹⁰ Maa, Gakelebale, maa mi bli gi daan, maa mi gi kulian, Léé, an mi do do faa banwo wolé tawobɛ yɛrama, É valé wo panyanamanu yɛrama.

Jérémi 17:10 ပူးပေါင်းရင်းမြစ်များ

1 Minwiinzannu 8:39

’bé ’ma i nyanana lanu gi ma, yé ’i wo ma we vo ma; bii lé, i wo faa gibli dɔɔ, ’i we kɛlɛ wo lɛ wo giébɛ yɛrama ma, naa, bii do kpen ɛ blaminu faa gibli dɔɔ,

Minwiinzannu lé Wezuofe Sɛbɛ 28:9

Yé bii, an be Salomɔn, ’i i ti Bale dɔɔ ma, bé kun i bɛ fié nya, bélé nyanama pa i bli faa nya ma, naa, Gakelebale éé mi faa bli gi ginian fɔɔ yé é bɔ a wɔlɛ ma, yé é mibligiwe valé mi lé gibɔrɔlenu faa dɔɔ. Dé bé nagini, é dan zi nɔ lɛ i lɛ léé, i ’é ye; dé i sɔn vɔ a ma é dan sɔn vɔ lɛ i ma yifaama.

Minwiinzannu lé Wezuofe Sɛbɛ 29:17

Oo, anlé Bale, maa gi dɔɔ léé, i mi bli gi ginian yé we drɔle sɔ i lɛ; é ziin, maa blɛ drɔɔnu ’ko faa nɔ i lɛ an bli gi drɔle nya, yé maa ye léé, ilé munu lé wo ke ’ko, wo blɛ ’konu kɛlɛ i lɛ bli drɔɔ nya, yé ’bɛ an gi nana.

2 Minwiinmunu lé Wezuofe Sɛbɛ 6:30

’bé ’ma i nyanana lanu gi ma, yé ’i wo ma we vo ma; bii lé, i wo faa gibli dɔɔ, ’i we kɛlɛ wo lɛ wo giébɛ yɛrama ma, naa, bii do kpen ɛ blaminu gibli dɔɔ.

JOB (Job) 34:11

Éé we kɛla blami lɛ a kɛlɛwenu yɛrama, Éé mi faa do do banwo é giégane yɛrama.

Lɛrɛvɔ Sɛbɛ 44:21

Dé é a kɔɔn léé, ko gi san kolé Bale tɔ ma, Yé ko ko bɛ soi bɛn bɛnu lé bale vazia,

Lɛrɛvɔ Sɛbɛ 44:22

’Té Bale ’ka dan ’bɛ gi dɔɔ lɛ loo? Yeean é mi bligiwe yɔɔlenu dɔɔ, é ’ka dan a gi dɔɔ lɛ loo?

Lɛrɛvɔ Sɛbɛ 62:12

Bale we fe gɔnɔ do, Maa we ’ko ’ma gɔnɔ fié, Léé, plɛplɛ a Bale ɛ lee.

Lɛrɛvɔ Sɛbɛ 7:10

’I mi nyanénu lé wenaané kɛlɛle glɛ dɔ Yé ’i mi tegele dɔ gligli, Bale tegele, bii ɛ mi bli valé a giwe gi daan.

Lɛrɛvɔ Sɛbɛ 7:9

Gakelebale éé migɔnɔnu lé we blé; Gakelebaleoo, Bale, ’i we tegele kɛlɛ an lɛ Anlé we drɔle valé anlé we wéiin yɛrama.

Wegɔnévɔlenu 12:14

Mi ’léé dére ma lé é dan kan lɛ fɛ zin nya, yé mi do do éé fɛ yé é bɛ panyanama yɛrama.

Wegɔnévɔlenu 17:3

Fɛselebɔ a gɔɔlifu zé nya, yé bɔɔnwoli ’léé a kyan zé nya, naa, mi lé éé mi blinu gi daan, Gakelebale lé.

Bale Lé We Gifezan 9:3

Wenu lé wa kɛla tɛrɛ la, wo va wenaané do lé ke ’ko: yee lé ke léé, mi faa zé bɔ ékema; é ziin, blaminu bli a é fanle wenyané nya, yé ’tugyɛwe a wo bli gi wolé tɛrɛla bléyi faa va; ’bɛ zuo, yé wo go gamunu va. Naa, de ɛ ’ka go loo?

Ézai 59:18

É dan mi faa do do banwo lɛ wo kɛlɛwe yɛrama; é dan é mazannu banwo lɛ é wɛwɛ nya; é dan é nyanézannu banwo lɛ yee duo zo; é dan wɛyiworona tɛrɛ la munu banwo lɛ yee duo zo.

Jérémi 11:20

Naa, lai sunyanu lé Gakelebale lé é ke weblezan tegele nya, ’té éé mi bli valé mi giwe dɔɔan. Maa dan ilé we lɛgi pana ye lɛ wo ma, naa, anlé we bɛ paan bii ɛ lee.

Jérémi 12:13

Wo buruwɔlɛ zima vɔ féi yé wo lélinu gyɛ fɛgyɛbléyi va. Wo ’wo wɔlɛ gi nyaa wo ma é pla, ’té a tɔnɔ ’ka lo. Fɛ lé ka a gyɛ féi, Gakelebale lé bliflile blɛn zuo bɛ, Yara ’é ka gyɛ a ma ma.

Jérémi 20:12

Lai sunyanu lé Gakelebale éé mi tegele gi daan, Éé mi bli giwe valé a bɔn‐in bɔrɔlenu va ginian. Maa dan ilé we lɛgi pana ye lɛ wo ma, Naa, maa anlé we bɛ paan bii ɛ lee.

Jérémi 21:14

Maa dan we lɛdɔ lɛ ka gi ka kɛlɛwe yɛrama. Maa dan kalé pɔrɔ kyɛ vɔ lɛ yé é dan a zi fɛnu faa ble lɛ. Maa Gakelebale ɛ ke a fena.

Jérémi 23:2

Bɛwemalé, munu pazannu lé woo fɛblele no anlé munu lɛ, Gakelebale, Izraɛl lé Bale wo ma we fe léé: Ka anlé ’blanu fwila, ka wo bin; ka ’ka wo pa lɛ é zima lo, amalé maa dan we lɛdɔ lɛ ka gi kalé we lɛrɛlɛrɛ kɛlɛle we ma. Maa Gakelebale ɛ ke a fena.

Jérémi 32:19

I we plaan mi lɛ i zua, yé i a plɛplɛ we kɛlɛle gi; i yuɛ a é fuole blami kɛlɛwe yele we ma, léé, i wo faa do do banwo wolé tawobɛ yɛrama, wolé we kɛlɛbɛ yɛrama.

Ézékiɛl 11:5

Tɔɔn, Gakelebale Léli an kun, yé é lé an lɛ léé: Bé fe léma: Gakelebale léma: Izraɛl munu, ka we fé ’bɛ zoo? Yé we lé é dɔ ka ’wuo gi, maa a dɔɔ.

Ézékiɛl 14:5

yé Izraɛl munu faa lé wolé bli bɔle miyilinu ma wo si an ma baa bɛ, maa dan we lɛdɔ lɛ wo gi.

Misé 7:13

Tɛrɛ é dan sɛrɛ lɛ a tamunu koo, wo kɛlɛwenu koo, wolé we ma.

Matio 16:27

Maa blami Be, an dan da lɛ an Ti lé fua tɔbɔle nya, é valé alé lanjenu nya, yé maa dan mi faa gooli pa lɛ do do wo kɛlɛwenu yɛrama.

Matio 6:4

’I fɛ nɔ kyeen gi yé i Ti lé éé kyeengiwe yé, é dan i gooli pa lɛ.

Kelewenu 1:24

Yé wo bazoro léé: Mizambale, mi faa gi bli dɔɔzan, mi fié lé ko wo si ’ko, dé yeean sɔ i lɛ, bé gɔɔn ko lɛ,

Rom munu 6:21

’Bɛ bléyi va mɛ tɔnɔ ɛ ke ka maa? Tɔnɔ lé é ka gya yara nya sin, yee lé. Naa, we ’konu ’wuo éé plaan ga nya.

Rom munu 8:27

naa, Bale lé éé kaa blinu naginian, we lé a Léli ke a fena, éé a gi maan; Léli Sauun éé goo Kazambale lé munu lé muun nya Kazambale va, Kazambale lé blibɔmawe yɛrama, azama.

Wegɔɔnle 2:23

Maa dan alé nénu gyɛ lɛ; yé léglizinu faa é dan a gi dɔɔ lɛ léé, maa ɛ munu bli valé wo gibɔrɔle naginian, yé maa dan ka faa do do banwo lɛ ka kɛlɛwenu yɛrama.

Wegɔɔnle 20:12

Yé maa migalenu ye, mi blɛnnu valé mi planu, ’té wa é dɔle webleblin ’lɛ. Wo sɛbɛnu fuo. Yé wo sɛbɛ do fuo é ziin, ’bɛ ɛ ke mibélilenu tɔgyɛlasɛbɛ nya. Yé wo migalenu lé we ble ’wo kɛlɛwe yɛrama, wenuan wo ke é gyɛle sɛbɛ ’konu gi, a yɛrama.

Wegɔɔnle 22:12

Bé ye, an dale bɔ é pu, yé mi banwofɛnu a an lee, munu banwole we gi do do wo kɛlɛwenu yɛrama.

1 Samuɛl 16:7

Gakelebale lé Samuɛl lɛ léé: Dé é a gɔné dɔbɛ gioo, dé é a grɔgrɔoo, té i bɔn‐in bɔrɔ ’bɛ ma lo, naa, an sɔn vɔ a ma. We lé é dɔ mi gi, é ’ka Gakelebale gi ’bɛ zo lo; fɛ lé mi a yé é yuɛ nya, yee lé é a naginian, naa, Gakelebale éé mi bli ɛ naginian.