Jérémi 16:6 - Kazambale lé Sebe Sauunu 1979

⁶ Mi segelenu valé nunukénénénu é dan ga lɛ tɛrɛ ’ko la yé wo ’ka dan wo pa lɛ pelo; wo ’ka dan wo wuvɔ lɛ lo, wo ’ka dan pɔɔ gyɛ lɛ wo kɔlɛ ma lo, wo ’ka dan ’wo nwin bo lɛ wolé we ma lo.

Jérémi 16:6 ပူးပေါင်းရင်းမြစ်များ

2 Minwiinmunu lé Wezuofe Sɛbɛ 36:17

Yé Gakelebale Kaldé nwiinzan blɛn nwa wo ma yé ’bɛ wolé pɛniɛnu gyɛ gwɔun nya wolé Bale kɔn sauun gi. É ’ka mi do vo lɛ lo, dé é a gɔné boroné nyaoo, dé é a blɛn nyaoo, dé é a gɔné segele nyaoo, dé é a nwanabɔzan nyaoo, é wo faa pa a lee.

Ézai 22:12

Mizan, lai sunyanu lé Gakelebale é dan ka laa lɛ ’bɛ yi la, léé, ’ka wuvɔ, ’ka gɔlɛ gyɛ, ’ka nwin bo, ’ka bɔlɔ zén ka ta.

Ézai 24:2

Balebanzan zé é dan kɛlɛ lɛ bélé munu zé zo; minwiinzan zé é dan kɛlɛ lɛ bélé mi wuozan zé zo; minwiin le zé é dan kɛlɛ lɛ bélé mi lee le zé zo; fɛdanzan zé é dan kɛlɛ lɛ bélé fɛlɔzan zé zo; drɔnpamimazan zé é dan kɛlɛ lɛ bélé drɔngyɛzan zé zo; vɛɛnpamimazan zé é dan kɛlɛ lɛ bélé vɛɛnsizan zé zo.

Jérémi 13:13

Yé bé fe wo lɛ léma: Gakelebale léma: Ka ye, maa dan tɛrɛ ’ko la munu faa bɔn fan lɛ yee ɛ zo; minwiinzan blɛnnu lé woo nyanaan David lé webleblin ta koo, Balebanzannu koo, balelayemunu koo, Jérusalɛm munu faa koo, maa dan wo faa gyɛ lɛ dɔrɔ nya.

Jérémi 16:4

Gyɛ é dan wo gyɛ lɛ yé wo ga; wo ’ka dan wo wuvɔ lɛ lo, wo ’ka dan wo pa lɛ lo; wo dan kɛlɛ lɛ bélé wibo zo tɛrɛ la; wo dan zamaga wo lɛ gwɔun valé lɔrɔ nya, yé wo galenu é dan kɛlɛ lɛ lagi mianénu valé tɛrɛlawinu lé fɛblele nya.

Jérémi 41:5

mi yɔ ziɛn lé wo si Sisɛm koo, Silo koo, Samari koo, wona, wo da ana, ’té wo puomagun a é bole yé wolé sɔnu a é fiale, ’té wo kɔlɛ ma a é mianle. Wo da blannu valé lasikɔrɔpo nya a plale Gakelebale lé kɔn gi we ma.

Jérémi 47:5

Gaza munu wo dan ’wo nwin puiɛ lɛ gyɛbole nya, Azkalɔn munu é dan ’wo tadɔ lɛ tétété, mi pɔnénu lé woo nyanaan fɛna pɛblɛɛna, wo é ziin, I dan ibo ma mian lɛ yifaamaa?

Jérémi 48:37

Naa, wo nwin faa a é puiɛle; wo puoma gun faa a é bole; wo wo bɛnu faa ma mian, yé bɔlɔ a é dɔle wo gyɛn.

Jérémi 7:29

Jérusalɛm munu, ’ka ka nwin bɔi yé ’ka a vuli baa; ’Ka vɔ fɛna nwalenu na, yé ’ka wu lɛrɛ vɔ. Munu lé wo Gakelebale bli nwa, É sɔn vɔ wo ma yé é wo sié ma baa.

Lévinu 19:27

Té ka nwin bo koro ma lo; té ka puo ma gun ma gyɛ lo.

Lévinu 19:28

Té ka kɔlɛ ma mian migale lé we ma lo; té ka kɔlɛ ma nyɔɔ gyɛ lo. Maa a Gakelebale nya.

Amɔs 6:11

Naa, Gakelebale a fe léé: Maa dan kɔn blɛn guru zana lɛ a gi, yé maa dan kɔn kiéné kɛlɛ lɛ é ’bin nya.

Matio 9:23

Jézu bɔ aan wo bazorokɔn nwiinzan lé kɔn ’léé, é séénfɛnzannu valé siaamunu kiɛre ye,

Bélidɔwesɛbɛ Fiézan 14:1

Ka a Gakelebale, kalé Bale lé nénu nya. Té ka pɔɔ gyɛ ka kɔlɛ ma lo, té ka nwin puiyɛ ka bɛlo la mi gale lé we ma lo.

Wegɔɔnle 20:12

Yé maa migalenu ye, mi blɛnnu valé mi planu, ’té wa é dɔle webleblin ’lɛ. Wo sɛbɛnu fuo. Yé wo sɛbɛ do fuo é ziin, ’bɛ ɛ ke mibélilenu tɔgyɛlasɛbɛ nya. Yé wo migalenu lé we ble ’wo kɛlɛwe yɛrama, wenuan wo ke é gyɛle sɛbɛ ’konu gi, a yɛrama.

Wegɔɔnle 6:15

Tɛrɛ la minwiinzannu koo, mi blɛnnu koo, sunyanwiinzannu koo, fuablezannu koo, vanu koo, luunu faa valé minénu koo, wo yɔɔ gɔmagurunu gi, é valé gɔlɛ blɛnblɛnnu méléna.