Jérémi 16:4 - Kazambale lé Sebe Sauunu 1979

⁴ Gyɛ é dan wo gyɛ lɛ yé wo ga; wo ’ka dan wo wuvɔ lɛ lo, wo ’ka dan wo pa lɛ lo; wo dan kɛlɛ lɛ bélé wibo zo tɛrɛ la; wo dan zamaga wo lɛ gwɔun valé lɔrɔ nya, yé wo galenu é dan kɛlɛ lɛ lagi mianénu valé tɛrɛlawinu lé fɛblele nya.

Jérémi 16:4 ပူးပေါင်းရင်းမြစ်များ

2 Minwiinzannu 9:10

Blénnu é dan Jézabɛl ble lɛ Jizréɛl munu lé féi, yé mi do kpen ’ka dan a pa lɛ lo. ’Bɛ zuo pɛniɛ kɔn lɛ so yé é vlan buru.

Lɛrɛvɔ Sɛbɛ 78:64

Wo alé Balebanzannu gyɛ gwɔun nya, Yé alé gyɛzaralomu ’ka wuvɔ lɛ lo.

Lɛrɛvɔ Sɛbɛ 83:10

’I we kɛlɛ wo lɛ bélé Madiannu koo, Sizéra koo, Jabɛn lé é ke Kizɔn yuu sɔnɔ bɛ koo, wo zo.

Ézai 18:6

É dan vo lɛ wigyɛmianénu lé ke gɔnu nwiin, wozé fɛna nya, é dan vo lɛ tɛrɛlawinu zé nya. Lɛɛ dabléyi va, wigyɛmianénu é dan wo galenu ble lɛ, fɔɔ yé é bɔ yɛrɛ gabléyi ma, yé winu é dan ’woé ble lɛ.

Ézai 5:25

Bɛwemalé Gakelebale bli fli élé munu ma; é bɛ nwa léé, ’é wo bla. Gɔblɛnnu ma nyɔɔn; migalenu a bélé bli zo zinu ta. Dé é kɛlɛ ’bɛ zo‐oo, a bli ’ka dɔralaan lo, ’té a bɛ a wo gyɛn gi duowo.

Jérémi 19:7

Fɛkona, maa dan Juda munu valé Jérusalɛm munu lé wepladérenu gi sɛrɛ lɛ tata. Maa dan wo gyɛ lɛ wo nyanézannu lé gwɔun nya, yee valé munu lé é sɔ ’bɛnu lɛ léé, ’wo wo gyɛ, ’bɛnu bɛ nya. Maa dan wo galenu nɔ lɛ lagi mianénu valé tɛrɛlawinu lɛ wolé fɛblele nya.

Jérémi 21:6

Maa dan fla ’ko la munu gyɛ lɛ; munu valé winu, wo dan ga lɛ bawurumagyɛ naané nya.

Jérémi 25:33

Munu lé Gakelebale é dan wo gyɛ lɛ, ’bɛ yi ’ko la wo galenu é dan vo lɛ é zanale fɔɔ tɛrɛ glɛ sina. Wo ’ka dan wo wuvɔ lɛ lo; wo ’ka dan wo sia lɛ lo; wo ’ka dan wo pa lɛ lo; wo dan kɛlɛ lɛ bélé winu bo zo tɛrɛ la.

Jérémi 34:17

Amalé Gakelebale léma: Ka ’ka an lɛ dɔ lɛ a ma lo, ka ’ka zi nɔ lɛ ka bwenu valé ka bɔluzannu lɛ léé, wo vo wobo ma lo. Amalé maa dan zi nɔ lɛ gwɔun koo, migyɛgyɛ koo, lɔrɔ koo, wo lɛ yé di é dan kini lɛ tɛrɛ blɛnnu faa gi kalé we ma.

Jérémi 34:20

maa dan wo pa lɛ wo nyanézannu lé é sɔ ’bɛnu lɛ turu léé, ’wo wo gya, ’bɛnu lee, yé wo galenu é dan kɛlɛ lɛ lagi mianénu valé tɛrɛlawinu blefɛ nya.

Jérémi 36:30

Amalé Gakelebale Juda nwiinzan blɛn mawe fe léé, alé mi do kpen ’ka dan nyana lɛ David lé webleblin ta lo. Maa dan we lɛdɔ lɛ yee koo, a kulunu koo, a wuozannu koo, wo gi, wolé weple ma. Yé we tɔntɔnnu faa lé maa bon‐ɛnla a nya wo ma, ’té é ’ka sɔ lɛ wo lɛ léé, wo tɔné dɔ an lɛ bɛ lo, maa dan wo bɔ lɛ wo ma; wo koo, Jérusalɛm munu koo, Juda munu koo, wo ma. Yé yiri é dan a gale gyɛ lɛ é yiéyi yé dunu é dan a gale gyɛ lɛ é béli.

Jérémi 44:12

Juda munu pɔnénu lé wo yara nɔla léé, ’wo go nyana lɛ Éjipiti tɛrɛ la, maa dan wo kulu ga lɛ. Wo dan ga lɛ Éjipiti tɛrɛ la gwɔun valé lɔrɔ nya, a péli sia né kiénénu ma fɔɔ yé é bɔ mi kwanu ma; wo dan zamaga wo lɛ gwɔun valé lɔrɔ nya; yé wo dan kɛlɛ lɛ dunuzénmitazannu koo, munu gi nyɛkinizannu koo, bale pamazannu koo, serele bomazannu koo, wo nya.

Jérémi 44:27

Ka ye, maa dan an yara dɔ lɛ ka ta wenaané kɛlɛle ka lɛ we ma; wezin kɛlɛle kaan lo, yé Juda munu faa lé wo ke Éjipiti tɛrɛ la, wo kulu é dan ga lɛ gwɔun valé lɔrɔ nya fɔɔ yé wo bɛ do ’ka vo lo.

Jérémi 7:33

Munu ’ko galenu é dan kɛlɛ lɛ lagi mianénu valé tɛrɛlawinu lé fɛblele nya; yé mi lé éé wo bin‐é, ’bɛzan ’ka lo.

Jérémi 9:22

Bé fe léma: Gakelebale léma: Mi galenu é dan dia lɛ Bélé wibo vulile zo féinu ta, Bélé fɛan zo léé, ’sanɛnɛ éé zanaan ’sagyɛzan zuo, ’Té wo ’ka a sian lo, a zo.

Jérémi Lé Wuvɔ Sɛbɛ 4:9

Munu lé woo zamaga wo gwɔun lee, wozé néné mini Munu lé wo zamaga wo lɔrɔ lee, ’Té gyɛ bɛ ’na wo gi, ’Té féifɛ ’ka wo lee lo, wozé ta.

Ézékiɛl 24:21

Bé fe Izraɛl munu lɛ léma: Mizan Gakelebale léma: Ka ye, anlé fɛna sauun lé ke kalé plɛplɛ lé ka baama a gi, a nya, ’té ka bli bɔ a ma é baba, ’té é a ka sɔlɛfɛ nya bɛ, maa dan a sɔnné sɛrɛ lɛ. Yé ka benu valé ka lunu lé ka wo vo ka zuo Jérusalɛm, wo dan ga lɛ gwɔun ’léé.

Ézékiɛl 5:12

Bawurumagyɛ é dan ka va munu lɛ do gyɛ lɛ yé wo dan ga lɛ lɔrɔ nya ka méléna; yé maa dan mi lɛ do gyɛ lɛ gwɔun nya i zi, yé maa dan mi lɛ do nwɛɛn lɛ fɛfaana, yé maa dan ’bɛnu zuo bin lɛ gwɔun nya.

Sofoni 1:17

Maa dan we tɔntɔn bɔ lɛ munu ma, yé wo dan tawo lɛ bélé yuɛwiizannu zo, wo wenyané kɛlɛ Gakelebale ma, azama. Maa dan wo nyɛ nwɛɛn lɛ bélé vungoi zo; maa dan wo wi nwɛɛn lɛ bélé bli zo.

Bélidɔwesɛbɛ Fiézan 28:22

Fuuné gyɛ koo, kɔlɛ kyɛdɔle koo, lɔlu gyɛ koo, kɔlɛ brɔnbogyɛ koo, misiégigyɛ koo, gyɛkwagyo koo, miwisɛrɛgyɛ koo, Gakelebale é dan ka gyɛ lɛ ’bɛnu nya, yé wo dan vo lɛ ka gɔnɔ gi fɔɔ yé ka zamaga wo.

Bélidɔwesɛbɛ Fiézan 28:26

Ka galenu é dan kɛlɛ lɛ la gi mianénu faa valé tɛrɛlawinu faa lé fɛblele nya; mi do kpen ’ka dan wo bin lɛ lo.