Jérémi 16:19 - Kazambale lé Sebe Sauunu 1979

¹⁹ Gakelebale, anlé plɛplɛ, an tɛngizan, bii a an yɔɔna nya klebleyi nya. Bɛnnu é dan si lɛ tɛrɛ glɛ sina yé wo da i va, yé wo dan a fe lɛ léé: Viéfɛnu saa lé ko tranu a ye tɔnɔfɛ nya, yee valé miyili boanu lé wo tɔnɔ ’ka lo, wo nya.

Jérémi 16:19 ပူးပေါင်းရင်းမြစ်များ

1 Minwiinzannu 20:23

Siri nwiinzan blɛn wuomunu lé ’é lɛ léé: Wolé bale a gɔ ma bale nya; bɛwemalé wa plɛplɛ é mini ko ta. Naa, kaa guli dan wo va fɛna pɛblɛɛna, yé dé ko plɛplɛ ’ka mini lɛ wo ta lo, ko dan a ye lɛ.

Lɛrɛvɔ Sɛbɛ 18:3

Gakelebale, anlé gɔlɛgɔ, anlé guliyɔɔkɔn, an vo anbomazan. Anlé Bale, anlé gɔlɛgɔ, i gi lé an yɔɔna yé, An takuunzan, plɛplɛ lé éé an bélié, an yɔɔna.

Lɛrɛvɔ Sɛbɛ 19:14

’I i wuozan tabin boblɛnzannu lee, Té wo pla an nwiin lo ma. A zo lé an dan kɛlɛ lɛ tata, yé an pagi ’ka dan kɛlɛ lɛ wenyané blɛn nya lo.

Lɛrɛvɔ Sɛbɛ 27:5

Naa, é dan an takuun lɛ élé kɔn gi we tɔntɔn bɔyi nya, É dan an yɔɔ lɛ élé kɔn gi, É dan an dɔ lɛ gɔlɛ ta loru.

Lɛrɛvɔ Sɛbɛ 46:1

Wo lɛrɛ ’ko vɔle gɔɔn lɛrɛvɔzannu zilɛzan lɛ. Koré kulunu ɛ vɔ. ’Wa vɔ lɛrɛvɔafɛ lé wa laama alamota, a va. Bale tɔbɔlɛrɛ do lé.

Lɛrɛvɔ Sɛbɛ 46:11

’Ka da, yé ’ka we ’ko dɔɔ ma: maa a Bale nya, Maa ɛ ke bɛnnu nwiin, maa ɛ ke tɛrɛ nwiin.

Lɛrɛvɔ Sɛbɛ 46:7

Bɛnnu wo gi gunu yé wolé plale mi nwiin ma nyɔɔn; Bale we do fe yé tɛrɛ ’yi bo kanale nya.

Lɛrɛvɔ Sɛbɛ 62:2

Iin, an boen éé paan Bale ɛ ta, An silewegi éé sié yee ɛ va,

Lɛrɛvɔ Sɛbɛ 62:7

Iin, yee ɛ ke anlé gɔlɛgɔ valé an Siéwegizan nya; Yee ɛ ke an yɔɔna plɛplɛ nya, an ’ka dan dia lɛ lo.

Lɛrɛvɔ Sɛbɛ 65:3

Oo bii, biian i tɔné dɔa bazorole lɛ, Munu faa é dan da lɛ bii ɛ va.

Lɛrɛvɔ Sɛbɛ 68:31

I kana blɛn zén gyan gi winu gi, Wo valé dirigɔnénu palu valé munu lé dirinénu gi, Wozannu éé diaan i ’lɛ, gɔɔlifu nya wo lee. Munu lé gulidanle sɔ wo lɛ, ’i wo kini ékema.

Lɛrɛvɔ Sɛbɛ 86:9

Mizan, bɛnnu faa lé bé kɛlɛ, wo dan da lɛ Dia lɛ ’wo bli la i ’lɛ, Yé wo dan i tɔ bɔ lɛ.

Wegɔnévɔlenu 18:10

Gakelebale tɔ a bélé flagɔrɔ nwiin kɔn torole zo, mi tegele éé yɔɔan ana ’té a ta béli a é dɔle.

Ézai 25:4

I kɛlɛ mi tɔɔtɔɔnu yɔɔna nya, Nyanaizénlamunu lé we tɔntɔn bɔ wo ma, i kɛlɛ wo yɔɔna nya. Munu vɔ i zi fu plɛplɛ giéle valé lɛɛ plɛplɛ dale we ma; I kɛla furɔ nya kyɛyee bɔ bléyi va; Naa, yaamitazannu lé fu fɛɛle A bélé fu plɛplɛ lé éé gɔrɔ zanaan, a zo.

Ézai 32:2

Wo faa do do é dan kɛlɛ lɛ miyɔɔna nya, mi éé yɔɔan fu lɛɛ fɛan zo, a zo, bélé mi lé éé yɔɔan lɛɛ plɛplɛ lee, a zo. Wo dan kɛlɛ lɛ bélé ’yi lé éé yoroan fɛna gale na, a zo; bélé gɔlɛ blɛn furɔ zo, tɛrɛ kyɛdɔle ta.

Ézai 44:10

Mɛmalé woo bale kɛla, mɛmalé woo miyili kɛla, yé wo ’ka tɔnɔ do kpen yé a ma loo?

Ézai 44:20

É a bélé kyɛyee lé é a ble; a saanbli a saan; é ’ka bɔa ébo sile lɛ we gi lo, yé é ’ka bɔa a fele lɛ léé, viéfɛan ke an lee ’ko loo? lo.

Ézai 45:14

Gakelebale léma: Éjipitinu lé fuafɛnu koo, Étiopi lé tɛrɛ tɔnɔ koo, Sabémunu lé ke grɔgrɔ bɛ, wozé koo, A faa é dan da lɛ i va, yé wa kɛlɛ izé nya; Munu ’konu, wo dan tawo lɛ ka zuo, Wo dan gié lɛ gɔgɔbale nya wo ma, Wo dan dia lɛ ’wo bli la ka ’lɛ, ’té woo ’wo ma dunnuan, léé, Ka do kpen va lé Bale ke, Dé é ’ka yee nya lo, Bale bɛ ’ka lo.

Ézai 49:6

Yee Gakelebale léma: Dé i kɛlɛ an wuozan nya, Yé i Jakɔb bɛnnu vɔ a ma, Yé i da Izraɛl mi pɔnénu nya wo pa gi, ’bɛ a kiéné; Maa dan i kɛlɛ lɛ bɛnnu vakinisan nya, Yé i go anlé mi silewegi nya fɔɔ tɛrɛ glɛ sina.

Ézai 62:2

Yé bɛnnu é dan i sile we gi ye lɛ, Yé minwiinzannu faa é dan ilé fua tɔ bɔ lɛ; Yé wo dan i laa lɛ tɔ dɛrɛ lé É si Gakelebale ’léé, a nya.

Jérémi 10:3

Naa, munu gɔnɔlawenu a boawe nya, Woo yili bɔié pɔrɔ gi; Nyanamapazan a ma nyanama paan zaa nya,

Jérémi 10:5

Bale ’konu a bélé wɛyili blɛn zo, yé wo ’ka we fé pelo; Wo ’ka bɔa tawole lɛ lo, amalé woo wo kɔné sié. Té ka wo kana pa lo, naa, wo ’ka bɔa wenaané do kpen kɛlɛle lɛ lo, Yé wo bɛ ’ka sɔa wezin gɔ do kpen kɛlɛle nya lo.

Jérémi 12:16

Dé anlé munu kɛlɛwe vɔ wo lee, dé wo an tɔ ’nyɔɔn a fele nya léé: Gakelebale a é yuɛma, bélé fɛan zo lé wo Baal ’nyɔɔnle paa anlé munu gi bɛ, a zo, ’té wo gi é dan nana lɛ zin yele we ma anlé munu méléna.

Jérémi 14:8

Bii lé, Izraɛl munu bli ke i lɛ, léé, I a wo siéwegizan nya wolé kleblebléyi va, Mɛmalé i a kɛlɛna bélé bɛn zo tɛrɛ ’ko taa? Bélé giézan lé é yii do kpen yé é go, a zoo?

Jérémi 17:17

Té i kana vɔ an gi lo; bii ɛ ke an yɔɔna nya we tɔntɔn bɔyi nya.

Jérémi 2:11

Bɛn lé é ézé balenu tavɔɔan Dɔlé ’té wo ’ka bale bozennu nya lo, ’bɛ bɛn a kyɛɛn? Naa, anlé munu wozé Fuabale tavɔɔ yonu lé wo ’ka bɔa mi va lo, wo nya.

Jérémi 2:8

Balebanmunu ’ka maa Gakelebale ta laan boenwo lo. Munu lé woo bélidɔwe paan munu gi, wo ’ka an dɔɔ lɛ lo. Bale lé munu tabinzannu ’ka kɛlɛ lɛ yarapawelamunu nya an ’lɛ lo. Balelayezannu balelawe fe Baal tɔ gi, Yé fɛnu lé wo ’ka bɔa mi va lo, wo go ’bɛnu zuo.

Jérémi 3:23

Iin, vunwelenu lé woo sié gɔpanénu valé gɔnu nwiin, wa vié nya. Iin, Gakelebale kolé Bale ɛ ke Izraɛl munu siéwegizan nya.

Jérémi 33:9

Fla ’ko é dan kɛlɛ lɛ anlé ginanalafla koo, an tɔbɔla fla koo, anlé fua tɔbɔla fla koo, wo nya, tɛrɛla bɛnnu faa va. We zinnu faa lé maa dan a kɛlɛ lɛ wo lɛ, bɛnnu é dan a ’ma lɛ; dé wo an ye bɛ ma wolowolozan nya Izraɛl munu vazia, wo gi é dan vuru lɛ, ’té éé kɔɔan wo bli gi.

Jérémi 4:2

Dé ka bale ’nyɔɔn léé, Gakelebale a é yuɛma, dé ka a ’nyɔɔn webozen koo, wedrɔle koo, we tegele koo, wo nya, ’té bɛnnu drɔɔ é dan vo lɛ Bale gi, ’té wo dan ’wo tɔ bɔ lɛ a gi.

Ézékiɛl 11:16

Amalé bé fe léma: Mizan Gakelebale léma: Dé maa wo vo é sile ka ma baa bɛnnu méléna, dé maa wo kini ékema wo nwɛɛnle nya tɛrɛ bɛnu ta, maa dan kɛlɛ lɛ bléyi sɛ nya wo yɔɔna nya, tɛrɛnu lé wo go ana, ana.

Joɛl 3:16

Gakelebale dére a wena Siɔn bélé golizra zo, ’Té éé wé Jérusalɛm. Tɛrɛ valé la ma éé nyɔɔn‐an, Naa, Gakelebale a élé munu yɔɔna nya, É a Izraɛlnu vɔzizan nya.

Amɔs 2:4

Gakelebale léma: Juda munu lé wenyané blɛn yaa lé we ma, gba, maa fé boenwo ziɛn, we lé maa a fe léé, maa dan a kɛlɛ lɛ, maa ’ka dan an dére nɔla lɛ lo. Wo serele bo Gakelebale lé bélidɔwe ma, yé wo ’ka a sɔnnénu pa lɛ lo, yé viémiyilinu lé wo tranu tawo wo zuo, ’bɛnu wo saan, ’bɛzama.

Naum 1:7

Gakelebale a é zin, É a mivɔzizan nya klebleyi la; Munu lé woo paan a ta, é wo dɔɔ.

Abaku 3:19

Mizan Gakelebale ɛ ke anlé plɛplɛ nya, Éé an ganenu kɛla bélé vɔlɛ zé zo, Yé éé an kɛla tawozan nya loru. Lɛrɛvɔmunu nwiinzan zé lé. ’Wa vɔa lɛrɛvɔafɛ lé a bale ke, a va.

Zakari 2:11

Bɛn kiɛrenu é dan yere lɛ maa Gakelebale ma ’bɛ yi la, yé wo dan kɛlɛ lɛ anlé munu nya; maa dan nyana lɛ wo méléna; yé ka dan a gi dɔɔ lɛ léé, lai sunyanu lé Gakelebale ɛ an pa ka va zia.

Malasi 1:11

É sia yiri nwale ma fɔɔ yé é bɔ yiri vɔle ma, an tɔ a blɛn bɛnnu faa méléna. Woo lasikɔrɔpo kyɛ blé an tɔ bɔle we ma fɛfaana, yé woo an baan fɛ zin nya, naa, an tɔ a blɛn bɛnnu faa méléna. A zo lé lai sunyanu lé Gakelebale a fe.

Rom munu 1:25

wo Kazambale lé webozen tavɔɔ vié nya yé Fɛfaakɛlɛzan lé, é a lé mi a drɔɔ vo lɛɛfaama a glɛ ’ka lo, wo ’bɛ vo yé wo ’bɛ kɛlɛfɛnu lɛdɔama ’bɛ pa gi, ’té woo ’bɛnu bɔa, azama. Amɛɛn.

1 Piɛri 1:18

Ka a gi dɔɔ léé, é vinin ka tawo ka tranu lé gwɛma tawobɛ gi, naa sin, Bale ka si ’bɛ zuo. É ’ka ka tabo lɛ kyan valé gɔɔlifu lé woo sɛra, ’bɛnu nya lo.

Wegɔɔnle 11:15

Lanje sɔrafiézan béli fɛn. Yé dére plɛplɛnu we la gi, yé wo léé: Tɛrɛ la bɛnlubɛn faa kinin Kozan valé élé Krist zé nya; yé é dan pla lɛ wo nwiin lɛɛfaama, a glɛ ’ka lo.