Jérémi 16:18 - Kazambale lé Sebe Sauunu 1979

¹⁸ É vinin maa dan wolé weple valé wolé wenyané ma ban wo lɛ gɔnɔ fié; wo anlé tɛrɛ la sɛrɛ, yé wo anlé tɔnɔtɛrɛ fan miyili galenu koo, wolé bozowenu koo, wo nya, azama.

Jérémi 16:18 ပူးပေါင်းရင်းမြစ်များ

Lɛrɛvɔ Sɛbɛ 106:38

Wo weanwiinlozannu nyɛ zana, Wo benu valé wo lunu nyɛ lé. Wo Kanaan tɛrɛ la miyilinu ban ’wolé nénu nya, Yé wo ana tɛrɛ sɛrɛ migyɛle nya.

Ézai 24:5

Ana munu tɛrɛ sɛrɛ, naa, wo bélidɔwenu sɛrɛ, yé wo Bale déretawenu lɛgama, gipawe lé a glɛ ’ka lo, wa sɛrɛ, azama.

Ézai 40:2

’Ka siaa Jérusalɛm munu lɛ, ’ka fe wo lɛ léé: Wolé luu kɛlɛle nyaa, Wolé weple ’yibo, Gakelebale we lɛdɔ wo gi Wolé wenyané faa ma gɔnɔ fié.

Ézai 61:7

Ka dan tɔnɔ ble lɛ gɔnɔ fié, serele bole ka ma pa gi; Wo gi é dan nana lɛ, yaragyɛwe lé é bɔ wo ma, ’bɛ pa gi; Wo dan tɔnɔ ble lɛ gɔnɔ fié wolé tɛrɛ la, Yé wo ginanale glɛ ’ka lo.

Ézai 65:6

We lé é dɔ maa gi yé maa dɔ a ta, yee lé ke ’ko: Maa ’ka dan tadɔ lɛ lo, maa dan wolé wenyané dɔ lɛ wo nwiin. Iin, kalé wenyané blɛn koo, ka tranu lé wenyané blɛn koo, maa dan a dɔ lɛ ka nwiin. Ka tranu lasikɔrɔpo kyɛ ble gɔnu nwiin yé wo an sɔnɔ gɔpanénu nwiin; maa dan wo banwo lɛ wo kɛlɛwe kyɛnnu yɛrama ’té. Gakelebale ɛ fe.

Jérémi 17:18

Munu lé woo nyané paan an ta yaragyɛwe ’é bɔ wo ma ma. Té yarawe é bɔ an ma lo ma. Wo ma ’é nyɔɔn ma, naa, té an ma é nyɔɔn lo ma. ’I we tɔntɔn bɔ wo ma ma. ’I dunuzénmitawe bɔ wo ma fié ma.

Jérémi 2:7

Tɛrɛ lé éé fɛ dɔa, an da ka nya ana, Léé, ka ana fɛporonu valé ana fɛ zimanu ble; Naa, ka bɔ ana tɔɔn, ka anlé tɛrɛ tiri dɔ, Yé ka anlé fɛna kɛlɛ bo zo.

Jérémi 3:9

Alé pɛnpɛnné gyɛlenu lé wo tɔ bɔ fɛfaana, wo nya lé é tɛrɛ tiri dɔ; é gɔlɛ valé yili kɛlɛ é zana nya.

Jérémi 44:4

Maa an wuozannu balelayezannu faa pa ka lɛ zia, yé an ’ka daan lɛ wo pale ma ka lɛ zia lo, a fele ka lɛ we ma léé, bozowe ’konu lé wo za ke an gi, té ka wo kɛlɛ lo.

Jérémi 7:30

Naa, Gakelebale léma: We lé é ke an yuɛ gi é naané, Juda munu a kɛlɛ. Wo ’wolé bozofɛnu pla kɔn lé an tɔ ke a ma, a gi, a tiridɔle we ma.

Ézékiɛl 11:18

Ana lé wo dan go lɛ, yé wo dan miyilinu faa valé bozowenu faa si lɛ ana.

Ézékiɛl 11:21

Naa, wo lé wo gi éé nanaan ’wolé miyilinu valé wolé bozofɛnu ma, maa dan wo kɛlɛwenu dɔ lɛ wo nwiin. Yee lé Mizan Gakelebale a fe.

Ézékiɛl 36:18

Amalé ma wɛwɛ dɔ wo ma, mi nyɛ lé wa zana tɛrɛ ’ko la, é valé miyilinu lé wo tɛrɛ ’ko sɛrɛ a nya, wolé we ma.

Ézékiɛl 5:11

Bɛwemalé, Mizan Gakelebale léma: Maa a é yuɛma. Ka anlé fɛna sauun tiri dɔ kalé miyilinu faa valé kalé bozowe faa kɛlɛle nya, amalé maa é ziin, an dan an yuɛ si lɛ ka la, yé an yuɛyi ’ka dan dɔ lɛ a ta lo, yé é ziin, an nyanai ’ka dan zén lɛ ka ta monomono lo.

OZÉ (Osée) 9:7

We lɛdɔ mi gi yi bɔ; we lɛgi pa mi ma yi bɔ; Izraɛlnu é dan go lɛ a gi dɔɔ lɛ. Balelayezan ’wuo sɛrɛ, yé mi lé Bale éé we fé a lɔlu nya, é dan gyɛ yiblawe fe lɛ; kalé weplenu valé ka nwale mi ma a blɛn, ’bɛzama.

Lévinu 26:30

Maa dan kalé gɔnwiin yobannanu sɛrɛ lɛ, yé kalé miyilinu lé ka wo pa é yɛrama yiri zé nya, maa dan wo sɛrɛ lɛ. Maa dan ka galenu pla lɛ kalé miyili sɛrɛlenu ta, yé anboen é dan serele bo lɛ ka ma.

Misé 2:10

’Ka nwa, ’ka tawo, flinna ’ka fɛkona nya lo; ka tiri dɔle lé we ma léé, ka dan kle blɛn ble lɛ.

Wegɔɔnle 18:6

’Ka a banwo bélé fɛan zo lé éé mi banwoo, a zo, yé ’ka a nɔ a lɛ gɔnɔ fié a kɛlɛwenu yɛrama. Kana lé, é fɛ zén a gi, ’ka azé zén a gi gɔnɔ fié.