Jérémi 16:16 - Kazambale lé Sebe Sauunu 1979

¹⁶ Gakelebale léma: Ka ye, maa dan pɔgyɛmunu kiɛre pa lɛ zia yé wo dan munu ’ko si lɛ bélé pɔgyɛle zo; yé ’bɛ zuo maa dan lupazannu kiɛre pa lɛ zia yé wo dan munu ’ko mavɔɔ lɛ, gɔ blɛnnu faa koo, gɔpanénu faa koo, gɔlɛ blɛnnu féngyɛle koo, wona.

Jérémi 16:16 ပူးပေါင်းရင်းမြစ်များ

Wepélisiananu 10:9

É kɛlɛ wigyɛzan bli ta plɛplɛzan nya Gakelebale yara. Bɛwemalé woo gɔné vɔa léé, é a bélé Nimrɔd zo, wigyɛzan bli ta plɛplɛzan nya Gakelebale yara.

Ézai 2:21

yé wo dan wɔra lɛ gɔlɛfeegyɛnanu valé gɔlɛkoronu gi, kana blɛn lé Gakelebale a zén‐é munu gi koo, alé fuasan bile planplan koo, wo sole wo lee we gi, bléyian va lé éé nwaan yé é di kini tɛrɛlamunu gi, a bléyi va.

Ézai 7:19

Wo dan da lɛ, yé wo dan nyana lɛ gɔworona planu koo, gɔlɛ zansinanu koo, léliyilinu faa koo, trubɛ blena faa koo, wona.

Jérémi 25:9

amalé Gakelebale léma: Munu faa lé wo ke yirinwana bɛbolazia, an dan munu nwunvɔ lɛ wo laana, léé, ’wo da. Maa dan mi nwunvɔ lɛ an wuozan Babilɔn nwiinzan blɛn Nébukanɛsaa va, yé maa dan da lɛ a nya léé, ’é nwa tɛrɛ ’ko koo, a tamunu koo, wo zi bɛnnu faa koo, wo ma, wo kulu gale we ma, yé wo wolé fla kɛlɛ é ’bin nya, wenanamafɛ nya, yé é dan vo lɛ é pla lɛɛfaama.

Jérémi 4:29

Dé flamunu wisootamunu valé savulimunu vun ’ma tɔɔn, wo fwi. Wo go pɔrɔ gi, yé wo vɔ gɔlɛnu nwiin; Wo sɔn vɔ flanu ma; mi do kpen ’ka wona lo.

Jérémi 49:5

Mizan, lai sunyanu lé Gakelebale léma: Ka ye, maa dan kana blɛn zén lɛ i gi; é dan si lɛ i zi fɛfaana yé é zén i gi; wo dan ka do do faa zuo bin lɛ baa, yé mi do kpen ’ka dan vɔfligimunu zén lɛ ékeva é dɛrɛ lo.

Jérémi 6:9

Lai sunyanu lé Gakelebale léma: Wo dan Izraɛl munu boogi pɔné fwi lɛ bélé woo dɔrɔféi gɔ ma soo fɛan zo, a zo; ’i bɛ kɛlɛ é ziin a ma, bélé dɔrɔsozan éé bɛ kɛla dɔrɔ ma fɛan zo, a zo.

Jérémi Lé Wuvɔ Sɛbɛ 4:18

Ko nyanézannu ko pa bo, Léé, té ko bɔra kolé vuun la lo, Kozé bɔ nyaana, kolé yinu lɛ sɔɔ, Kozé nyaa.

Jérémi Lé Wuvɔ Sɛbɛ 4:19

Munu lé woo nyané paan ko ta, Wolé vlanburule mini la gi gola sile ta, Wo ko zuo bin gɔnu nwiin, Wo sannu pla ko wuo bwi gi.

OZÉ (Osée) 10:10

Maa dan we lɛdɔ lɛ wo gi, é a an gi fɛan zo, a zo. Munu é dan zén lɛ ékema wo ma, yé wo dan gɔgɔbale vɔ lɛ wo ma wolé weple blɛn ’léé yɛrama.

Amɔs 4:2

Mizan Gakelebale ’é kɛlɛle sauun ’nyɔɔn léé, ka ye, kazé yi é dan bɔ lɛ, yé maa dan ka sia lɛ kɔ blɛnnu nya, yé maa dan kalé nénu sia lɛ kɔnu nya.

Amɔs 5:19

Ka dan kɛlɛ lɛ bélé mi lé é ke vlan buruna golizra lee, yé yee valé kua kee, a zo; bélé mi lé é vɔ élé kɔn gi yɔɔle we ma, yé é bɛ tɛn kɔnguru ma yé méné suiɛ dɔ a ma, a zo.

Misé 7:2

Mi zin ta saan tɛrɛ ’ko la, yé mi tegele do kpen ’ka blaminu va é dɛrɛ lo; wo faa a zi bɛnna mi nyɛ zanale we ma; wo faa do do éé san vɔa ’wo bwenu lee.

Sofoni 1:12

’Bɛ yi la, maa dan Jérusalɛm gi fwi lɛ kyɛbɔnu nya an lee, yé munu lé wo ke é yiale wolé yialafɛnu ta flee, ’té wa fé wo bli gi léé, Gakelebale ’ka we zin kɛla lo, yé é ’ka a naané kɛla lo, maa dan we lɛdɔ lɛ wo gi.

1 Samuɛl 24:11

Bé ye ibo yuɛ nya sin léé, Gakelebale i pa an lee kyɔ gɔmaguru gi. Wo an tunu léé, maa i gyɛ; naa, maa i vo yé maa léé, anzan a Gakelebale lé nyɔnɔzénnwiinzan nya, amalé an ’ka dan an bɛ mané lɛ a ma lo.

1 Samuɛl 26:20

Yiba! Té an nyɛ é zana tɛrɛ bɛ la Gakelebale yara ma baa lo! Izraɛl nwiinzan zi sia gɔa ginile we gi, woo doo ginian gɔnu nwiin fɛanzo, a zo.