Jérémi 16:15 - Kazambale lé Sebe Sauunu 1979

¹⁵ Naa, wo dan a fe lɛ léé: Gakelebale lé é Izraɛl munu si yirinwana bɛbolazia tɛrɛ la, yee valé tɛrɛnu faa lé é wo sɔɔla ana, ’bɛ a é yuɛma. Yé maa dan go lɛ wo nya wolé tɛrɛ la é ziin, tɛrɛ lé maa a nɔ wo tranu lɛ, a ta.

Jérémi 16:15 ပူးပေါင်းရင်းမြစ်များ

Wepélisiananu 28:15

Maa a i va ma, yé fɛ faa lé i dan go lɛ ana, maa dan an yuɛ pa lɛ i va yé ma dan da lɛ i nya é ziin tɛrɛ ’ko la; maa ’ka dan i vo lɛ pelo, ’té we faa lé maa a fe i lɛ bɛ, ’té maa a lɛ sɔɔ é wo.

Lɛrɛvɔ Sɛbɛ 106:47

Gakelebale, kozé Bale, ’i ko si we gi. ’I ko si bɛnnu méléna, yé ’i ko zén ékeva, léé, Ko i tɔ ’lɛzan kɛlɛ blɛn Yé ko i tɔ zin fe ginanale nya.

Ézai 14:1

Naa, Gakelebale é dan é nyanai zén lɛ Jakɔb lé munu ta. É dan Izraɛlnu si lɛ é ziin, é dan wo nyana lɛ kli wolé tɛrɛ la yé bɛnnu é dan nyana lɛ wo va, yé wo dan kɛlɛ lɛ Jakɔb lé munu nya do.

Jérémi 12:15

Naa, dé maa wo si ana faa, ’bɛ zuo an nyanai é dan zén lɛ wo ta é ziin, yé an dan da lɛ wo faa nya wolé tɔnɔyefɛna do do, wolé tɛrɛ la do do.

Jérémi 23:3

Yé anlé ’blanu lé woo voo, ’té maa wo bin turu, tɛrɛ faa lé wo go a ta, maa dan wo si lɛ ’bɛna yé an da wo nya ékeva; ma dan da lɛ wo nya ’wo blena é ziin; wo dan né yaa lɛ yé wo fan.

Jérémi 23:7

Bɛwemalé, Gakelebale léma: Ka ye, a yinu é dan bɔ lɛ yé wo ’ka dan a fe lɛ é dɛrɛ léé: Gakelebale lé é Izraɛl munu si Éjipiti tɛrɛ la yé é da wo nya, ’bɛzan a é yuɛma, lo;

Jérémi 23:8

naa, wo dan a fe lɛ léé: Gakelebale lé é Izraɛl munu kulunu si yirinwana bɛbolazia tɛrɛ la, yee valé tɛrɛnu faa lé é wo bin yé wo go wona, ana, yé é da wo nya, ’bɛzan a é yuɛma. Yé wo dan nyana lɛ wolé tɛrɛ la.

Jérémi 24:6

Maa dan an yuɛ vɔ lɛ wo ta bli zima nya, yé maa dan da lɛ wo nya tɛrɛ ’ko la é ziin; maa dan wo nyana lɛ ana, yé maa ’ka dan wo kulu ga lɛ é dɛrɛ lo. Maa dan wo nyana lɛ kli, yé maa ’ka dan wo nwa lɛ é dɛrɛ lo.

Jérémi 29:14

Gakelebale léé: Maa ’ka dan an yele yi ga lɛ ka lee lo, yé maa dan da lɛ kalé luugimunu nya é ziin; maa dan ka si lɛ bɛnnu faa va, fɛna faa lé maa ka bin yé ka go ana, maa dan ka si lɛ wona yé an da ka nya é ziin, fɛana lé maa ka si yé an go ka nya luu gi, ana.

Jérémi 3:18

’Bɛ yinu la, Juda munu valé Izraɛl munu wo dan tawo lɛ ékeva, Yé wo dan si lɛ ékeva yirinwana bɛbolazia tɛrɛ la, Yé wo da tɛrɛ lé maa ana nɔ wo tinu lɛ, ana.

Jérémi 30:10

Yé Gakelebale léé: Yé bii an wuozan Jakɔb, té i kana lo; Yé bii Izraɛl, té i gi nyɛ é kini lo, Naa, maa dan i si lɛ tɛrɛ baa la munu lee, Maa dan i kulunu si lɛ luu gi tɛrɛ lé wo kɛlɛ ana luu nya, ana munu lee; Jakɔb é dan da lɛ é pa gi, yé a gi é dan nana lɛ flinle valé vole drɔɔ we ma, Yé mi do kpen ’ka dan gibɔrɔpa?-?amawe kɛlɛ lɛ lo.

Jérémi 30:3

Gakelebale léé: Bé ye, a yi é dan bɔ lɛ yé an dan anlé munu Izraɛl valé Juda si lɛ luu gi yé an da wo nya. Tɛrɛ lé maa a nɔ wo tranu lɛ, maa dan da lɛ wo nya ’bɛna é ziin, yé é dan kɛlɛ lɛ wozé nya.

Jérémi 31:8

Ka ye, maa dan munu si lɛ yiri‐nwanazia tɛrɛ la, yé an da wo nya, Maa dan wo si lɛ tɛrɛ glɛ sina yé maa wo zén ékeva; Yuɛwiizannu valé ganesuruzannu a wo va, Bɔnlomu valé néyaalomu a wo va. Migu blɛn lé é ke dana ’ko é ziin, yee lé.

Jérémi 32:37

yee flamunu lé maa wo mawe fe i lɛ léé, maa wo bin yé wo go tɛrɛ faa‐an ta bɛ, an bli flile koo, an wɛwɛ koo, an bli nwale koo, wolé we ma bɛ, maa dan wo si lɛ ana yé maa wo zén ékeva yé an da wo nya wolé tɛrɛ la é ziin yé wo dan nyana lɛ ana duaa.

Jérémi 50:19

Maa dan Izraɛl munu nyana lɛ wo pa gi é ziin; wolé fɛblena é dan kɛlɛ lɛ Kaamɛl valé Bazan tɛrɛ la, yé wobozen é dan kan lɛ Éfraim gɔ nwiin valé Galaad tɛrɛ la.

Ézékiɛl 36:24

Maa dan ka si lɛ bɛnnu va é ziin. Maa dan ka si lɛ tɛrɛ faanu ta, yé maa dan go lɛ ka nya kalé tɛrɛ la.

Ézékiɛl 39:28

Yé wo dan a gi dɔɔ lɛ léé, Gakelebale wolé Bale lé é go wo nya luu gi bɛnnu va, yé é wo zén ékeva wo pa gi ’wolé tɛrɛ la, maa a a nya; maa ’ka dan wo vazan do kpen vo lɛ ’bɛnu va lo,

Joɛl 3:1

Naa, ka ye, ’bɛ yinu la, ’bɛ bléyi va, Juda munu valé Jérusalɛm munu lé wo go wo nya luu gi, dé an da wo nya wo pa gi,

Amɔs 9:14

Anlé munu Izraɛl lé wo ke luu gi, maa dan da lɛ wo nya ’wo pa gi; Wo dan fla pa lɛ é ’bin la, yé wo dan nyana lɛ ana. Wo dan dɔrɔ féi pa lɛ, yé wo dan a ’yi mini lɛ; Wo dan féinu pa lɛ yé wo dan a ma fɛnu ble lɛ.

Amɔs 9:15

Maa dan wo nyana lɛ kli wolé tɛrɛ la, Yé tɛrɛ lé maa a nɔ wo lɛ, wo ’ka dan wo si lɛ ana lo. A zo lé Gakelebale, ilé Bale a fe.