Jérémi 16:12 - Kazambale lé Sebe Sauunu 1979

¹² Yé ’kaa, kalé wenaané kɛlɛle mini ka tranu zé ta, yé ka faa do do, ka we kɛla ka bligiwe naané yɛrama, ’té ka ’ka ka tɔné dɔa an lɛ pelo.

Jérémi 16:12 ပူးပေါင်းရင်းမြစ်များ

Wepélisiananu 6:5

Gakelebale a ye léé, munu a weple kɛlɛna é baba tɛrɛ la, yé wolé gi bɔrɔle faa a gona wenaané saa va yi faa do do ma.

Wepélisiananu 8:21

Gakelebale fɛ gin néné si, yé Gakelebale lé é bli gi léé: Dé munu bɔn‐in bɔrɔle naané pélisia wo kénéné la bléyi vaoo, maa ’ka dan bale pa lɛ tɛrɛ ma munu lé we ma é dɛrɛ lo. Fɛnu faa lé ke é yuɛma, maa ’ka dan wo bla lɛ é dɛrɛ, bélé maa kɛlɛ fɛan zo ’ko, a zo lo.

Bale Lé We Gifezan 8:12

Duowo, dé wenyanékɛlɛzan wenaané kɛlɛ gɔnɔ yɔ soru, yé é mɔn a kɛlɛnaoo, maa gi dɔɔ é ziin léé, munu lé woo kanaan Kazambale lee, wezin a wozé nya; woo kanaan a lee, azama.

Bale Lé We Gifezan 9:3

Wenu lé wa kɛla tɛrɛ la, wo va wenaané do lé ke ’ko: yee lé ke léé, mi faa zé bɔ ékema; é ziin, blaminu bli a é fanle wenyané nya, yé ’tugyɛwe a wo bli gi wolé tɛrɛla bléyi faa va; ’bɛ zuo, yé wo go gamunu va. Naa, de ɛ ’ka go loo?

Jérémi 13:10

Mi nyanénu ’ko lé wo ’ka ’wo tɔné dɔa an dérenu lɛ lo, ’té woo gibɔrɔan ’wolé blibɔmawenu ma yé wo go bale bɛnu zuo bɛ, ’té woo ’bɛnu bɔa ’té woo diaan ’bɛnu ’lɛ, wolé we ’é kɛlɛ bélé kyɛsidi ’ko lé é ’ka vo lɛ é zima é dɛrɛ lo, azé zo ma.

Jérémi 17:9

Mi bli ’ka zi yɛrama lo; é a é nyané; De ɛ bɔa mi bli lé we dɔɔle lɛɛ?

Jérémi 18:12

Naa, wo léé: We pla ’bɛ. Ko dan tawo lɛ kolé bɔn‐in bɔrɔlenu yɛrama; ko faa do do, ko dan we kɛlɛ lɛ ko bligiwe naanénu yɛrama.

Jérémi 22:28

Jékonia ’ko lé woo nyé yélié a ma, é a bɔ ple nyaa? É kɛlɛ bélé pooné go zoo? Mɛmalé wo wo vuli, yee valé é kulunu nya, tɛrɛ lé é ’ka ana dɔɔa lo, a taa?

Jérémi 7:24

Yé wo ’ka ’wo tɔné dɔ lɛ lo; wo ’ka an ban lɛ ’wo tɔné nya lo; wo ’wo bli nyané lé weplenu valé ’wolé blibɔmawenu ta tawo. Yé wo go wo zuozia, wo ’ka da lɛ wo ’lɛzia lo.

Jérémi 7:26

Naa, wo ’ka ’wo tɔné dɔ lɛ an dére lɛ pelo, wo ’ka an ban lɛ ’wo tɔné nya lo. Wo kɛlɛ bli plɛplɛzannu nya; wo wenaané kɛlɛ di, ’bɛ mini wo tranu zé ta.

Jérémi 9:14

Wo tawo wo bligiwenu yɛrama, wo go Baalnu zuo, wo tinu a paa wo gi fɛan zo, a yɛrama.

Jérémi Lé Wuvɔ Sɛbɛ 5:7

Ko tinu lé wo wenyané kɛlɛ, wo ’ka ana é dɛrɛ lo, Yé ko wo pagi weple kɔné si.

Ézékiɛl 20:30

Bɛwemalé, bé fe Izraɛl munu lɛ léma: Gakelebale léma: Ka ’ka kabo tiri dɔna bélé fɛan zo lé ka tranu a kɛlɛ, a zo bɛ loo? Yé ka ’ka gona wolé bozowenu zuo bélé gɔné gini le zo bɛ loo?

Amɔs 2:4

Gakelebale léma: Juda munu lé wenyané blɛn yaa lé we ma, gba, maa fé boenwo ziɛn, we lé maa a fe léé, maa dan a kɛlɛ lɛ, maa ’ka dan an dére nɔla lɛ lo. Wo serele bo Gakelebale lé bélidɔwe ma, yé wo ’ka a sɔnnénu pa lɛ lo, yé viémiyilinu lé wo tranu tawo wo zuo, ’bɛnu wo saan, ’bɛzama.

Malasi 3:7

É sia ka tranu bléyi va, ka si an dére zuo, yé ka ’ka wo ta tawoo lɛ lo. ’Ka da an va ka pa gi, yé maa dan da lɛ ka va é ziin; a zo lé lai sunyanu lé Gakelebale a fe. Yé ka léé: Ko dan i va kaa? Ko ana ’ko.

Maak 7:21

Naa, gibɔrɔle naané koo, leginile valé gɔnéginile koo, pɛnpɛnnégyɛle koo, mi gyɛle koo, kyeenwole koo, bli bɔle gɔɔli ma koo, wenyané koo, dabliwe koo, we vɔnle koo, yuɛ bɔle mi bɛ lé fɛ ma koo, mi tɔ sɛrɛle koo, boblɛn koo, ’tugyɛwe koo, wenaané faanu ’ko, woo ɛ sié mi gi, yé woo ɛ mi tiri dɔa.

Bélidɔwesɛbɛ Fiézan 29:19

Gipawe ’ko lé woo wɔraan a gi bale ’nyɔɔnle nya, dé mi do a ’ma, té ébo kɛlɛ blɛn é bli gi lo, ’té é a fe léé, dé an bli go wean zuooo, dé an nwɛ tanle pa nwɛ minilɔrɔ lé an gyɛle vaoo, an dan vo lɛ drɔɔ lo.

Bélidɔwesɛbɛ Fiézan 9:27

I wuozannu Abraam koo, Izak koo, Jakɔb koo, wo sele ’é dɔ i gi ma. Munu ’ko lé tɔnégiplɛplɛ koo, wolé weple koo, wolé wenyané koo, té bé pa i bli gi lo;

2 Timoté 3:13

Naa, mi lɛrɛlɛrɛnu valé mi tablezannu lé wenyané kɛlɛle gi é dan gyɛ lɛ yifaama; ’té woo dabli kɛla mi bɛnu lɛ, ’té wa kɛla wobozen lɛ é ziin.

Ébrunu 3:12

Bwenu, ’ka yuɛ pa kabozen va; bli nyané lé é ’ka vo we lɛ lo, té ’é kɛlɛ ka va mi do gi fɔɔ yé é diéra Bale yuɛmale zuo lo.

Weblezannu 2:19

Naa, dé weblezan ga, ’té wolé we sɛrɛ é ziin é mini wo tinu zé la, ’té woo tawoo bale bɛnu zuo, ’té woo wo bɔa, ’té woo wo ’wuo tuaan wo lɛ, yé wo yara pa ’wo kɛlɛwenu valé ’wo tɔnéiyuyu kɛlɛle ta tegele.

1 Samuɛl 15:23

Naa, lɛgamale a bélé ’moné dɔle zo, yé dɔle mi ma plɛplɛ a bélé yobanle valé miyilinu zo. I sɔn vɔ Gakelebale dére ma, amalé é sɔn vɔ i kɛlɛle minwiinzan nya ma é ziin.