Jérémi 15:8 - Kazambale lé Sebe Sauunu 1979

⁸ Alé gyɛzaralomu é dan kɛlɛ lɛ kiɛre é mini wɛyi gɔɔn ma nyéné ta, Gulidanzan boroné koo, é bu bozen koo, Maa dan kulugazan pa lɛ zia wo ɛ ma É yiéyi boenwo. Yé nyané blɛn blele valé di kinié mi gi we é dan bɔra lɛ wo ma fiaa.

Jérémi 15:8 ပူးပေါင်းရင်းမြစ်များ

Ézai 3:25

Ilé gɔnénu é dan dia lɛ gwɔun ’léé; guli é dan kalé nyanazannu gyɛ lɛ.

Ézai 3:26

Siɔn flagɔrɔ ’léé wo dan dunnu lɛ yé wo dan gyɛ bo lɛ; Siɔn munu é dan nyana lɛ tɛrɛ va wo leekoro nya.

Ézai 4:1

’Bɛ yi la, lomu sɔrafié é dan kun lɛ gɔné do ma yé wo dan a fe lɛ a lɛ léé: Ko dan kobo lé fɛ ble lɛ, ko dan kobo lé sɔ lɔ lɛ; naa, i tɔ ’é pa ko ma é pla; ’i yara si ko ’wuo ma.

Jérémi 16:3

Négɔnénu valé nélomu lé wo wo yaa fɛkona koo, wo bunu lé ’bɛnu wo yaa koo, wo yaatinu lé wo ke tɛrɛ ’ko la koo, Gakelebale lé wo lɛ léma:

Jérémi 18:21

Bɛwemalé ’i wolé nénu gyɛ lɔrɔ nya ma; ’i wo gyɛ gwɔun nya ma; wolé lomu lé nénu ’é ga ma, yé lomu ’é kɛlɛ gyɛzaralomu nya ma. Wo zananu ’é ga bawurumagyɛ lee ma; guli ’é wolé pɛniɛnu gyɛ ma.

Jérémi 22:7

Maa a fɛsɛrɛzannu ma’lɛrɛna, léé, ’wo nwa i ma, ’té gulidanfɛnu a wo faa lee do do. Wo dan ilé sɛdrɛyili zimanu bɔi lɛ, yé wo dan wo vɔ lɛ kyɛ va.

Jérémi 4:16

’Ka a fe bɛngɔnɔnu lɛ, yé ’ka a gi bɔra Jérusalɛm munu lɛ léé: Plaminwiinzannu si tɛrɛ baa do la; wo siaa guli?-?dére nya Juda tɛrɛ la flanu ma.

Jérémi 5:6

Amalé pɔrɔ gi golizra éé wo gya, Bwila glau éé wo wi kinié ékema, Kua a wo mavɔɔna wolé flagɔrɔ ’léé, Munu faa lé woo sié fla, é dan wo wi kini lɛ ékema; Naa, wo bélidɔwe sɛrɛ di, Wo yuɛgiblanle gi gyɛ.

Jérémi 6:26

Anlé munu, ’ka bɔlɔ zén ka ta, yé ’ka burula kyɛyee va. ’Ka gyɛ bo bélé négɔné do kpen gyɛ zo. Ka yuɛyi ’é zén, ’ka dunuzénmita wuvɔ; naa, fɛsɛrɛzan a dana ko va ko tanyila.

Jérémi Lé Wuvɔ Sɛbɛ 5:3

Ko vo ti galazannu nya, Ko ti ’ka lo; ko bunu vo gyɛzaralomu nya.

Ézékiɛl 22:25

Ilé balelayemunu woo gi paan mi ma i ta; woo mi boennu blé bélé golizra lé éé wé wigyɛle ta, a zo. Woo fuafɛnu valé fɛwezannu sié wobo zé nya; woo gyɛzaralomu bo bɔa fla.

OZÉ (Osée) 4:5

I dan dia lɛ é yiéyi; i va balelayezan é dan dia lɛ é béli, yé maa dan i bu gyɛ lɛ za ma.

WENÉNÉ LÉ LUK A GYE (Évangile selon Luc) 21:35

naa, é dan bɔra lɛ tɛrɛlamunu faa ma.