Jérémi 15:6 - Kazambale lé Sebe Sauunu 1979

⁶ Gakelebale léé: I sɔn vɔ an ma, yé i go i zuo zia, Naa, maa an bɛ soi i ma, yé maa i kulu ga; An wɔlɛ gi nyaa an ma, nyanai zénle i ta we ma.

Jérémi 15:6 ပူးပေါင်းရင်းမြစ်များ

Ézai 1:4

Wenyanékɛlɛ bɛn, wo gale nyɔ; wa é fanle weplenu nya, wa bɛn nyané nya, wa né sɛrɛlenu nya. Wo sɔn vɔ maa, Gakelebale ma, wo nyé yéli maa, Izraɛl lé Mi Sauun ma. Wo si an ma baa.

Ézai 28:13

Weboen lé, wo Gakelebale dére ’ma ’wo vazia léé, té bé kɛlɛ lo, té bé kɛlɛ lo, bé kɛlɛ, bé kɛlɛ, gba gba, ma ma, ta ta, wolé tawole yé wo dia ’wo bani ma we gi, yé wo wɔlɛ ’wii wo gi, wo kunle valé wo yerele we gi.

Ézai 31:3

Éjipitinu a blami nya é pla, wo ’ka bale nya lo; wolé wisoonu a wi nya é pla, wo léli ’ka lo. Dé Gakelebale é bɛ soi, mitakuunzan sɔné é dan san lɛ, yé mi lé é ke kɔɔn ’bɛ takuunna, ’bɛ é dan dia lɛ, yé wo faa é dan zamaga wo lɛ ékeva.

Jérémi 1:16

Maa dan Juda munu lé we ble lɛ wo kɛlɛwe plenu lé we ma. Wo sɔn vɔ an ma yé wo lasikɔrɔpo kyɛ ble bale bɛnu lɛ, yé wo ’wo ’wuo tua ’wo bɛ kɛlɛfɛnu lɛ, azama.

Jérémi 13:14

Maa dan wo vɔ lɛ ékema, munu valé ’wo benu, maa dan wo ’wuo zun lɛ ékema. Maa ’ka dan wo do vo lɛ lo, an nyanai ’ka dan zén lɛ wo ta lo, maa ’ka dan wuvɔ lɛ wo ta lo, we do ’ka dan wo kulu gale yi ga lɛ an lee lo. Maa Gakelebale ɛ ke a fena.

Jérémi 2:13

Naa, anlé munu wenyané gɔnɔ fié kɛlɛ: Maa lé, an ke bélé ’yi’wuo lé éé mi voo é yuɛma, a zo, wo an vo Yé ’yigurunu lé ’yi ’ka voo wo gi lo, wa bo wozé nya.

Jérémi 2:17

Bléyian va lé Gakelebale kalé Bale a gona ka nya zi zima ta, Ka sɔn vɔ a ma, amalé we ’ko bɔ ka ma. Azoan é ke loo?

Jérémi 2:19

Kalé we lɛrɛlɛrɛnu kɛlɛle valé kalé yuɛgiblanlenu é dan we lɛdɔ lɛ ka gi, Yé ka dan a ye lɛ yé ka dan a gi dɔɔ lɛ léé, Gakelebale kalé Bale vole, ’té a kana do kpen ’ka zén‐é ka gi lo, ’Bɛ a wenaané valé we lɛrɛlɛrɛ nya. Maa, Mizan, lagi sunyanu lé Gakelebale ɛ ke a fena.

Jérémi 20:9

Dé maa fe léé: Maa ’ka dan a tɔ bɔra lɛ an ’léé é dɛrɛ lo, Maa ’ka dan we fe lɛ a tɔ gi é dɛrɛ lo, Tɔɔn, fɛ do kɛlɛ an bli gi bélé kyɛ zo, ’Té éé yaan an wɔlɛnu gi. An kwa kuli léé, an pla ’bɛ nwiin, naa, an ’ka bɔalɛ lo.

Jérémi 44:22

Gakelebale ’ka bɔa dɔle lɛ ka kɛlɛwe naanénu valé kalé bozowenu kɛlɛle nyi wuo é dɛrɛ lo, amalé kalé flanu vo é ’bin nya, bwi zo, balepamafɛ nya, ka a yé kyɔ fɛan zo, a zo.

Jérémi 6:11

Gakelebale lé bliflile an kan; an ’ka bɔa anbo kunle lɛ lo. I bli ’é fli né lé é ke zi gi, a ma. I bli ’é fli miboronénu lé woo zén‐é ékema, wo ma. Naa, wo dan gɔné valé lezan kun lɛ; mi kwa, mi lé ana mɔn, wo dan wo kun lɛ.

Jérémi 6:12

Gakelebale léé: Dé an bɛ nwa tɛrɛ ’ko lamunu ma bléyian va, wolé kɔnnu é dan kɛlɛ lɛ mi bɛnu zé nya, wolé féinu valé wo nanu koo é ziin.

Jérémi 6:19

Tɛrɛ, ’i tɔné dɔ. Maa dan we tɔntɔn bɔ lɛ munu ’ko ma, wo ’wuogibɔrɔlenu tɔnɔ lé. Naa, wo ’ka ’wo tɔné dɔ lɛ an dérenu lɛ lo, wo nyé yéli anlé bélidɔwe ma.

Jérémi 7:16

Yé bii, té i dɔ mi ’konu lé we gi lo. Té i dére éé bié wolé zanté vɔlenu valé wo ma bazorole nya lo. Té i wo mawe fe an lɛ dunuvɔmadére nya lo, naa, maa ’ka dan an tɔné dɔ lɛ i lɛ lo, azama.

Jérémi 7:24

Yé wo ’ka ’wo tɔné dɔ lɛ lo; wo ’ka an ban lɛ ’wo tɔné nya lo; wo ’wo bli nyané lé weplenu valé ’wolé blibɔmawenu ta tawo. Yé wo go wo zuozia, wo ’ka da lɛ wo ’lɛzia lo.

Jérémi 8:5

Mɛmalé Jérusalɛm munu wo wobo no zi sanlenu lé wo glɛ ’ka lo, wo lɛɛ? Woo yara paan dabli kɛlɛle ta, yé woo sɔn vɔa ’wo bli nɔlale ma.

Jérémi 8:9

Yara wedɔɔmunu gyɛ; di kini wo gi yé wo wo kun. Wo nyé yélié Gakelebale dére ma. Wedɔɔle kaa ɛ ke wo lee?

Ézékiɛl 14:9

Dé balelayezan a nyi si léé, é saanwe fé, ’té maa Gakelebale ɛ yee balelayezan saan. Maa dan an bɛ kɛlɛ lɛ a ma, yé maa dan a sɛrɛ lɛ tata anlé munu Izraɛl méléna.

Ézékiɛl 25:7

amalé, bé ye, an bɛ soi i ma yé maa i pa bɛnnu lee bélé wo gyɛwi zo. Maa dan i kulu ga lɛ bɛnnu méléna; maa dan i tɔ nyaa lɛ bɛntɛrɛnu worona; maa dan i guru zana lɛ a gi, yé i dan a gi dɔɔ lɛ léé, maa ɛ ke Gakelebale nya.

Ézékiɛl 35:3

Bé fe a lɛ léma: Mizan, Gakelebale léma: Séii gɔ, maa a bii ɛ ma. Maa bɛ soi i ta, yé maa i kɛlɛ fɛna tété valé bwi nya.

OZÉ (Osée) 11:7

Saanbli a anlé munu gi, wo si an ma baa. Wa fe wo lɛ léé, ’wo Loruzan nagini, naa, wo va mi do kpen ’ka yuɛ vɔ lɛ ana lo.

OZÉ (Osée) 13:14

Maa dan wo si lɛ gamunu nyanana lé plɛplɛ lee; maa dan wo si lɛ ga boen lee. Gaoo ga, ilé bawurumagyɛ a kyɛɛn? Gamunu nyanana, ilé mi guru zanale a gi a kyɛɛn? Naa, maa ’ka wo bli nɔlale yé lo.

OZÉ (Osée) 4:16

Izraɛlnu yuɛ ma kɛlɛ plɛplɛ an va, bélé diridané lé a yuɛma ke plɛplɛ yé é ’ka a nyi sié léé, wo nyanama pa ’é nya lo, a zo. Sin Gakelebale é dan go lɛ wo nya fɛblena bélé ’blané lé ke fɛna dégélé blɛn na, a zo.

Sofoni 1:4

Maa dan an bɛ mane lɛ Juda valé Jérusalɛm munu faa ma; maa dan Baal lé mi pɔnénu kulu ga lɛ fɛkona. Alé minisinu tɔ koo, a banmunu tɔ koo, an dan wo faa yi ga lɛ fɛkona.

Zakari 7:11

Naa, wo ’ka a nyi si lɛ léé, ’wo tɔné dɔ an lɛ lo, wo so an wuo yé wo tɔné sia an dére la.