Jérémi 15:3 - Kazambale lé Sebe Sauunu 1979

³ Gakelebale léé: Maa dan bawurumagyɛ ziɛn pa lɛ wo lɛ zia; gwɔun lé wo gyɛle koo, blénnu lé wo ganale koo, lagi mianénu valé tɛrɛlawinu lé wo blele valé wo sɛrɛle koo, woo lé.

Jérémi 15:3 ပူးပေါင်းရင်းမြစ်များ

Lɛrɛvɔ Sɛbɛ 68:23

Mizan léma: Maa dan wo si lɛ Bazan yé an da wo nya, Maa dan wo si lɛ wɛyi wɔlɛ ma yé an da wo nya,

Ézai 18:6

É dan vo lɛ wigyɛmianénu lé ke gɔnu nwiin, wozé fɛna nya, é dan vo lɛ tɛrɛlawinu zé nya. Lɛɛ dabléyi va, wigyɛmianénu é dan wo galenu ble lɛ, fɔɔ yé é bɔ yɛrɛ gabléyi ma, yé winu é dan ’woé ble lɛ.

Jérémi 12:9

Anlé tɔnɔfɛ kɛlɛ an ma wiblemiané nya; é kɛlɛ glau nya; Yé é ziin wiblemianénu faa é dan si lɛ fɛfaana, yé wo péli vɔ a ma. ’Ka go, ’ka bwigiwinu faa zén ékeva, ’Ka da wo nya yé ’wo yee tɔnɔfɛ ble.

Jérémi 14:12

Dé wo lɔrɔ sɔn‐oo, maa ’ka dan an tɔné dɔ lɛ wolé welaadére lɛ lo. Dé wo wi kyɛ ble an lɛoo, dé wo blɛ kɛlɛ an lɛoo, maa ’ka dan ’bɛ ban‐ɛn ble lɛ lo; naa, é sɔ an lɛ léé, maa wo kulu ga, gwɔun koo, lɔrɔ koo, migyɛgyɛ koo, wo nya.

Jérémi 14:16

Yé munu lé wo balelawe fe ’bɛnu lɛ, ’bɛnu galenu é dan dia lɛ Jérusalɛm zinu ta, lɔrɔ valé gwɔun pagi nya. Wo koo, wo nanu koo, wo benu koo, wo lunu koo, wo pazan do ’ka dan kɛlɛ lɛ ana lo; maa dan wolé we lɛrɛlɛrɛnu nɔla lɛ wo ma.

Jérémi 16:4

Gyɛ é dan wo gyɛ lɛ yé wo ga; wo ’ka dan wo wuvɔ lɛ lo, wo ’ka dan wo pa lɛ lo; wo dan kɛlɛ lɛ bélé wibo zo tɛrɛ la; wo dan zamaga wo lɛ gwɔun valé lɔrɔ nya, yé wo galenu é dan kɛlɛ lɛ lagi mianénu valé tɛrɛlawinu lé fɛblele nya.

Jérémi 7:33

Munu ’ko galenu é dan kɛlɛ lɛ lagi mianénu valé tɛrɛlawinu lé fɛblele nya; yé mi lé éé wo bin‐é, ’bɛzan ’ka lo.

Jérémi Lé Wuvɔ Sɛbɛ 3:11

É an si anlé zi ta, é an wi kini ékema, É daan an ma, yé an vo é boa.

Ézékiɛl 14:21

Amalé we lé Mizan Gakelebale a fe, yee lo: Dé maa anlé welɛdɔ migifɛ ziɛn pa Jérusalɛm lɛ zia, gwɔun koo, lɔrɔ koo, migyɛwinu koo, migyɛgyɛ koo, woo lé, dé maa wo pa zia blaminu valé winu kulu gale we ma,

Ézékiɛl 33:27

Bé fe wo lɛ léma: Mizan Gakelebale léma: Maa a é yuɛma. Munu lé wo ke fla ’wiilenu ta, gwɔun é dan wo gyɛ lɛ. Munu lé wo ke bwi gi, maa dan wo kɛlɛ lɛ bwigiwinu blefɛ nya, yé munu lé wo ke guliyɔɔkɔn valé gɔlɛkoronu gi, wo dan ga lɛ migyɛgyɛ nya.

Lévinu 26:16

we lé maa dan a kɛlɛ lɛ ka lɛ, yee lé ke ’ko. Maa dan kana blɛn zén lɛ ka gi, yé maa dan ka gyɛ lɛ fuunégyɛ valé kɔlɛkyɛdɔgyɛ nya, yé ka yuɛi é dan zun lɛ yé ka boen é dan kle ble lɛ; ka dan fɛ vɔ lɛ kalé féi é pla; ka nyanézannu é dan a ble lɛ.

Lévinu 26:22

Maa dan bwigiwinu nwa lɛ ka ma, yé wo dan kalé nénu si lɛ ka lee yé wo dan kalé winu kulu ga lɛ, yé wo dan ka ke si lɛ a va yé ka vo sɛné; yé kalé zinu é dan ga lɛ.

Lévinu 26:25

Maa dan da lɛ gwɔun nya ka va, yé ’bɛ é dan anlé gipawe lɛi pa lɛ; dé ka zén ékema kalé flanu ta, maa dan da lɛ migyɛgyɛ nya ka méléna, yé maa dan ka pa lɛ ka nyanézannu lee.

Amɔs 5:19

Ka dan kɛlɛ lɛ bélé mi lé é ke vlan buruna golizra lee, yé yee valé kua kee, a zo; bélé mi lé é vɔ élé kɔn gi yɔɔle we ma, yé é bɛ tɛn kɔnguru ma yé méné suiɛ dɔ a ma, a zo.

Bélidɔwesɛbɛ Fiézan 28:26

Ka galenu é dan kɛlɛ lɛ la gi mianénu faa valé tɛrɛlawinu faa lé fɛblele nya; mi do kpen ’ka dan wo bin lɛ lo.

Bélidɔwesɛbɛ Fiézan 32:24

Wo dan kwéé lɛ lɔrɔ lee; Kɔlɛ gi kyɛ dɔle valé migyɛgyɛ plɛplɛnu é dan wo gyɛ lɛ; Maa dan bwigiwe nyanénu valé ménénu pa lɛ wo lɛ zia yé ’bɛnu ’é wo gyɛ.

Wegɔɔnle 6:8

Maa a naginina yé bé ye, kyɛyee wisoo bɔra. Wo atazan tɔ laama ga, yé gamunu nyanana a a va. Wa se kɛlɛ wo lɛ léé, ’wo tɛrɛ fén ziɛnzan tamunu gyɛ, gwɔun koo, lɔrɔ koo, migyɛgyɛ koo, bwigiwinu koo, wo nya.