Jérémi 15:19 - Kazambale lé Sebe Sauunu 1979

¹⁹ Amalé Gakelebale léma: Dé i bu vɔ an ma é ziin, maa dan a zi pa lɛ, yé i dan dɔ lɛ an ’lɛ; dé i fɛwezannu sié fɛ naanénu va, i dan kɛlɛ lɛ bélé an ’léé zo; é a lé munu é da i va é ziin, é ’ka lé bii é nɔla wo va é ziin lo.

Jérémi 15:19 ပူးပေါင်းရင်းမြစ်များ

1 Minwiinzannu 17:1

Galaad tɛrɛ la mi do, Tisibi mi Éli lé Akab lɛ léé: Gakelebale, Izraɛl lé Bale lé maa ke a wuozan nya, é a é yuɛma. Lɛɛ ’konu wuo, lɛɛ ’ka dan da lɛ lo yé fli ’ka dan vɔ lɛ lo, ’té dé maa ’ka a fe lɛ lo.

Fwile 4:12

Amalé ’i go, maa dan kɛlɛ lɛ i nɛnɛ va yé we lé i dan a fe lɛ maa dan a paa lɛ i gi.

Wegɔnévɔlenu 22:29

I blabozan yéé? É dan dɔ lɛ minwiinzan blɛn sɔnɔ, é ’ka dan dɔ lɛ mi pla sɔnɔ lo.

Jérémi 1:9

Yé Gakelebale é bɛ soi, yé é bɛ mane an lɔlu ma. Yé é lé an lɛ léé: Bé ye, maa an dérenu pa i ’léé.

Jérémi 15:1

Gakelebale lé an lɛ léma: Dé é kɛlɛ kɔɔn léé, Moizi valé Samuɛl dɔ munu ’ko lé we gi an ’lɛ, an bli ’ka dan dɔrala lɛ munu ’ko ma lo. ’I wo bin an lɛ baa, ’wo si ana yé ’wo go ma.

Jérémi 20:9

Dé maa fe léé: Maa ’ka dan a tɔ bɔra lɛ an ’léé é dɛrɛ lo, Maa ’ka dan we fe lɛ a tɔ gi é dɛrɛ lo, Tɔɔn, fɛ do kɛlɛ an bli gi bélé kyɛ zo, ’Té éé yaan an wɔlɛnu gi. An kwa kuli léé, an pla ’bɛ nwiin, naa, an ’ka bɔalɛ lo.

Jérémi 35:19

amalé lai sunyanu lé Gakelebale, Izraɛl munu lé Bale léma: Rékab be Jonadab kulu ’ka dan vuru lɛ dɔle ma an ’lɛ lo.

Jérémi 4:1

Gakelebale léma: Izraɛlmunu, dé ka da an va, dé ka da an va ka pa gi, dé kalé bozowenu si an yuɛ gi, ka ’ka dan vo lɛ nɔɔna lo.

Jérémi 6:29

Wolé bɔɔnwoli kyɛ éé blé; kyɛ lɛe ble, dé wa gi dan‐oo, ’té ’bɛ a é pla. A bo ’ka sié a ma lo.

Jérémi Lé Wuvɔ Sɛbɛ 1:11

Alé munu faa éé bamaflin woo, woo fɛblele naginian; Woo wolé fɛwezannu no fɛblele we ma, Léé, wo fuu ’é kɛlɛ wo ta é ziin. Gakelebale, bé ye, woo serele boo an ma fɛan zo, bé nagini.

Ézékiɛl 2:7

Dé wo ’wo tɔné dɔoo, dé wo ’ka ’wo tɔné dɔ lɛ looo, ’i an dére fe wo lɛ. Naa, wa tɔnégiplɛplɛzannu nya.

Ézékiɛl 22:26

Alé balebanmunu éé anlé bélidɔwe sɛra, ’té woo anlé fɛna sauunnu sɔnné sɛra. Wo ’ka fɛ ’lɛzan valé fɛ pla dɔɔa lo; wo ’ka fɛ gibɔle valé fɛ tiridɔle dɔɔa lo. Woo ’wo yara sié anlé flinyinu ta, yé woo an yé boazan nya wo méléna.

Ézékiɛl 44:23

Fɛnu lé wo ’lɛ ke koo, fɛ planu koo, é a lé wo wolé we paa anlé munu gi. Fɛnu lé wo ke tegele koo, fɛnu lé wo ’ka tegele lo koo, é a lé wo wolé we paa anlé munu gi.

Lévinu 10:10

É a lé ka baleban?-?lafɛnu valé fɛ planu dɔɔ; é a lé, fɛ lé a tiri ke, yé fɛ lé a tiri ’ka lo, ka wo dɔɔ;

Lévinu 14:57

Dé fɛ sɛrɛoo, dé fɛ a tegeleoo, ’bɛ ma lé ka dan a gi dɔɔ lɛ. Pantɛn lé we é dan kɛlɛ lɛ fɛan zo, a zo lé é ke bɛ.

Jonas 3:2

’I nwa, yé ’i go fla blɛn Ninive ta. Yé we lé maa a fe i lɛ, bé zana dɔɔ ana.

Zakari 3:7

Lai sunyanu lé Gakelebale léma: Dé i tawo anlé zinu ta, dé i an dérenu lɛdɔma, i dan kɛlɛ lɛ anlé munu lé weblezan nya, yé i dan kɛlɛ lɛ anlé gɔrɔ tabinzan nya, yé maa dan vole éboma nɔ lɛ i lɛ, munu lé wo ke é dɔle an ’lɛ ’ko, wo va.

WENÉNÉ LÉ LUK A GYE (Évangile selon Luc) 1:19

Lanje lé a lɛ léé: Maa ɛ ke Gabriɛl nya. Maa dɔa Kazambale ’lɛ; Bale an pa zia wefele i lɛ we gi, é valé wenéné ’ko fele i lɛ we ma.

WENÉNÉ LÉ LUK A GYE (Évangile selon Luc) 10:16

Mi lé éé tɔné dɔa ka lɛ, éé tɔné dɔa an lɛ, yé mi lé éé sɔn vɔa ka ma, éé sɔn vɔa an ma; yé mi lé éé sɔn vɔa an ma, éé sɔn vɔa mi lé é an pa zia, a ma.

WENÉNÉ LÉ LUK A GYE (Évangile selon Luc) 12:12

We lé é a lé ka a fe, Léli Sauun ɛ dan a pa lɛ ka ’léé ’bɛ bléyi va.

WENÉNÉ LÉ LUK A GYE (Évangile selon Luc) 21:15

naa, dére valé wedɔɔle lé ka nyanézannu ’ka bɔa dɔle lɛ a ma plɛplɛ lo, yé wo ’ka bɔa a nɔlale lɛ lo, maa dan wo nɔ lɛ ka lɛ.

WENÉNÉ LÉ LUK A GYE (Évangile selon Luc) 21:36

Amalé ’ka vo é yuɛma yé ’ka bazoro yifaama, kalé plɛplɛ yele we ma, yé ka bɔ sile lɛ wenu faa lé wo dan bɔ lɛ bɛ, wo lee, yé ka bɔ dɔle lɛ loru, maa blami Be yara.

2 Korɛnt Munu 5:16

Bɛwemalé, é sia bléyi ’ko va, ko ’ka mi do kpen dɔɔa mi nya tɛrɛlamunu lé midɔɔbɛ nya lo, yé dé ko Krist dɔɔ tɛrɛlamunu lé midɔɔbɛ nya é kyɛn, lao ko ’ka a dɔɔa é dɛrɛ ’bɛ bɛ gi lo.

Galasi munu 1:10

Yé lao, maa a a va léé, munu ɛ an ye mi zin nya laa, taa, Bale ɛ an ye mi zin nyaa? Taa, maa a kwa kulina léé, anlé we é sɔ munu lɛɛ? Dé maa a tan kwa kulina léé, anlé we é sɔ munu lɛ, ’té maa ’ka kɛla kɔɔn Krist wuozan nya lo.

Galasi munu 2:5

Ko ’ka zi nɔ lɛ wo lɛ lo, yé ko ’ka ko ’wuo dɔ lɛ wo wuo bléyi do kpen nya lo, Wenéné bozen vole ka va we ma.

Ébrunu 5:14

Naa, fɛ plɛplɛ blele a munu lé wo tin, ’té wevasile wo kun, ’té a zin koo, a nyané koo, wa dɔɔ bɛ, wozé nya.

SEBE LÉ JUD A GYE (Épitre de Jude) 1:24

Bale lé, éé bɔa ’é yuɛ pale lɛ ka va yé ka ’ka saan monomono lo, ’té éé bɔa ka kɛlɛle lɛ sauun yé é da ka nya élé fua tɔbɔle va, ’té ka gi nanale a blɛɛn,