Jérémi 15:15 - Kazambale lé Sebe Sauunu 1979

¹⁵ Oo Gakelebale, i we faa dɔɔ, an sele ’é dɔ i gi ma; té i gi é san an ma lo ma; ’i anlé we lɛgi pa klepaantazannu ma ma. Dé i bli kɛlɛ tiéé wo ma, an dan ga lɛ. Wo serele bo an ma i tɔ lé we ma; we ’ko sele ’é dɔ i gi ma.

Jérémi 15:15 ပူးပေါင်းရင်းမြစ်များ

Néémi 13:22

Yé maa lé Lévinu lɛ é ziin léé: ’Ka kabo kɛlɛ tegele yé ’ka da ka yuɛ pa flagɔrɔ ’léénu ta, té wo flinyi sɛrɛ lo we gi. Oo, anlé Bale, an sele ’é dɔ i gi we ’ko ma ma, yé ’i an tabin ilé nyanai zénle blɛn yɛrama ma.

Néémi 13:31

Yé kyɛ lé woo dan a nya Bale lɛ blɛ nya, ’té wa nɔyi dɔ bɛ, ’é valé féifɛ vininnu nya, an dɔ a ta. Oo, anlé Bale, an sele ’é dɔ i gi yé ’i wezin kɛlɛ an lɛ ma.

Néémi 5:19

Anlé Bale, an sele ’é dɔ i gi ma; ’i wezin kɛlɛ an lɛ, we faa lé maa a kɛlɛ munu ’konu lɛ, a we ma.

Néémi 6:14

Anlé Bale, Tobija valé Sanbalat valé wolé nyanamanu sele ’é dɔ i gi ma. Balelaye le Noadia valé balelayezan koɛnu lé wo ke kwa kulina léé, wo kana zén an gi, wo sele ’é dɔ i gi ma.

JOB (Job) 10:7

Bé gi dɔɔ é zima léé, we ’ka an nwiin lo, Yé mi do kpen ’ka bɔa an sile lɛ i lee lo.

Lɛrɛvɔ Sɛbɛ 102:24

É anlé plɛplɛ si an lee zia, É anlé tɛrɛla yi kenu si a ta.

Lɛrɛvɔ Sɛbɛ 106:4

Gakelebale, dé i wezin kɛlɛ ilé munu lɛ, an sele ’é dɔ i gi ma; Dé i bɔ wo va, an sele ’é dɔ i gi ma,

Lɛrɛvɔ Sɛbɛ 119:84

I wuozan lé tɛrɛla yinu vo nɔɔ? Munuan woo nyané paan an ta, i dan wolé we ble lɛ mɛ yi laa?

Lɛrɛvɔ Sɛbɛ 17:3

Dé i an bli nagini, dé i da an va é bélioo, Dé i an gi dan, i ’ka dan we do ye lɛ ana lo. An bɔn‐in bɔrɔmawe valé an ’lééwe a do.

Lɛrɛvɔ Sɛbɛ 39:13

Gakelebale, ’i anlé bazoro dére ’ma, yé ’i tɔné dɔ an siaalenu lɛ. Té i kɛlɛ blilaplɛplɛzan nya an yuɛyi sole zi lo. Naa, maa a bɛn nya i va, Maa a giézan nya bélé an tranu faa zo.

Lɛrɛvɔ Sɛbɛ 44:22

’Té Bale ’ka dan ’bɛ gi dɔɔ lɛ loo? Yeean é mi bligiwe yɔɔlenu dɔɔ, é ’ka dan a gi dɔɔ lɛ loo?

Ézai 38:3

Oo Gakelebale, a sele ’é dɔ i gi léé, an tawo i yara yarapalale valé bli tegele nya, yé we lé ké é zima i yuɛ gi, yee lé maa a kɛlɛ. Yé Ézékia yuɛ’yi so kiɛre.

Jérémi 12:3

Yé bii Gakelebale, i an dɔɔ, I an yé, an bli lé ke i lɛ bɛ, bé gi ginian. ’I wo si ana bélé ’blanu lé woo wo bɔrɔ bo, wo zo, Yé ’i wo tadɔ wo gyɛyi zé nya.

Jérémi 15:10

An buoo, i an yaa wenaanébɔmazan nya. Maa ɛ ta lé zavɔle valé wesiale ke tɛrɛ faa la. Maa ’ka vɛɛn sié lo, maa ’ka drɔn paan lo, naa, duowo, munu faa éé bale paan an ma.

Jérémi 15:20

Maa dan i kɛlɛ lɛ munu ’ko va bélé kɔnguru plɛplɛ lé wa dɔ zéné nya, a zo; wo dan guli dan lɛ i va, naa, wo ’ka dan i kele lɛ lo; naa, an dan kɛlɛ lɛ i va, i bélile valé i sile we gi we ma. Maa dan i si lɛ mi nyanénu lee, maa dan i si lɛ glawe kɛlɛzannu lee. Maa, Gakelebale ɛ ke a fena.

Jérémi 17:16

Yé maa, maa i lɛdɔ a ma. Maa ’ka sɔn vɔ lɛ an kɛlɛle Bale lé munu pazan nya ma lo; yé bé gi dɔɔ léé, maa ’ka a va léé, yi tɔntɔn é bɔ lo; wean é bɔra an ’léé, maa a fe gɔrɔ la.

Jérémi 18:23

Yé bii Gakelebale, an mawe faa lé wa blé léé, ’wo an gyɛ, bé gi dɔɔ. Té i wo ma we vo wolé weplenu ma lo; té wolé wenyané é saan i gi lo. ’I wo guru zana a gi i ’lɛ; ’i we kɛlɛ wo lɛ i bli flibléyi va.

Jérémi 20:11

Naa, Gakelebale a an va bélé nyanazan plɛplɛ zo, Amalé nyanépaantazannu é dan dia lɛ; wo ’ka dan an kun lɛ lo. Wolé we ’ka dan vɔ lɛ a ma lo, amalé yara é dan wo gyɛ lɛ. É dan kɛlɛ lɛ yaragyɛwe lé a glɛ ’ka lo, ’té munu gi ’ka dan san lɛ a ma lo, a nya.

Jérémi 20:12

Lai sunyanu lé Gakelebale éé mi tegele gi daan, Éé mi bli giwe valé a bɔn‐in bɔrɔlenu va ginian. Maa dan ilé we lɛgi pana ye lɛ wo ma, Naa, maa anlé we bɛ paan bii ɛ lee.

Jérémi 20:8

Naa, dé maa a we fena bléyioo bléyian va, é a lé an siaa, É a lé an siaa munu lé wo ke glawe valé va kɛlɛna, wo ta. Yé Gakelebale dére kɛlɛ gwɛmawe valé an ma wenanawe nya yi faa do do ma, munu lee.

Jérémi Lé Wuvɔ Sɛbɛ 3:64

Oo Gakelebale, i dan wo gooli pa lɛ Wo bɛ panyanama yɛrama;

Jérémi Lé Wuvɔ Sɛbɛ 3:66

Oo Gakelebale, ’i wo zuo bin i bli flile nya, yé ’i wo kulu ga Lanu wuo.

Matio 10:22

An tɔ lé we ma lé munu faa é dan ka za pa lɛ. Naa, mian éé yara paan anlé we kɛlɛle ta fɔɔ yé ’é bɔ a ’wuoplana ’bɛzan é dan si lɛ we gi.

Matio 19:29

Dé miomian é daan élé fɛnu ma an tɔ lé we ma, dé alé kɔnnu léé, dé a bwenu léé, dé a burunu léé, dé a ti léé, dé a bu léé, dé a na léé, dé alé nénu léé, dé alé tɛrɛnu léé, dé miomian é daan fɛ ’konu ma an tɔ lé we ma, é dan wo lɛgi ye lɛ gɔnɔ yɔ soru, yé é dan vo lɛ é yuɛma lɛɛfaama a glɛ ’ka lo. Tɔnɔ lé é dan a ble lɛ, yee lé ke bɛ.

WENÉNÉ LÉ LUK A GYE (Évangile selon Luc) 21:17

An tɔ lé we ma lé munu faa é dan ka za pa lɛ.

Rom munu 12:19

An blibɔmamunu, té ka kabozen lé we lɛgi pa lo; naa, ’ka ’bɛ vo Kazambale lé bliflile lee. Naa, é a é gyɛle sɛbɛ gi léé: Mizambale léé: Maa ɛ we lɛgi paan; maa ɛ mi banwoo.

Rom munu 8:35

Mɛ ɛ dan kaa si lɛ Krist lé sɔlɛle gii? Gibɔrɔpale lé laa, kleblele lé laa, nyané pale kaa ta lé laa, lɔrɔ lé laa, porole lé laa, gale lé laa, gwɔun lé laa, mɛ fɛ léé?

2 Korɛnt Munu 5:11

Ko kanale Mizan lee gi dɔɔ, bɛwemalé ko a kwa kulina léé, ko munu bɔn gi kini; naa, Kazambale ko dɔɔ é zima, yé an bli a a lɛ léé, ka bli gi mi, ka ko dɔɔ é ziin.

2 Timoté 4:14

Folibozan Alézandre wenaané kɛlɛ an lɛ kiɛre. Mizan é dan a lɛgi pa lɛ a ma a kɛlɛwenu yɛrama:

Wegɔɔnle 18:20

La, i gi ’é nana a sɛrɛle lé we ma ma. Yé ’kaa Kazambale lé munu koo, nwunvɔmunu koo, balelayemunu koo, ka gi ’é nana é ziin ma. Kazambale alé we nyaa a zo, amalé é we tegele kɛlɛ ka lɛ.

Wegɔɔnle 6:10

Wo siaa dére plɛplɛ nya yé wo léé: Mizan bozen sauun, i a mɔnna; bléyi kyɛn nya lé i dan munu lé we ble lɛ yé i ko nyɛ lɛgi pa tɛrɛlamunu maa?

Weblezannu 16:28

Yé Samsɔn Gakelebale laa yé é léé: Miza, Gakelebale! Ilé zanté, an sele ’é dɔ i gi ma! Oo Bale, ’i plɛplɛ nɔ an lɛ gɔnɔ do kpen ’ko nya, yé an yuɛ fiénu lɛgi pa Filisitinu ma bléyi do nya.