Jérémi 15:14 - Kazambale lé Sebe Sauunu 1979

¹⁴ Maa dan ka valé ka nyanézan pa lɛ zia tɛrɛ lé ka ’ka a dɔɔa lo, a ta, naa, anlé bliflile a bélé kyɛ lé wa bi, a zo; é nwa ka ma.

Jérémi 15:14 ပူးပေါင်းရင်းမြစ်များ

Lɛrɛvɔ Sɛbɛ 21:9

I bɛ é dan bɔ lɛ i nyanézannu faa lɛ, I bɛyi é dan bɔ lɛ munu lé i za ke wo gi, wo lɛ.

Ézai 42:25

Amalé a bli fli Izraɛl ma é baba, Yé é glawe bɔ wo ma yé guli wo gyɛ, Guli wo gyɛ bɛ faa ma, yé wo ’ka a gi ’ma lɛ lo; Guli wo ble yé wo ’ka ’bɛ pa lɛ wo ’wuo gi lo.

Jérémi 14:18

Dé an go féioo, gwɔun gyɛzannu a ’bɛna; Dé an da flaoo, lɔrɔgyɛzannu a ’bɛna. Balelayezan boen valé Balebanzan woo nɔɔan tɛrɛ ’ko la, Yé wo ’ka wo gona dɔɔa lo.

Jérémi 15:4

Maa dan wo kɛlɛ lɛ kanaleefɛ nya tɛrɛla bɛnnu faa lɛ, Judanu nwiinzan blɛn Ézékia be Manasé lé we ma, yee valé we faa lé é a kɛlɛ Jérusalɛm, ’bɛ lé we ma.

Jérémi 16:13

Maa dan ka si lɛ tɛrɛ ’ko la yé an go ka nya tɛrɛ lé ka valé ka tranu ’ka a dɔɔ lɛ lo, a ta, yé ka dan bale bɛnu bɔ lɛ ’bɛna é bladi nyanadi, naa, maa ’ka dan zin kɛlɛ lɛ ka lɛ é ziin lo.

Jérémi 17:4

Ka pagi lé we ma lé tɔnɔ lé maa a nɔ ka lɛ bɛ, é dan san lɛ ka lee. Ka dan kɛlɛ lɛ ka nyanézannu wuozannu nya, tɛrɛ lé ka ’ka ana dɔɔa lo, ana. Naa, ka anlé bliflile nwa bélé kyɛ zo, amalé an bli flile ’ka dan nyaa lɛ lo.

Jérémi 4:4

Juda munu valé Jérusalɛm munu, ka kɛlɛle Gakelebale zé nya lé tɔmase ’é kɛlɛ ka ma ma, ’ka daan ka kɛlɛwe kyɛn ma, dé anlé bliflile é da ble bélé kyɛ zo, dé é da nwa bélé kyɛnɛnɛ zo, ’té mi do kpen ’ka bɔa a dirile lɛ lo, ka kɛlɛwe naané lé we ma.

Jérémi 52:27

Babilɔn nwiinzan wo gyɛ yé wo ga Ribla, Amat tɛrɛ la. ’Bɛ zo lé wo go Juda munu nya luu gi, wolé tɛrɛ ma baa.

Amɔs 5:27

yé maa dan go lɛ ka faa nya luu gi Damas zi. A zo lé Gakelebale a fe; a tɔ lé lai sunyanu lé Bale.

Bélidɔwesɛbɛ Fiézan 28:25

Gakelebale é dan zi nɔ lɛ ka nyanézannu lɛ léé, ’wo ka gyɛ; ka gozi é dan ye lɛ gulidanle wo va we ma, yé ka dazi ’ka dan ye lɛ lo; we lé é bɔ ka ma, é dan di kini lɛ tɛrɛ la bɛnnu faa gi.

Bélidɔwesɛbɛ Fiézan 28:36

Ka koo, mi lé ka a dɔ ka nwiinzan blɛn nya koo, Gakelebale é dan go lɛ ka nya bɛn lé ka valé ka tranu ’ka wo dɔɔa é kyɛn lo, wo va. ’Bɛna lé ka dan bale bɛnu bɔ lɛ, yilibale valé gɔlɛbalenu lé.

Bélidɔwesɛbɛ Fiézan 28:64

Gakelebale é dan ka sɔɔla lɛ bɛnnu faa suiɛ gi, é sia tɛrɛ glɛ do ma fɔɔ yé é bɔ a glɛ koɛ ma. ’Bɛna lé, ka dan bale bɛnu bɔ lɛ, balenu lé ka valé ka tranu ’ka wo dɔɔa lo, yilibalenu valé gɔlɛbalenu, woo lé.

Bélidɔwesɛbɛ Fiézan 29:23

tɛrɛ ’ko lé é ke wɛtɛrɛ valé poovun tɛrɛ valé kyɛbletɛrɛ tanale nya, ’té fɛwɔlɛ valé féifɛ ’ka ana lo, ’té lu ’ka bɔraan ana lo, bélé Sɔdɔm koo, Gɔmɔɔ koo, Adima koo, Séboim koo, woo lé Gakelebale wo sɛrɛ élé bliflile valé é wɛwɛ blɛn nya bɛ, wo zo, dé wo ’bɛ ye,

Bélidɔwesɛbɛ Fiézan 32:22

Wo kyɛ vɔ anlé bliflile ’léé, Yé é dan vo lɛ blena fɔɔ yé é bɔ migalenu nyanana wɔlɛ ma; É dan tɛrɛ valé étafɛnu ble lɛ, É dan gɔ pun faa ble lɛ.

Ébrunu 12:29

Naa, kaalé Bale a é ziin kyɛ lé éé fɛ faa blé, a nya.