Jérémi 15:1 - Kazambale lé Sebe Sauunu 1979

¹ Gakelebale lé an lɛ léma: Dé é kɛlɛ kɔɔn léé, Moizi valé Samuɛl dɔ munu ’ko lé we gi an ’lɛ, an bli ’ka dan dɔrala lɛ munu ’ko ma lo. ’I wo bin an lɛ baa, ’wo si ana yé ’wo go ma.

Jérémi 15:1 ပူးပေါင်းရင်းမြစ်များ

Wepélisiananu 19:27

Abraam nwa bladi tutu, yé é go fɛana lé é dɔ Gakelebale ’lɛ é kyɛn, ana.

2 Minwiinzannu 17:20

Gakelebale sɔn vɔ Izraɛl bɛn faa ma; é wo gyɛ yara nya yé é wo pa ’wiiéwotamunu lee, yé é a ’wuo pla wo binle nya é yara baa.

Lɛrɛvɔ Sɛbɛ 106:23

Amalé é léé, é dan wo kulu ga lɛ, Naa, fɛana lé Bale bli nwa wo ma, Moizi lé, Bale a si a va, é dɔ ’bɛna, Yé é alé bliflile wo ma nɔla, yé é alé wo kulu gale yi ga.

Lɛrɛvɔ Sɛbɛ 99:6

Balebanzannu va, Moizi valé Arɔn koo, Bale tɔ laazannu va Samuɛl koo, Wo Gakelebale laa yé é we.

Wegɔnévɔlenu 14:35

Minwiinzan wuozan lé a ’wuo ke a ta, éé zin kɛla ’bɛ lɛ, naa, mi lé ’bɛ a gya yara nya, a bli éé flian ’bɛ ma.

Jérémi 10:18

Naa, Gakelebale léma: Ka ye, sin maa dan go lɛ tɛrɛ ’ko la munu nya baa, bélé paalu lé gɔlɛ vulile zo; maa dan wo kun lɛ léé, wo nyanézannu ’é bɔ wo ma.

Jérémi 11:14

Jérémi, té bii é dɔ munu ’ko lé we gi lo; té i dére nwa wo ma zanté vɔlenu valé wo ma bazorolenu nya lo. Naa, dé we tɔntɔn bɔ wo ma, dé wo an laa, maa ’ka dan tɔné dɔ lɛ wo lɛ lo.

Jérémi 14:11

Yé Gakelebale lé an lɛ léma: Té i munu ’ko lé muun pa lo.

Jérémi 14:12

Dé wo lɔrɔ sɔn‐oo, maa ’ka dan an tɔné dɔ lɛ wolé welaadére lɛ lo. Dé wo wi kyɛ ble an lɛoo, dé wo blɛ kɛlɛ an lɛoo, maa ’ka dan ’bɛ ban‐ɛn ble lɛ lo; naa, é sɔ an lɛ léé, maa wo kulu ga, gwɔun koo, lɔrɔ koo, migyɛgyɛ koo, wo nya.

Jérémi 15:19

Amalé Gakelebale léma: Dé i bu vɔ an ma é ziin, maa dan a zi pa lɛ, yé i dan dɔ lɛ an ’lɛ; dé i fɛwezannu sié fɛ naanénu va, i dan kɛlɛ lɛ bélé an ’léé zo; é a lé munu é da i va é ziin, é ’ka lé bii é nɔla wo va é ziin lo.

Jérémi 16:13

Maa dan ka si lɛ tɛrɛ ’ko la yé an go ka nya tɛrɛ lé ka valé ka tranu ’ka a dɔɔ lɛ lo, a ta, yé ka dan bale bɛnu bɔ lɛ ’bɛna é bladi nyanadi, naa, maa ’ka dan zin kɛlɛ lɛ ka lɛ é ziin lo.

Jérémi 16:5

Naa, Gakelebale léma: Té i wɔra gyɛbɔlakɔn gi lo, té i go wuvɔ wo va lo, té i tula wuvɔ wo va lo. Naa, Gakelebale léma: Maa anlé vole drɔɔ si munu ’ko ta; maa ’ka zin kɛla wo lɛ é dɛrɛ lo, an nyanai ’ka zén‐é wo ta é dɛrɛ lo.

Jérémi 18:20

Woo wezin lɛgi paan wenaané nyaa? Naa, wo guru bo an lee anlé tɛrɛla nyaale we ma. An da i va, an dɔle wolé we gi we ma, yee valé i bli dɔralale wo ma we ma; we ’ko sele ’é dɔ i gi ma.

Jérémi 22:28

Jékonia ’ko lé woo nyé yélié a ma, é a bɔ ple nyaa? É kɛlɛ bélé pooné go zoo? Mɛmalé wo wo vuli, yee valé é kulunu nya, tɛrɛ lé é ’ka ana dɔɔa lo, a taa?

Jérémi 23:39

bɛwemalé, ka ye, an gi é dan san lɛ ka ma; an dan son vɔ lɛ ka valé fla lé maa a nɔ ka valé ka tranu lɛ, a ma. An dan ka bin lɛ an yara ma baa;

Jérémi 35:19

amalé lai sunyanu lé Gakelebale, Izraɛl munu lé Bale léma: Rékab be Jonadab kulu ’ka dan vuru lɛ dɔle ma an ’lɛ lo.

Jérémi 52:3

Gakelebale bli fli Jérusalɛm valé Juda ma, yé é a a va léé, ’é wo si é yuɛ gi, amalé we ’ko kɛlɛ. Yé Sédésias nwa Babilɔn minwiinzan blɛn ma.

Jérémi 9:19

Gyɛbodérenu a wena Siɔn. Ka ye do, ko kulu ga. Yara wɔra ko ’wuo ma bélé sɔ zo, É a lé ko si tɛrɛ ’ko la, Wo ko nyanana guru zana a gi.

Ézékiɛl 14:14

yé dé é kɛlɛ léé, Noé koo, Daniɛl koo, Job koo, wana wo méléna kɔɔn, ’té wo mi yaa ’ko saa ɛ dan si lɛ we gi wo kɛlɛwe tegele ma. A zo lé Mizan Gakelebale a fe.

Ézékiɛl 22:30

Yé an mi do nagini wo va léé, ’é gɔrɔ guru do dɔ an ’lɛ, yé é dɔ gɔrɔ buruna tɛrɛ ’ko tamunu ’lɛ, zi dɔle an lee we ma léé, té maa wo kulu ga lo. Naa, an ’ka mi do kpen ye lɛ lo.

OZÉ (Osée) 9:15

Wolé wenyané faa ta a é bɔrale Gilgal; ’bɛna lé wo sɛrɛ an gi. Wo kɛlɛwe an bli fli, amalé an dan so lɛ wo va anlé kɔn gi. Wo ’ka dan sɔ lɛ an lɛ é dɛrɛ lo; wo nwiinzannu faa a nwamimazannu nya.

Zakari 3:3

Sɔ tiridɔle a é zénle Jozué ta, ’té é a é dɔle lanje ’lɛ.

Bélidɔwesɛbɛ Fiézan 9:26

An bazoro Gakelebale lɛ yé maa léé: Mizan Gakelebale, ilé munu, ilé tɔnɔfɛ lé i wo tabo ilé plɛplɛ blɛn nya, ’té i wo si Éjipiti tɛrɛ la i bɛ plɛplɛ nya bɛ, té ’i wo gyɛ lo.

Ébrunu 9:24

Fɛna sauun lé mi a kɛlɛ fɛ boen zuosonafɛ nya, Krist ’ka wɔra lɛ ’bɛna lo. É wɔra la bozen gi yé ébo dɔ Kazambale yara sin kaalé we gi.

Weblezannu 5:9

An bli a Izraɛl nwiinmunu lɛ, Munu lé, wobo nɔ gulidanle lɛ munu va, an bli a wo ɛ lɛ. ’Ka Gakelebale drɔɔ vo ma.

1 Samuɛl 12:19

Munu faa lé Samuɛl lɛ léé: ’I bazoro Gakelebale, ilé Bale lɛ i wuozannu lé we ma, té ko ga lo we gi; naa, ko kolé wenyanénu taa pa ko nwiinzan ma laale nya.

1 Samuɛl 12:23

Yé dé maa daan bazorole ma ka zuo ’té ma wenyané kɛlɛ. Té maa ’bɛ zo wenyané kɛlɛ lo ma. Maa dan zi drɔle valé zi zima gɔɔn lɛ ka lɛ.

1 Samuɛl 7:9

Samuɛl nyɔ ma ’blané si yé é a kyɛ ble Gakelebale lɛ é ta lé é kɔn‐an. É siaa Gakelebale lɛ Izraɛl lé we ma, yé Gakelebale a ’ma.