Jérémi 14:9 - Kazambale lé Sebe Sauunu 1979

⁹ Mɛmalé kwa vɔ i lɔlu la a zoo? Bii lé i ke nyanazan nya, mɛmalé i ’ka bɔa ko sile lɛ we gi loo? Naa, Gakelebale, bii a ko méléna duowo, Yé woo i tɔ laama ko ma; Té i sɔn vɔ ko ma lo.

Jérémi 14:9 ပူးပေါင်းရင်းမြစ်များ

2 Minwiinmunu lé Wezuofe Sɛbɛ 7:14

anlé munu lé an tɔ ke wo ma, dé wo wobo kɛlɛ kiéné yé wo bazoro yé wo an nagini, yé dé wo si ’wo kɛlɛwe naanénu zuo, maa dan wolé bazoro dére ’ma lɛ lanu gi, maa dan wo ma we vo lɛ wolé wenyanénu ma, yé maa dan wolé tɛrɛ dɔ lɛ é dɔbɛ gi.

Lɛrɛvɔ Sɛbɛ 10:1

Oo Gakelebale, mɛmalé i a é dɔle baa? Mɛmalé i yɔɔan kleblebléyi vaa?

Lɛrɛvɔ Sɛbɛ 27:9

Té i yara yɔɔ an ma pelo, Té i wuozan si i ma i bliflile nya lo. An Siéwegizan Bale, Bii a an bɔavazan nya, té i an vo lo, té i sɔn vɔ an ma lo.

Lɛrɛvɔ Sɛbɛ 46:5

Yuu do ana, Bale lé fla blɛn lé ke Loruzan nyanana lé kɔn sauun nya, ana, A yorole éé ana munu gi nanama;

Ézai 12:6

’Kaa Siɔn munu, ’ka siaa ginanale blɛn nya, Naa, Izraɛl lé Mi Sauun a blɛn ka va, azama.

Ézai 43:7

Munu faa lé woo wo laan an tɔ nya, ’wo da, Maa wo bɔra an tɔbɔle we gi, Maa ɛ wo kɛlɛ, maa ɛ wo tin.

Ézai 51:9

Gakelebaleoo, ’i nwa, ’i bɛ kun ilé zana ma, bé gyɛ. ’I nwa, bé kɛlɛ bélé é vinin zé zo, Bélé é li zé zo. Biian i Éjipitinu gyɛ loo? Biian i wi nyané blɛn fɔn loo?

Ézai 59:1

Gakelebale bɛ éé sɔa ka sile we gi nya; a tɔné ’ka é ’wiile yé é ’ka we ’ma lo lo.

Ézai 63:19

Ana mɔn, ko kɛlɛ bélé munu lé i ’ka plale wo nwiin lo, ’té wo ’ka wo laan i tɔ nya lo, wo zo. Oo, dé é a kɔɔn lé i la fee gyɛ yé i zun, gɔnu ma é dan nyɔɔn lɛ i ’lɛ,

Jérémi 15:16

Maa i dérenu ye yé maa wo ble; i dérenu a an bli gi néné yé woo an gi nanaan; naa, Gakelebale, lai sunyanu lé Bale, wo i tɔ laan an ta.

Jérémi 51:5

Naa, Juda munu valé Izraɛl munu lé Bale, lai sunyanu lé Gakelebale, é ’ka sɔn vɔ lɛ wo ma lo, yé Kaldé tɛrɛ la a é fanle weple nya Izraɛl lé Mi Sauun ma.

Jérémi 8:19

Ka ye, anlé munu siaadérenu Zuo gi éé goo wele nya tɛrɛ baa la. Gakelebale ’ka Siɔn é dɛrɛ loo? A nwiinzan ’ka ana é dɛrɛ loo? Mɛmalé wo an bli fli wolé miyili nyaalenu Valé bɛnnu lé miyilinu nyaa?

Jérémi Lé Wuvɔ Sɛbɛ 5:20

Mɛmalé i gi éé saan ko ma yifaamaa? Mɛmalé i sɔn vɔa ko ma lɛɛ kiɛre gii?

Ézékiɛl 48:35

A zi kɛlɛ fɛdanmayili baa sɔraziɛn. ’É sia ’bɛ yi ma, wo dan fla ’ko tɔ laa lɛ, Gakelebale a ’ko.

Abaku 1:2

Gakelebaleoo, Gakelebale! Gɔnɔ nɔ nya lé an siaa i lɛ yé i ’ka i tɔné dɔ lɛ an lɛ loo? Wa glawe kɛlɛna an lɛ, amalé an siaa, yé i ’ka bɔ lɛ an va lo.

Zakari 2:5

yé Gakelebale léé: Maa dan kɛlɛ lɛ kyɛgɔrɔ nya a zi, yé an nyanale a méléna lé we ma lé, a tɔ é dan bɔ lɛ.

Zakari 8:3

Gakelebale léma: Maa nɔlaan an pa gi Siɔn, yé é sɔ an lɛ léé, maa nyana Jérusalɛm. Wo dan Jérusalɛm laa lɛ, yarapawela fla, yé wo dan lai sunyanu lé Gakelebale lé gɔ laa lɛ, gɔ sauun.

Mi Nɔnɔle 11:23

Yé Gakelebale a zi pa Moizi lɛ léé: Maa, Gakelebale bɛ ’ka é wo sɔa a nya loo? Wean maa a fe, dé é dan kɛlɛ lɛɛ? dé é ’ka dan kɛlɛ lɛ loo? i dan a ye lɛ sin.

Kelewenu 15:17

Mi pɔnénu lé Mizambale naginile we gi, É valé bɛnnu faa lé, an tɔ ke wo ma, wo nya. Mizambale lé é we ’konu kɛlɛ,

2 Korɛnt Munu 6:16

Kazambale bangikɔn valé miyilinu, ’bɛnu éé nanaan? Naa, ko a Bale yuɛmale lé kɔn nya, bélé fɛan zo lé Kazambale a fe, a zo. É léé: Maa dan nyana lɛ wo va, yé maa dan tawo lɛ wo méléna; maa dan kɛlɛ lɛ wolé Bale nya, yé wo dan kɛlɛ lɛ anlé munu nya.

Bélidɔwesɛbɛ Fiézan 23:14

Naa, Gakelebale kalé Bale a tawona ka va, ka takuunle valé ka nyanézannu pale ka lee we gi; bɛwemalé é a lé kalé fla ’é kɛlɛ é zima, té Gakelebale é fɛ tiridɔle do kpen ye ka va lo, dé é da si ka va.

Bélidɔwesɛbɛ Fiézan 28:10

Munu faa é dan a ye lɛ léé, Gakelebale tɔ a ka ta, yé wo dan kana lɛ ka lee.

Ébrunu 13:5

Té ka tawo gɔɔli sɔle ka lɛ yɛrama lo; fɛnu lé wo ke ka lee, ’wo fɛnu lɔrɔ si ka ma ma. Naa, Kazambale bozen a fe léé: Maa ’ka dan i vo lɛ é pla monomono lo; yé maa ’ka dan sɔn vɔ lɛ i ma pelo.

Wegɔɔnle 21:3

Yé maa dére plɛplɛ do ’ma, é si webleblin va yé é léé: Kazambale nyanana kɛlɛ munu va sin. É dan vo lɛ wo va, yé wo dan kɛlɛ lɛ alé munu nya, yé Kazambale bozen é dan kɛlɛ lɛ wo va.

1 Samuɛl 12:22

É a Gakelebale gi léé, é ka kɛlɛ élé munu nya, amalé é ’ka dan élé munu vo lɛ wo saa lo, a tɔ blɛn lé we ma.