Jérémi 14:3 - Kazambale lé Sebe Sauunu 1979

³ Mi segelenu éé né kiénénu nwunvɔa ’yi tɔna, Yé nénu éé goo ’yibagi, yé wo ’ka ’yi yé a gi lo; Woo nɔlaan bɔ koro nya wo lee. Yara wo gyɛ; wo kua yara nya yé wo sɔ zén ’wo ’wuo ma.

Jérémi 14:3 ပူးပေါင်းရင်းမြစ်များ

2 Samuɛl 15:30

David Ɔlivigɔ gié. É a gié wuvɔle nya, ’té sɔ a é zénle a ’wuo ma, ’té sawala ’ka a gane ma lo; a vamunu faa sɔ zén ’wo ’wuo ma é ziin, yé wo gɔ gié wuvɔle nya.

2 Samuɛl 19:4

Minwiinzan é yara yɔɔ, ’té éé siaan dére plɛplɛ nya léé: An be Abusalɔm! Abusalɔm, an beoo, an be!

1 Minwiinzannu 17:7

Naa, yi ke giéle zuo yuubɛ béli, lɛɛ ’ka da lɛ tɛrɛ ’ko la lo, azama.

2 Minwiinzannu 18:31

Té ka tɔné dɔ Ézékia lɛ lo; naa, Asirinu nwiinzan léma: ’Ka yɔfalo fu nwa ’é lɛ, ’ka da ’é va, yé ka faa do do ka dan kalé dɔrɔporo valé bɔrɔyiliporo ble lɛ, yé ka dan ’yi mini lɛ kabo lé ’yiguru gi,

Esitɛɛ 6:12

Maadosé go é pa gi minwiinzan blɛn lé gɔrɔ ’léé, yé Aman go é kele élé kɔn ’léé, é bli kyɛ dɔle nya, ’té sɔ a é zénle a ’wuo ma.

JOB (Job) 6:20

Wo pale a a ta léé, ’wa yé, yé yara é wo gyɛ, Yé wo dɔ danwééé é pla, yé wo ’ka wo gona dɔɔa lo.

Lɛrɛvɔ Sɛbɛ 109:29

’Wo yaragyɛwe bɔ an nyanézannu ma ma, Yé wo yara wɔra wo ’wuo ma bélé sɔ zo ma.

Lɛrɛvɔ Sɛbɛ 40:14

Gakelebaleoo, Bale, ilé weai, ’i an si we ’konu lee. Gakelebale, ’i da bɔ an va é kele.

Jérémi 14:4

Tɛrɛ kyɛ dɔ, Lɛɛ ’ka dan tɛrɛ la lo, azama. Yé yara féipazannu gyɛ yé wo bɛ bua ’wo yara.

Jérémi 15:18

Mɛmalé an nyané blé bléyi faa maa? Mɛmalé an manɔn éé yaan yé é ’ka sɔ lɛ a lɛ léé, é nyaa loo? I dan kɛlɛ lɛ an lɛ bélé dabli ’yibɔna zoo? Bélé yuu lé é ’ka yoroan é dɛrɛ lo, a zoo?

Jérémi 2:13

Naa, anlé munu wenyané gɔnɔ fié kɛlɛ: Maa lé, an ke bélé ’yi’wuo lé éé mi voo é yuɛma, a zo, wo an vo Yé ’yigurunu lé ’yi ’ka voo wo gi lo, wa bo wozé nya.

Jérémi 2:37

Ana lé ka dan si lɛ, ka bɛ nya é plale ka nwiin. Naa, munu lé ka bli vo wo lɛ, Gakelebale sɔn vɔ wo ma, amalé a va ’ka dan gyɛ lɛ ka lee lo.

Jérémi 20:11

Naa, Gakelebale a an va bélé nyanazan plɛplɛ zo, Amalé nyanépaantazannu é dan dia lɛ; wo ’ka dan an kun lɛ lo. Wolé we ’ka dan vɔ lɛ a ma lo, amalé yara é dan wo gyɛ lɛ. É dan kɛlɛ lɛ yaragyɛwe lé a glɛ ’ka lo, ’té munu gi ’ka dan san lɛ a ma lo, a nya.

Jérémi 3:3

Amalé lɛɛné ’ka da lɛ lo yé lɛɛné vininnu vuru ka ma. Yé ka kɛlɛ yuɛmaplɛplɛ?-?zannu nya bélé gɔnégini le zo, yé yara ’ka ka gyɛ lɛ lo.

Jérémi Lé Wuvɔ Sɛbɛ 4:4

Nyɔ ma nénu nɛnɛ kua ’wo lagolo ma; Wo lagolo ma ga ’yiminilɔrɔ nya; Nénu éé fɛblele ma laan Yé mi do ’ka a no wo lɛ lo.

OZÉ (Osée) 2:3

’Ka fe ka bwenu lɛ léé: Ami, ’bɛ gi léé, anlé munu; ’ka fe ka burunu lɛ léé: Rusama, ’bɛ gi léé, nyanai zénle.

Joɛl 1:20

Bwigiwinu é ziin, wa wuvɔna i lɛ, Naa, ’yiyoronu faa béli, Yé fɛna pɛblɛɛna faa kyɛ ble.

Amɔs 4:7

Yé maa lɛɛ nyané kɛlɛ ka lɛ, ’té kalé fɛgyɛmoné vo yaa; maa lɛɛ da fla do la, yé maa ’ka lɛɛ da lɛ fla do ta lo. Maa lɛɛ da féi do ta, yé féi lé maa ’ka lɛɛ da lɛ ’bɛ ta lo, ’bɛ ga.

Amɔs 4:8

Fla fié, fla yaa wo go fla bɛ ta ’yi minile we gi, yé ’yiminilɔrɔ ’ka si lɛ wo ma lo. Dé an ’bɛ kɛlɛoo, ka ’ka da lɛ an va ka pa gi lo. A zo lé Gakelebale a fe.

Zakari 14:17

Dé kɔn‐an gi munu a fe léé, ’wo ’ka go Jérusalɛm minwiinzan blɛn, lai sunyanu lé Gakelebale bɔ lɛ lo, lɛɛ ’ka dan da lɛ wolé fɛna lo.