Jérémi 14:22 - Kazambale lé Sebe Sauunu 1979

²² Bɛnnu faa lé miyilinu vazan do éé lɛɛ daan? taa, La ɛ lɛɛ daan? Lɛɛdazan ’ka bii Gakelebale kolé Bale nya loo? Ko bli a bii ɛ lɛ, Naa, bii ɛ ke fɛnu ’ko faa kɛlɛzan nya.

Jérémi 14:22 ပူးပေါင်းရင်းမြစ်များ

1 Minwiinzannu 17:1

Galaad tɛrɛ la mi do, Tisibi mi Éli lé Akab lɛ léé: Gakelebale, Izraɛl lé Bale lé maa ke a wuozan nya, é a é yuɛma. Lɛɛ ’konu wuo, lɛɛ ’ka dan da lɛ lo yé fli ’ka dan vɔ lɛ lo, ’té dé maa ’ka a fe lɛ lo.

1 Minwiinzannu 17:14

Naa, Gakelebale, Izraɛl lé Bale léma: Burupun lé ke bɔ gi é ’ka dan nyaa lɛ lo, yé nyɔnɔ lé ke kuo gi, é ’ka dan nyaa lɛ lo, fɔɔ yé Gakelebale é lɛɛ da.

1 Minwiinzannu 18:1

Yi kiɛre gié, yé Gakelebale we fe Éli lɛ, lɛɛ yaazan gi. É léé: ’I go, ’ibo nagɔɔn Akab lɛ yé maa dan lɛɛ da lɛ tɛrɛ la.

1 Minwiinzannu 8:36

’bé ’ma lanu gi ma, ’i i wuozannu valé ilé munu Izraɛl ma we vo ma. Zi zima lé é a lé wo a ta tawo, ’bé gɔɔn wo lɛ ma; yé ’i lɛɛ da, tɛrɛ lé bé nɔ ilé munu lɛ wolé tɔnɔ nya, a ta ma.

JOB (Job) 28:26

Dé é a bélidɔwe nɔna lɛɛ lɛ bléyian va, ’Té éé lɛɛ yuɛwuovɔle valé zagele banle lé zi plaan,

JOB (Job) 5:10

Éé lɛɛ dan tɛrɛ la, Éé ’yi zén‐é féinu ta;

Lɛrɛvɔ Sɛbɛ 130:5

An bli a Gakelebale lɛ; an boen a é pale a ta, Yé maa a alé blivolɛdére lɛbɛnna.

Lɛrɛvɔ Sɛbɛ 135:7

Yee ɛ lafunu nwaan tɛrɛ glɛ sina, Éé zagelenu baan yé éé lɛɛ dan, Éé fu sié élé fɛwezannu va.

Lɛrɛvɔ Sɛbɛ 147:8

Yee ɛ la gi sɔɔlaan latinu nya, Yee ɛ lɛɛ dan tɛrɛ la, Yee ɛ lu gɔn bɔa gɔblɛnnu ta.

Lɛrɛvɔ Sɛbɛ 25:21

Dé an bli kɛlɛ i lɛ, An nwiin pla valé anlé wedrɔle ’wo an ta béli dɔ ma.

Lɛrɛvɔ Sɛbɛ 25:3

Munu faa lé wo bli ke i lɛ, wo fuu ’ka dan si lɛ wo ta lo. Munu lé wo yuɛ gi éé blaan é boa Wo ɛ fuu é dan si lɛ wo ta.

Lɛrɛvɔ Sɛbɛ 27:14

’I bli vo Gakelebale lɛ. ’I dɔ gligli, yé ’i bli ta dɔ plɛplɛ ma. ’I bli vo Gakelebale lɛ.

Ézai 30:18

Duowo, Gakelebale a a va léé, é zin kɛlɛ ka lɛ, yé é dan nwa lɛ nyanai zénle ka ta we gi. Naa, Gakelebale a Bale lé éé we tegele kɛla, a nya. Munu faa lé wo bli ke a lɛ, wo gi a é nanale.

Ézai 30:23

Yé Bale é dan lɛɛ da lɛ fɛwɔlɛ lé ka vɔ, a ta, yé kalé tɛrɛ é dan fɛ dɔ lɛ, yé a néné é dan ka bua lɛ, yé a bléyi duo nya kalé trubɛnu é dan fɛ ble lɛ trubɛ blena blɛn na.

Ézai 41:29

Ka ye, wo faa a é boa, Wo kɛlɛwe ’ka lo, Wolé miyilinu a bélé fu zo é pla.

Jérémi 10:12

É tɛrɛ kɛlɛ é bɛ plɛplɛ nya; Alé wedɔɔle nya lé é tɛrɛ gane vɔ, É lanu fwila élé gikini nya.

Jérémi 10:13

’Yinu a dére ’ma tɔɔn, wo vun we lanu gi. Éé latinu nwaan tɛrɛ glɛ sina, Éé lɛɛ yuɛ wuo vɔa yé éé lɛɛné dan, Éé fu sié élé fɛwezannu va.

Jérémi 10:15

Wa fɛnu lé wo ’ka we do nyian wo mi ma lo, wo nya; wa dabli panyanama nya; Dé we lɛdɔ mi gi yi bɔ, wozé é dan nyaa lɛ.

Jérémi 10:3

Naa, munu gɔnɔlawenu a boawe nya, Woo yili bɔié pɔrɔ gi; Nyanamapazan a ma nyanama paan zaa nya,

Jérémi 16:19

Gakelebale, anlé plɛplɛ, an tɛngizan, bii a an yɔɔna nya klebleyi nya. Bɛnnu é dan si lɛ tɛrɛ glɛ sina yé wo da i va, yé wo dan a fe lɛ léé: Viéfɛnu saa lé ko tranu a ye tɔnɔfɛ nya, yee valé miyili boanu lé wo tɔnɔ ’ka lo, wo nya.

Jérémi 5:12

Wo sɔn vɔ Gakelebale ma yé wo léé: Bale ’ka lo. Yé we tɔntɔn ’ka dan bɔ lɛ ko ma lo. Gwɔun valé lɔrɔ ’ka dan ko gyɛ lɛ lo.

Jérémi 5:24

Wo ’ka a fé wo bli gi léé: Kaa kana Gakelebale kolé Bale lee, lo. Bale lé éé lɛɛ paan zia lɛɛdabléyi va, ’té éé lɛɛ vininzan valé lɛɛ voélazan dan, ’té éé bléyi kenu no ko lɛ kolé féifɛnu gyɛle we ma, wo ’ka kanaan yee Bale lee lo.

Jérémi 51:16

’Yinu a dére ’ma tɔɔn, ’wo vun we lanu gi. Éé latinu nwaan tɛrɛ glɛ sina, Éé lɛɛ yuɛ wuo vɔa yé éé lɛɛné dan; Éé fu sié élé fɛwezannu va.

OZÉ (Osée) 2:7

Wo bu a bɔrɔdɛ le nya; le lé é wo yaa, ébo sɛrɛ; naa, é léé: An bwɛnu lé wo fɛblele valé ’yi koo, ’blakyɛɛsɔ valé lɛnsɔ koo, nyɔnɔ valé nwɛ koo, wa nɔ an lɛ, maa dan go lɛ ’bɛnu zuo.

Joɛl 2:23

Yé ’kaa Siɔn munu, yéri ’é pa ka lɔ ma, yé ka gi ’é nana Gakelebale, kalé Bale lé we ma ma, Naa, é dan lɛɛ da lɛ ka lɛ lɛɛ dabléyi va, Yé é dan lɛɛ vininzan valé lɛɛ voélazan da lɛ lɛɛ dabléyi va, Éé a kɛla é vinin fɛan zo, a zo.

Amɔs 4:7

Yé maa lɛɛ nyané kɛlɛ ka lɛ, ’té kalé fɛgyɛmoné vo yaa; maa lɛɛ da fla do la, yé maa ’ka lɛɛ da lɛ fla do ta lo. Maa lɛɛ da féi do ta, yé féi lé maa ’ka lɛɛ da lɛ ’bɛ ta lo, ’bɛ ga.

Misé 5:6

Jakɔb kulu pɔnénu é dan kɛlɛ lɛ migɔnɔ kiɛre va bélé lolu lé é si Gakelebale va, a zo, bélé fli lé é vɔ lu ta, a zo. Wo bli ’ka blami lɛ lo, yé wolé we do kpen ’ka sié blaminu va lo.

Misé 7:7

Dé é a anzé nya, an dan an yuɛ vo lɛ Gakelebale lɛ, yé maa dan pa lɛ an siéwegizan Bale ta. Anlé Bale é dan an dére ’ma lɛ.

Matio 5:45

É a lé ka kɛlɛ yee ɛ zo, ka Ti lé é ke la gi, ka kɛlɛle a benu nya we gi, naa, é élé yiri bié wenyanékɛlɛmunu valé wezinkɛlɛmunu ta, yé éé lɛɛ dan mi plenu valé mi tegelenu ta.

Bélidɔwesɛbɛ Fiézan 28:12

Gakelebale é dan élé fɛwezan zinnu lɛ so lɛ la gi, yé é dan lɛɛ da lɛ kalé tɛrɛ la a dabléyi nya, yé é dan kalé nyanama faa drɔɔ vo lɛ; ka dan vɛɛn pa lɛ bɛn kiɛre ma yé ka ’ka dan vɛɛn si lɛ wo va lo.

Bélidɔwesɛbɛ Fiézan 32:21

Wo anlé maawole nwa fɛnu lé wo ’ka bale nya lo, wo nya, Yé wo an bli fli wolé miyili planu nya; Yé maa, maa dan wolé maawole nwa lɛ, munu lé wo ’ka mi nya lo, wo nya, Yé maa dan wo bli fli lɛ, bɛn lé é ke ’tugyɛbɛn nya, a nya.